Yohana 10:28 - Imuuma Eehya

²⁸ Öni nkoghahaana ndë öbhöhöru ubhwa amakora ghonswe igho, tegharisira kora hake hë. Ghwiki taaho ömöntö ono akotora okoghasakörya ukurwa mo-mabhoko aghaane.

Yohana 10:28 ပူးပေါင်းရင်းမြစ်များ

Maariko 13:22

Ko bhoora mbariisha abhantö abharongo bhano bharibherekeranga igha, mbo Kiristo. Kora mbariisha abharööti abha obhorongo, bhano bharekora amakono na ebhemanyërryö, okore bhangʼaine abhantö, kora abhaahorwa abha Waryobha.

Ruuka 23:46

Yëësu akakuura bhököngʼu igha, “Ë Taata uwëëtö, ndatoora öbhöhöru ubhwane ku-uwe.” Na hano yaamarrë okoghamba ghayö, ghokahwa-mo.

Yohana 10:29

Taata ono yaangʼaana bhayö, m-Monene okokera bhonswe igho, ku bhuyö, taaho ömöntö ono akotora okobhasakörya ukurwa mo-mabhoko aghaaye.

Yohana 11:25

Yëësu akamohonshora igha, “Öni nö-öni ukuryoka kuyö, ghwiki nö-öni öbhöhöru. Ömöntö ono akunkumya, nakaakwa, naraaghëndërri okobha ömöhöru.

Yohana 14:19

Akabhagha n-haangʼë karë abhantö abha ko-kebhara kono bhaange okommaaha, kasi bhëënyu moraammaahe. Ko bhoora igha öni m-möhöru ndë, na bhëënyu bhonswe moreebha abhahöru.

Yohana 17:2

Wangʼaana ubhwera ubhwa okotangata abhantö bhonswe igho, okore mbahaane öbhöhöru ubhwa amakora ghonswe igho, abhantö bhonswe igho bhano waangʼaana.

Yohana 18:9

Yëësu yaaghambirë igho, okore ghahekerane amangʼana ghano yaaghambirë ekembere igha, “Abhantö bhano waangʼaana, naabhanaghyanga bhuuya, taaho kora ömwë ono yaasira ko bhano waangʼaana.”

Yohana 3:36

Ömöntö ono akukumya Omoona uwa Waryobha, uyö naana öbhöhöru ubhwa amakora ghonswe igho. Kasi ono akumwanga, taana öbhöhöru ubhwa amakora ghonswe igho hë, kora okorerra ukwa Waryobha nkoraaghëndërri okobha kö-möntö uyö.

Yohana 4:14

Kasi ömöntö ono araanywe amanshë ghano ndaamohaane, uyö tariighwa ghwiki inyonta hë. Ko bhoora amanshë ghano ndaamohaane, ngaraabhe kya eseeka iya amanshë, mö-möntö uyö. Eseeka iyö, neraashorooshenga öbhöhöru ubhwa amakora ghonswe igho.”

Yohana 5:24

No-bhoheene nkobhatëëbhya igha, ömöntö ono akwighwa engʼana iyaane na ukukumya Waryobha ono yaantoma, uyö naana öbhöhöru ubhwa amakora ghonswe igho. Ömöntö kya uyö, tarebhotorrwa ikiina hë. Uyö amarrë ukwamboka ukurwa mu-ruku, bhoono asöhirë mö-bhöhöru.

Yohana 6:27

Motakaakoranga emeremo ko okoghera iya ukunyoora ibhyakorya bheno bhekosareka, kasi mokorenga emeremo ko okoghera iya ibhyakorya bheno bhëköghëndërrya okobha-ho kora nkohaana bhërë abhantö öbhöhöru ubhwa amakora ghonswe igho. Ibhyakorya bhiyö, mbyo öni Omoona uwa Ömöntö nkohaana abhantö, ko bhoora Taata Waryobha yaangʼaana obhotoro ubhwa okokora ghayö.”

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Yohana 6:47

“No-bhoheene nkobhatëëbhya igha, ömöntö wowonswe igho ono akunkumya, uyö naana öbhöhöru ubhwa amakora ghonswe igho.

Yohana 6:68

Simööni Peetero akamohonshora igha, “Omonene, nkö-öwë toraabhate? Uwe noona amangʼana ghano ghakotohaana öbhöhöru ubhwa amakora ghonswe igho.

Amangʼana agha Abhatomwa 7:59

Hano bhaatemanga Sitefaano na amaghena, akasaasaama igha, “Omonene Yëësu, ghegha omooyo ughwane!”

Abharuumi 5:17

Ëkëbhë ëkëmwë keno Adamu yaakörrë, kyaaghërrë abhantö bhonswe igho tobhenga torakwa. Kasi bhoono no-bhoheene igha, abhantö bhano bhakunyoora örööbhö urwa Waryobha rono rotaana ekerengere, nkobhabhara arë igha, m-ba heene. Mbaretonga ko-nkaagha iya öbhöhöru ubhwa amakora ghonswe igho, ko okohetera ku-Yëësu Kiristo.

Abharuumi 5:2

Ko enshera iyö iya ukukumya Yëësu, Waryobha yaatohaana örööbhö urwaye. Kora bhoono mö-rööbhö ruyö törë. Ku bhuyö nkushomerwa törë bhököngʼu, ko bhoora tukwitengʼera igha, ntorebha hamwë na Waryobha mu-bhuhika ubhwaye.

