Yohana 11:43 - Imuuma Eehya

⁴³ Hano Yëësu yaamarrë okoghamba amangʼana ghayö, akabherekera bhököngʼu igha, “Raazaaro, rishoka kebhara eno!”

Yohana 11:43 ပူးပေါင်းရင်းမြစ်များ

Maariko 4:41

Bhakoobhoha bhököngʼu, bhakabhoorania igha, “Kana, Ömöntö ono n-wa teemo kë, ono kora rikama bheena amayengo bhikumwighwera?”

Yohana 11:42

Nemanyirë igha nkunyighwa örë nkaagha syonswe igho, kasi nengambirë amangʼana ghayö, ko okoghera iya rikomo irya abhantö bhano, okore bhakumi igha, nu-uwe waantoma.”

Yohana 11:44

Mbe, umuku oora, akarishoka kebhara. Amaghörö na amabhoko aghaaye ghananëërrëywë na esanda, kora na ubhusyö ubhwaye bhwaarenga bhonanërrëywë na eketati ikya ingibho. Yëësu akabhatëëbhya igha, “Momonoore singibho siyö, mumutighe aghende.”

Yohana 12:1

Hano syaatighaayë sinsikö isansabha igho inyangi iya Epasaka etaraahika, Yëësu akahika Bhetania, mu-kishishi keno yaaryökëëyi-mo Raazaaro ukurwa mo-bhaku.

Yohana 12:9

Mbe, rikomo irya Abhayahudi, rekaighwa igha Yëësu ni-iyö arë, rekaghya-yo. Tebhaghëëyë iyö ko okoghera iya Yëësu umwene igho hë, kasi mbaatunanga bhamaahe na Raazaaro ono Yëësu yaaryökëri ukurwa mo-bhaku.

Amangʼana agha Abhatomwa 3:12

Hano Peetero yaarööshë abhantö bhayö, akabhatëëbhya igha, “Bhare Abhaisiraëri bharikyane, n-kwakë mokoroghorra engʼana iyö? Moratotongʼaarra, nkokanya mörë igha no-bhotoro ubhwëtö mbwo bhuhwënëri ömöntö ono? Handë igha, öbhöntö ubhwa heene ubhwëtö mbwo bhöghërrë aghëndirë?

Amangʼana agha Abhatomwa 3:6

Kasi Peetero akamötëëbhya igha, “Teneena ehera handë esahaabhu hë, kasi keno neenakyo, nkyo ndaakohaane. Ku iriina irya Yëësu Kiristo uwa Nazarëëti, ni-igha wemerre oghende!”

Amangʼana agha Abhatomwa 9:34

Peetero akamötëëbhya igha, “Ainea, Yëësu Kiristo akuhwëni! Bhooka waari rishambi iryaho.” Ainea akaimerra kamwë igho.

Amangʼana agha Abhatomwa 9:40

Peetero akabharishökya kebhara bhonswe igho. Akatema hansë ibhiru, akasaasaama Waryobha. Akaisyörrya ikihundughu kiyö, akakëtëëbhya igha, “Tabhita, bhooka!” Hano Tabhita yaaramökëri amaiso akamaaha Peetero, akaikara.