Yohana 10:3 - Imuuma Eehya

³ Ömörëndi uwa riigho nkumweghorra arë ikihiita, na amangʼöndi nkwighwa gharë engamba iyaaye. Omokaraabhërri nkobherekera arë kera ringʼöndi iriina iryaryo, aghatangata ukughya kebhara.

Yohana 10:3 ပူးပေါင်းရင်းမြစ်များ

Yohana 10:14

“Öni nö-öni omokaraabhërri uwa heene. Nemanyirë bhuuya amangʼöndi aghaane, nagho ghonswe ngaamayirë,

Yohana 10:16

Öni neena amangʼöndi aghandë ghano ghatarëngë agha mu-riigho mono, ghonswe ghayö ni-igha ngareete. Amangʼöndi ghayö ghonswe ngaraamanye engamba iyaane. Ku bhuyö nderaabha rihisho imwë, na omokaraabhërri ömwë igho.

Yohana 10:4

Hano yaamara ukurishökya amangʼöndi aghaaye kebhara, nkotangata arë mbere, amangʼöndi ghamosoorana, ko bhoora ngamanyirë engamba iyaaye.

Yohana 10:9

Öni, nö-öni ikihiita. Ömöntö ono okohetera ku-öni, naraatööribhwi, naraasohenga na ukurishoka, araghya mö-kërëësyö.

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Yohana 6:45

Amaandeko Amahörëëru agha abharööti gharaghamba igha, ‘Abhantö bhonswe igho, mbaryëghibhwa na Waryobha.’ Mbe ömöntö wowonswe igho ono akwitegherra na ukwegha ukurwa ko-Taata, nkuusha arë ku-öni.

Abharuumi 8:30

Ku bhuyö abhantö bhano yaashaaghööyë, mbo yaabhërëkëëyë, akabhabhara igha m-ba heene, kora akabharaghania igha, narebhahaana ubhuhika.

1 Abhakörintö 16:9

Ko bhoora nkomaaha ndë igha, nighörrëywë ikihiita nkore emeremo, nokaanyoora abhabhisa bhano bhakondebherra m-baaru.

Abhafiripi 4:3

Kora uwe ömöntö uwa heene, ömököri uwa emeremo murikyane, ndakosabha ötöörri abhakari abhabhërë bhayö, bhabhe ikiina ëkëmwë. Bhayö bhonswe igho bhabhërë, mbaarë na omotono bhököngʼu hamwë na öni ughwa okoraareka Amangʼana Amaiya agha Yëësu Kiristo ko-bhantö. Ghwiki abhakari bhayö, mbaakörrë emeremo hamwë na Kërëmënti na abhantö abhandë, abhaköri abha emeremo bharikyane. Amariina agha abhantö bhayö bhonswe igho, ngaandëkirwë mo-Ketabho ikya Öbhöhöru.

Abhakorosaai 4:3

Motosabheraninga na bhëëtö hano mwasaasaama Waryobha, okore atokorre enshera iya okoraareka engʼana iyaaye, iya imbumbure iya Yëësu Kiristo eno yaarenga ibhisirwë. Öni mo-kebhohe ndë, ko okoghera iya engʼana iyö.

2 Timoteo 2:19

Kasi abhantö bhano bhanaghirë, bho n-kya umusingi umuuya ghono Waryobha yaakora. Ku-musingi kuyö, amangʼana ghandëkirwë igha, “Omonene Waryobha namanyirë abhantö abhaaye,” ghwiki igha, “Ömöntö wowonswe ono akwibherekera igha nu-uwa Omonene Waryobha, ni-igha atighe obhoghogho.”

1 Peetero 1:12

Waryobha yaahönyörrëëyë abharööti bhayö igha, amangʼana ghano bhaarootanga, te-ghaabho ghaarë hë, kasi na-ghëënyu ghaarë. Ghaara bhaaghambirë, ngo mwaaraarëkëëywë na abhantö bhano bhaabharëëtëëyë Amangʼana Amaiya agha Yëësu Kiristo. Bhonswe mbaabhatëëbhëri Amangʼana Amaiya ghayö, ko obhotoro ubhwa Umwika Ömöhörëëru ono yaatömirwë ukurwa mu-ryobha. Amangʼana ghayö, kora abhamaraika nkutuna bharë bhököngʼu igha bhaghamanye.

1 Yohana 4:6

Bhëëtö m-baana abha Waryobha törë. Ömöntö wowonswe ono amanyirë Waryobha, nkutwitegherra arë. Kasi ono atarë omoona uwa Waryobha, takutwitegherra hë. Ku bhuyö ni-igho tokotora okomanya na ukwahora abhantö bhano bhakotangatwa na Umwika Ömöhörëëru uwa obhoheene, na bhano bhakotangatwa na ëkëhwë ikya obhorongo.

3 Yohana 1:14

Keno nkwitengʼera ni-igha, m-böngö ndaabhataarre. Hayö ho torebha hamwë tushumaashe.

Okohonyora 20:15

Mbe, ömöntö wowonswe ono iriina iryaye retaandëkirwë mo-ketabho ikya öbhöhöru, uyö wonswe yaatabhutirwë mu-nyansha iyö ikwibhugha omorro.

Okohonyora 3:20

Motamaaha! Mo-kesaku ndë nimërëëyë ndabherekera. Ömöntö ono araaighwe engamba iyaane na anyeghorre-ho ekesaku, nendaasohe mu-nyumba iyaaye, nsange nawe ibhyakorya.

Okohonyora 7:17

Ko bhoora Omoona Ringʼöndi ono arëngë haangʼë na ikitumbë ikya ekekama, narebha omokaraabhërri uwaabho. Narebhatangata ukughya mo-seseeka isya amanshë agha öbhöhöru, na Waryobha narebheeya amaisöri.”