Abharuumi 5:21

Mbe, kya bhoora ëkëbhë kyaarë na singuru isya okobhaaha abhantö, kora kekabharetera uruku, ni-ighoigho kora na okobhara abhantö igha m-ba heene, örööbhö urwa Waryobha rwaareetera abhantö öbhöhöru ubhwa amakora ghonswe igho, ko okohetera ku-Yëësu Kiristo Omonene uwëëtö.

Abharuumi 5:9

Mbe, nyoore twabharwa igha na-abha heene törë ko okohetera amaanyinga agha Yëësu Kiristo, m-boheene igha, kora narëtötöörya totakaasoha mu-bhushibhu ubhwa okorerra ukwa Waryobha.

Abharuumi 6:23

Ömöntö wowonswe ono akobha omoghorwa uwa ëbhëbhë, ehoorohooro iyaaye, nu-ruku urwa amakora ghonswe igho. Kasi bhëëtö, Waryobha nkotohaana arë öbhöhöru ubhwa amakora ghonswe igho. Öbhöhöru ubhwa amakora ghonswe igho bhuyö, tebhokohakerwa hë, kasi nkohaanwa törë ituho iyö, ko okoghera iya okoghootana ukwëtö na Omonene uwëëtö Kiristo Yëësu.

Abharuumi 8:1

Mbe, bhoono ni-igha, Waryobha taashibhi abhantö bhano bhaana öbhömwë na Kiristo Yëësu.

Abharuumi 8:29

Waryobha yaamanyirë abhantö abhaaye kora ataraabhomba ekebhara. Bhayö mbo yaashaaghööyë bhabhe kya bhono Omoona uwaaye Yëësu Kiristo arë. Yaakörrë igho, okore Omoona uwaaye Yëësu Kiristo uyö, abhe omotangi ko-bhakumya abhaaru abha Waryobha.

Abhafiripi 1:6

Neena obhoheene igha, Waryobha ono yaasyora emeremo imiiya mo-senkoro isyënyu, naraaghëghëndërri, kora nareghemarërrya urusikö roora Kiristo Yëësu arikyora.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

1 Timoteo 1:16

Kasi Yëësu Kiristo yaanyabhëëyë! Yaanyöörökëri ököghömërrya ukwaye kya bhono körë ku-öni uwa ëbhëbhë okokera bhonswe igho. Yaakörrë igho, okore mbe ëkërëngyö ko-bhantö bhano bharaamukumi na ukunyoora öbhöhöru ubhwa amakora ghonswe igho.

2 Timoteo 1:12

Kiyö nkyo kekoghera ndanyanka. Kasi tenkosookera inyanko iyö hë, ko bhoora nemanyirë ono naakumya. Ghwiki nemanyirë igha, amangʼana agha obhoheene ghano Yëësu Kiristo yaangʼaana, nkogharenda arë bhuuya okohekera urusikö roora arikyora.

Abhaëbhuraania 7:25

Mbe, uyö we aköhönia abhantö makora ghonswe igho, bhano bhakohetera ko-we ukughya ku-Waryobha, ko bhoora ho arë sinsikö syonswe igho, okore abhasabherenga.

1 Peetero 1:5

Bhëënyu Waryobha nkobharenda arë ko obhotoro ubhwaye, okore munyoore öbhöhönia, bhono bhoremaahekana ku-sinsikö isya umuhiko. Keno kekoghera arabharenda, nu-mukumo ughwënyu ghono moonagho ku-Yëësu Kiristo.

1 Yohana 1:2

Engʼana iya öbhöhöru uyö, we Waryobha yaahönyööyë ko-bhantö, kora bhëëtö bhonswe ntwaamörööshë. Ku bhuyö ghano tokobhatëëbhya, no-bhoheene ubhwa amangʼana aghaaye. Torabhatëëbhya igha, ömöntö uyö akohaana abhantö öbhöhöru, ho arë amakora ghonswe igho. Ömöntö uyö, yaarenga hamwë na Taata Waryobha, kasi bhoono Waryobha yamohonyora kö-bhëëtö.

1 Yohana 2:19

Abhantö bhayö, mo-makanisa aghëëtö bhaarwa, kasi tebhaarë na öbhömwë ubhwa heene na bhëëtö hë. Singa bhaarë na öbhömwë ubhwa heene na bhëëtö, mbakaatighaayë kö-bhëëtö. Kasi mbaatanora, ekabha harabhu igho igha, tebhaarë na öbhömwë na bhëëtö hë.

1 Yohana 2:25

Riraghano reno yaatoraghaini ni-igha, tunyoore öbhöhöru ubhwa amakora ghonswe igho.

1 Yohana 5:11

Keno kekoghera torabha na obhoheene ubhwa ghano Waryobha yaatötëëbhëri igha m-maheene, nö-bhöhöru ubhwa amakora ghonswe igho bhono yaatohaana. Öbhöhöru bhuyö, ntwaabhunyoora ko okoghera iya ukukumya Omoona uwaaye.

Yuuda 1:1

Ritashandighi reno, nö-öni Yuuda ömököri uwa emeremo uwa Yëësu Kiristo, mura uwaabho Yaakobho ndyandëkirë. M-bëënyu bhano mwahanshwa nandëkëëyë, mwabherekerwa na Taata Waryobha, na nkorendwa mörë bhuuya, ko okoghera iya Yëësu Kiristo.

Yuuda 1:24

Waryobha aana obhotoro ubhwa okobharenda motakaasira, na okobhareeta mbere iya ubhuhika ubhwaye mushömëëywë, motaana isoro.