Yohana 10:10 - Imuuma Eehya

¹⁰ Umwibhi nkuusha arë mu-righo, okore aibhe amangʼöndi, aite na okosarya. Kasi öni, naasha okore bhabhe na öbhöhöru, öbhöhöru ubhwaru këmwëkëmwë.

Yohana 10:10 ပူးပေါင်းရင်းမြစ်များ

Mataayo 18:10

Yëësu akaghëndërrya okobhatëëbhya igha, “Mwangarre, motakaasera ömöntö omoke igha taana ubhwera hë. Ko bhoora igha, abhamaraika abhaaye mu-ryobha iyö, nkunyoora örë nkaagha syonswe igho bharëngë mbere ya Taata uwa mu-ryobha. [

Mataayo 18:11

Ko bhoora öni Omoona uwa Ömöntö, naasha ko-kebhara kono ökötöörya bhano bhaasira.]

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Mataayo 21:13

Yëësu akabhatëëbhya igha, “Yandëkirwë mo-Maandeko Amahörëëru igha, ‘Risengerro iryane nderaabhe ahasë aha amasabhi.’ Kasi bhoono bhëënyu mörëkörrë kya ‘risana irya abhasaki!’”

Mataayo 23:13

“Haahö, bhare abhëëghya abha amaraghërryö agha Mosa, na bhëënyu Abhafarisaayo, bhëënyu m-baiköri mörë, ko bhoora igha, nkorebherra mörë abhantö okosoha mo-Bhokama ubhwa Waryobha kö amëëghyö aghëënyu. Bhëënyu abheene bhonswe temokosoha-mo hë. Kora mbe bhano bhakutuna okosoha, timukutigha bhasohe hë. [

Maariko 11:17

Hano Yëësu yaamarrë, akabhëëghya igha, “Kasi tiyandëkirwë mo-Maandeko Amahörëëru igha, ‘Risengerro iryane, nderaabhe ahasë aha amasabhi ko-bhantö abha ibhyaro bhonswe igho’? Kasi bhoono bhëënyu mörëkörrë kya ‘risana irya abhasaki!’”

Ruuka 19:10

Omoona uwa Ömöntö nnaasha ukutuna, na ökötöörya abhantö bhano bhaasira.”

Yohana 10:1

Yëësu akaghëndërrya ukushumaasha igha, “No-bhoheene nkobhatëëbhya igha, ömöntö wowonswe igho ono atakohetera mu-kihiita ikya riigho irya amangʼöndi, kasi n-handë igho akohetera, uyö nu-mwibhi, kora m-mosaki.

Yohana 10:11

“Öni nö-öni omokaraabhërri uwa heene. Omokaraabhërri uwa heene, nkwiruusya arë öbhöhöru ubhwaye, okore amangʼöndi aghaaye ghatakaasira.

Yohana 12:47

“Ömöntö ono akwighwa amangʼana aghaane, aanga okoghaghoota, öni tenkomobhotorra ikiina hë, ko bhoora tenaasha ko-kebhara kono igha mbotorre abhantö ibhiina ibhyabho hë, kasi naasha igha ntööri ekebhara keno.

Yohana 12:6

Yuuda teyaaghambirë igho ko okoghera iya ukwabhera abhatöbhu, kasi n-ko bhoora m-mwibhi yaarë. We yaarë ömöghëghi uwa ikighushi ikya seehera. Yaaibhanga bheno bhyaatoorwanga mu-kighushi muyö.

Yohana 3:17

Waryobha tiyatömirë Omoona uwaaye ko-kebhara kono, okore abhotorre abhantö ikiina, kasi yaamötömirë, okore atööri abhantö okohetera ku-uyö.

Yohana 5:40

Kora timukutuna muushe ku-öni, okore mbahaane öbhöhöru ubhwa amakora ghonswe igho.

Yohana 6:33

Ko bhoora ibhyakorya ibhya Waryobha m-beno bhikurwa mu-ryobha, na ibhyakorya bhiyö, nö-öni ono nkohaana öbhöhöru abhantö bhonswe igho abha ko-kebhara.”

Yohana 6:51

Öni nö-öni ibhyakorya ibhya öbhöhöru bheno bhyaarwa mu-ryobha. Ömöntö ono araaraaghere ibhyakorya bhiyö, nkobha arë na öbhöhöru ubhwa amakora ghonswe igho. Ibhyakorya bheno ndaahaane abhantö bhonswe igho ko okoghera iya öbhöhöru, nö-möbhërë ughwane.”

Abharuumi 2:21

Uwe ono ukwëghya abhantö abhandë, n-kwakë otakokora kya bhuyö ukwëghya? Örëëghya abhantö igha bhatakaibha, ndarra uwe umwene nkwibha örë?

1 Timoteo 1:15

Engʼana eno nemanyekaini igha, “Kiristo Yëësu yaaishirë ko-kebhara kono, okore atööri abha ëbhëbhë.” Obhoheene, ni-igho amangʼana gharë, ku bhuyö ni-igha abhantö bhaikërri. Mo-bhantö abha ëbhëbhë, öni wa ëbhëbhë ndë okokera bhonswe igho.

Abhaëbhuraania 6:17

Waryobha yaatyanirë okore ööröki abhantö harabhu igho bhano bharinyoora ghano yaaraghaini igha, tareghagharanshora röndë hë.

Abhaëbhuraania 7:25

Mbe, uyö we aköhönia abhantö makora ghonswe igho, bhano bhakohetera ko-we ukughya ku-Waryobha, ko bhoora ho arë sinsikö syonswe igho, okore abhasabherenga.

2 Peetero 1:11

Ku bhuyö mörësërëënibhwa bhököngʼu, mosohe mo-Bhokama ubhwa amakora ghonswe igho, ubhwa Omonene na Ömötöörya uwëëtö Yëësu Kiristo.