Yohana 11:47 - Imuuma Eehya

⁴⁷ Mbe, abhanene abha abhasëngëri na Abhafarisaayo, bhakakora esango iya ribharasa rinene, bhakabhoorania igha, “Iyakë tokaakora bhamurë? Ko bhoora ömöntö ono ebhemanyërryö ibhya amakono m-byaaru akokora.

Yohana 11:47 ပူးပေါင်းရင်းမြစ်များ

Mataayo 26:3

Mbe, ko-nkaagha iyö, abhanene abha abhasëngëri na abhaghaaka abha Ikiyahudi, bhakaikomania mu-nyumba iya omonene uwa abhasëngëri, ono yaabherekerwanga igha Kayafa.

Mataayo 5:22

Kasi bhoono öni nkobhatëëbhya ndë igha, motakaarererra ömöntö wowonswe oora. Hano moraarererre ömöntö wowonswe oora, ni-igha mushibhibhwi mo-bharasa. Na hano mwatoka ömöntö igha m-mushiimushiimu, na okomoroka amariina amaghogho, ni-igha mushibhibhwi mo-bharasa enene. Na hano moraareghe ömöntö wowonswe igho, na ökömötëëbhya igha, Waryobha amwihiime, hayö ni-igha motabhutwe mo-morro ghotakurima.

Maariko 14:1

Mbe, waanyöörrë sitighaayë sinsikö ibhërë igho, ebhe inyangi iya Epasaka bheena inyangi iya okorya emekaate gheno ghetatöörrwë-mo ehamiira. Abhanene abha abhasëngëri abha Waryobha na abhëëghya abha amaraghërryö agha Mosa, bhaatunanga enshera iya okoghoota Yëësu bhughunyi igho, abhantö bhatamanyirë, okore bhamobhotorre ikiina, bhamwite.

Ruuka 22:2

Abhanene abha abhasëngëri, hamwë na abhëëghya abha amaraghërryö agha Mosa, bhaatunanga enshera iya ukwita Yëësu. Kasi mboobhohanga igha, abhantö mbakaakörrë riihë.

Yohana 11:57

Abhanene abha abhasëngëri na Abhafarisaayo bhaarenga bharaghërrëëyi igha, ömöntö wowonswe igho ono araamanye hano Yëësu arë, abharome ökötwë, okore bhamoghoote.

Yohana 12:19

Abhafarisaayo bhakatëëbhania igha, “Moramaaha! Tetootore okokora kyokyonswe igho hë! Maaha bhono abhantö bhonswe igho bhakomosoorana.”

Yohana 2:11

Kiyö nkyo ekemanyërryö ikya mbere keno Yëësu yaakörrë. Ekemanyërryö kiyö, yaakëkörëëyë mu-mughi ughwa Kana iya mo-mokowa ughwa Ghariraaya. Ko okokora igho, yöörökëri ubhuhika ubhwaye, kora abheegha abhaaye bhakamukumya.

Yohana 6:2

Rikomo rinene irya abhantö ryaasoorananga Yëësu, ko bhoora ryaarenga rërööshë ebhemanyërryö ibhya amakono ghano yaakoranga agha ukuhwënia abharööyë.

Yohana 7:32

Mbe, hano Abhafarisaayo bhaaighuurë rikomo irya abhantö rerashamerrana amangʼana ghayö, Abhafarisaayo bhayö hamwë na abhanene abha abhasëngëri bhakatoma abhasirikare abhaabho bhaghoote Yëësu.

Yohana 7:45

Mbe, abhasirikare bhayö bhakakyora ko-bhanene abha abhasëngëri na Abhafarisaayo. Abhanene bhayö bhakabhabhöörya igha, “N-kwakë motaishirë hano na Yëësu?”

Amangʼana agha Abhatomwa 5:21

Ku bhuyö abhatomwa bhayö, bhakamwighwera, bhakamuta nyinkyo shiri, ukughya mo-bhogho ubhwa risengerro irya Waryobha, bhakasimya ukwëghya abhantö. Enkaagha iyöiyö, omonene uwa abhasëngëri hamwë na bharikyaye bhaara, bhakabherekera abhanene bhonswe igho abha Abhaisiraëri, okore bhasikane mo-bharasa enene. Bhakatoma abharëndi mu-nyumba iya ekebhohe, bhareete abhatomwa bhaara.

Amangʼana agha Abhatomwa 5:24

Mbe hano omonene uwa abharëndi, na abhanene abha abhasëngëri bhaaighuurë ghayö, bhakahaha, tebhaamanyirë keno kyaabhaayë hë.