Yohana 10:16 - Imuuma Eehya

¹⁶ Öni neena amangʼöndi aghandë ghano ghatarëngë agha mu-riigho mono, ghonswe ghayö ni-igha ngareete. Amangʼöndi ghayö ghonswe ngaraamanye engamba iyaane. Ku bhuyö nderaabha rihisho imwë, na omokaraabhërri ömwë igho.

Yohana 10:16 ပူးပေါင်းရင်းမြစ်များ

Mataayo 17:5

Enkaagha eno waanyöörrë Peetero akishumaasha, tamaaha, risaarö reno ryaamekamekanga, rekabhakundikirya. Bhakaighwa engamba erarwera mu-risaarö eraghamba igha, “Ono no-Moona uwaane omoghonshe we aköntëghërya bhököngʼu, mumwitegherrenga.”

Ruuka 15:8

“Mwitegherre ghwiki ëkërëngyö ikyëndë. Hano oraanyoore omokari nyabhorebhe aana seehera ikömi, ëmwë isire, taaghööti etara kora eeye inyumba yonswe igho, akore omotono ughwa ukughituna bhuuya, okohekera hano araaghinyoore?

Yohana 10:11

“Öni nö-öni omokaraabhërri uwa heene. Omokaraabhërri uwa heene, nkwiruusya arë öbhöhöru ubhwaye, okore amangʼöndi aghaaye ghatakaasira.

Yohana 10:2

Kasi ono akohetera mu-kihiita ikya riigho, uyö no-mokaraabhërri uwa amangʼöndi.

Yohana 10:27

Amangʼöndi aghaane nkwighwa gharë engamba iyaane. Öni nengamanyirë bhuuya, na agheene ghonswe nkonsoorana gharë.

Yohana 10:3

Ömörëndi uwa riigho nkumweghorra arë ikihiita, na amangʼöndi nkwighwa gharë engamba iyaaye. Omokaraabhërri nkobherekera arë kera ringʼöndi iriina iryaryo, aghatangata ukughya kebhara.

Yohana 10:4

Hano yaamara ukurishökya amangʼöndi aghaaye kebhara, nkotangata arë mbere, amangʼöndi ghamosoorana, ko bhoora ngamanyirë engamba iyaaye.

Yohana 10:5

Amangʼöndi teghakosoorana ömöghëni hë, kasi nkomongʼosa gharë, ko bhoora ghatamanyirë engamba iyaaye.”

Yohana 11:52

Te-ko okoghera iya Abhayahudi abheene igho, kasi n-ko okoghera iya okokomania abhaana abha Waryobha bhano bhaanyaraghana okore, bhabhe hamwë.

Yohana 17:20

Te-bhayö abheene igho nkosabhera hë, kasi nkosabhera ndë na bhano bharinkumya ko okohetera ko engʼana iya bhayö nsabhëëyë.

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Amangʼana agha Abhatomwa 15:14

Simeoni atötëëbhëri bhono Waryobha yaanyankera Abhakyaro bhayö. Akashaaghora-mo abhandë bhabhe abhantö abhaaye.

Amangʼana agha Abhatomwa 18:10

Öni hamwë ndë na uwe, taaho ömöntö ono araakukuni-ko hë, ko bhoora neena abhantö abhaaru mu-mughi mono, bhano bharëngë orobhaara urwane.”

Amangʼana agha Abhatomwa 22:14

“Akantëëbhya igha, ‘Waryobha uwa abhakörö abhëëtö, akushaaghööyë, okore omanye righonshe iryaye, kora omaahe ömöntö uwa heene ku-Waryobha, na wighwe obhoghambi ubhwaye umwene.

Abharuumi 11:25

Abhakumya bharikyëtö, keno nkutuna ni-igha momanye ësëëmyö iya Waryobha, eno yaarenga ibhisirwë ukurwa kare, okore motakaikumya igha, mmomanyirë ghonswe igho. Ekeghaaka ikya Abhaisiraëri n-kya ribhagha ike igho, okohekera hano ekerengere ikya Abhakyaro keno Waryobha akutuna, kirihika.

2 Abhatësarönikë 2:13

Kasi bhëëtö, ni-igha tukumi Waryobha senkaagha syonswe igho, ko okoghera iya bhëënyu abhakumya bharikyëtö, bhëënyu bhano mohanshirwë na Omonene Yëësu. Ni-igha tokore igho, ko bhoora yaabhashaaghööyë ukurwa okosemoka ukwaye ukwa öbhöbhömbi, okore möhönibhwi. Möhönibhwi ko okosaabhuurwa na Umwika Ömöhörëëru ono akosaabhuura, na ko kohetera ukukumya ukwënyu obhoheene.

Abhaëbhuraania 13:20

Mbe, Waryobha ono akohaana abhantö omorembe, yaaryökëri Omonene uwëëtö Yëësu Kiristo. Uyö we Omokaraabhërri uwa amangʼöndi Omonene, okohetera ko-nshera iya ukwëtëkya amaanyinga aghaaye agha imuuma iya amakora ghonswe igho.

1 Peetero 2:10

Kare hayö, te-bhantö abha Waryobha mwaarë hë, kasi bhoono, m-bantö abhaaye mörë. Kora temwabherwanga na Waryobha hë, kasi bhoono, abhabhëëyë.

1 Peetero 2:25

Mwaarenga kya amangʼöndi ghano ghasirrë, kasi bhoono, mwakyörrë ko-mokaraabhërri uwëënyu na we omonaghya uwëënyu.

1 Peetero 5:4

Hano Yëësu Kiristo Omokaraabhërri Omonene uwa ekanisa aremaahekana harabhu igho, murituhwa ituho iya ubhuhika. Ituho eno etakughunda.

Okohonyora 3:20

Motamaaha! Mo-kesaku ndë nimërëëyë ndabherekera. Ömöntö ono araaighwe engamba iyaane na anyeghorre-ho ekesaku, nendaasohe mu-nyumba iyaaye, nsange nawe ibhyakorya.