Yohana 10:12 - Imuuma Eehya

¹² Ömököri uwa emeremo ono atarëngë omokaraabhërri uwa amangʼöndi, ono amangʼöndi ghatarëngë aghaaye, hano yamaaha ishuushë eraasha, nkongʼosa arë, atigha hayö amangʼöndi agheene igho. Mbe ityënyi nkoghoota ërë amangʼöndi aghandë, ghaara ghatamirë, ghanyaraghana.

Yohana 10:12 ပူးပေါင်းရင်းမြစ်များ

Mataayo 10:16

Yëësu akaghëndërrya ukushumaasha na abheegha abhaaye, akabhatëëbhya igha, “Mwangarre, okobhatoma kono nkobhatoma mo-bhantö, n-kya hano amangʼöndi ghaahirwa mu-sishuushë ghatë. Ku bhuyö ni-igha mongʼainihe kya inshoka. Ghwiki ni-igha mobhe abhahaabhu kya ibhighuuti.

Mataayo 7:15

Yëësu akaghamba igha, “Mwiyangarre ko-mangʼana agha abharööti abha obhorongo. Nkuusha bharë kö-bhëënyu bhahaabhuhirë kya amangʼöndi. Kasi obhoheene ni-igha, mbanga sishuushë sëmbë.

Yohana 10:13

Ömököri uwa emeremo nkongʼosa arë ko bhoora tatöniibhwi na amangʼöndi ghayö hë.

Yohana 10:2

Kasi ono akohetera mu-kihiita ikya riigho, uyö no-mokaraabhërri uwa amangʼöndi.

Yohana 10:3

Ömörëndi uwa riigho nkumweghorra arë ikihiita, na amangʼöndi nkwighwa gharë engamba iyaaye. Omokaraabhërri nkobherekera arë kera ringʼöndi iriina iryaryo, aghatangata ukughya kebhara.

Amangʼana agha Abhatomwa 20:29

Nemanyirë igha, hano ndaaihëëni-ho, abhëëghya abharongo mbariisha kö-bhëënyu. Abhëëghya bhayö, bhareebha kya sishuushë sëmbë seno setakwabhera rihisho.

1 Timoteo 3:3

Atakaabha umunywi uwa amarwa, atakaabha umutindi, abhe ömöntö omohaabhu ono ahanshirë amangʼana agha omorembe. Kora atakaabha ömöntö ono ahanshirë seehera.

1 Timoteo 3:8

Abhashemaasi bhonswe, bhabhe na eteemo inshiiya, bhatakaabha abhaihunaania, bhatakaabha abhanywi abha amarwa, bhatakaahansha seehera.

2 Timoteo 4:10

ko bhoora Dema, yaantigha. Dema uyö, yaahansha amangʼana agha ko-kebhara kono, akamaaha igha aghende mu-mughi ughwa Tësarönikë. Kiresike, yaghëëyë mo-mokowa ughwa Gharatia, na Tiito, yaghëëyë mo-mokowa ughwa Darimatia.

Tiito 1:7

Ko bhoora igha, omoghaaka omotangati uwa ekanisa, uyö we umwimërërri ono yaaghöötibhwa emeremo ighya Waryobha, ku bhuyö ni-igha, atakaabha ömöntö uwa okotemwa amasoro. Atakaabha na ekeghaaka, atakaabha ömöntö uwa enkoro, atakaabha ömörëëbhi, atakaabha umutindi, kora atakaabha na oronamba urwa seehera.

1 Peetero 5:2

mobhe abhakaraabhërri abha heene abha ekanisa eno mwaahaanwa na Waryobha. Ghwiki ni-igha, monaghi ekanisa kwa enkoro inshiiya kya bhono Waryobha akutuna, kasi te-kwa ukusingʼirribhwa hë. Motakaakora emeremo ighyënyu kwa oronamba oroghogho urwa ukunyoora seehera, kasi mobhe na omotono.

2 Peetero 2:3

Mbarebhaghaneranga amaghano agha obhorongo, ko oronamba urwabho oroghogho, okore bhanyoore keno bhakutuna kö-bhëënyu. Kasi okobhotorrwa ikiina ukwabho, kwamara kösëëmibhwa ukurwa kare. Ukusikibhwa ukwabho, tekoteghete hë.