Yohana 1:45 - Imuuma Eehya

⁴⁵ Mbe, Firipö akamaaha Natanaëri, akamötëëbhya igha, “Törööshë ömöntö ono Mosa yaandëkirë amangʼana aghaaye mo-ketabho ikya Amaraghërryö, kora ömöntö uyö, we abharööti bhonswe bhaandëkirë amangʼana aghaaye. Iriina iryaye ni-igha Yëësu uwa Nazarëëti, omoona uwa Yusufu.”

Yohana 1:45 ပူးပေါင်းရင်းမြစ်များ

Mataayo 10:3

Firipö, Bhatoromaayo, Toomasi, Mataayo ömöghööti uwa righööti, Yaakobho mura uwa Arufaayo, Tadaayo,

Mataayo 13:55

Bhamurë, ono to omoona uwa omoseremara oora? Na nyakuwaabho to-oora akobherekerwa igha Maryamu? Bhamura abhaabho abhake te-bhaabho Yaakobho, Yusufu, Simööni na Yuuda?

Mataayo 2:23

Bhakamenya mu-mughi ghono ghwaabherekerwanga igha Nazarëëti. Engʼana iyö, yaahekeraini ghaara abharööti bhaaröötëëyë Yëësu igha, “Mbaremobherekera igha, Omonazarëëti.”

Mataayo 21:11

Rikomo reera rekabhahonshora igha, “Ono nö-mörööti Yëësu, uwa Nazarëëti iya mo-mokowa ughwa Ghariraaya.”

Maariko 14:67

Hano yaarööshë Peetero aroota omorro, akamomaaherra, akamara akamötëëbhya igha, “Uwe wonswe hamwë waarë kobhanga na Yëësu uwa Nazarëëti oora.”

Maariko 6:3

Ono to-moseremara oora mura uwa Maryamu! Bhamura abhaabho te-bhaabho Yaakobho, Yoose, Yuuda na Simööni? Kora abhasubhaati bhaaye te-hamwë na bhëëtö hano bharë?” Ku bhuyö bhakamorererra, tebhaamukumiri hë.

Ruuka 18:37

Bhakamohonshora igha, “Yëësu uwa Nazarëëti we akoheta.”

Ruuka 2:4

Yusufu wonswe akatanora ukurwa mu-mughi ughwa Nazarëëti, ughwa mo-mokowa ughwa Ghariraaya, akatiira ukughya mu-mughi ughwa Bhëtërëhëëmu, ughwa mo-mokowa ughwa Yudea. Yaaghëëyë-yo ko bhoora Bhëtërëhëëmu ngwo ghwaarë umughi ughwa Daudi. Na Yusufu uyö, nu-uwa eka iya Daudi yaarë.

Ruuka 2:48

Hano abhaibhöri abhaaye bhaamörööshë, abheene bhonswe bhakaroghoora. Nyakuwaabho akamöbhöörya igha, “Ë, moona uwaane! N-kwakë ötökörrë igho? Öni na suwëënyu twaarë tohahirë bhököngʼu hano twaarë ukukutuna.”

Ruuka 24:27

Hayö ho yaabharaghërrëëyi amangʼana agha Kiristo, ghano yaandëkëëywë, akasimirya mo-Maandeko Amahörëëru ghano ghandëkirwë na Mosa, akaghëndërrya mo-Maandeko Amahörëëru ghonswe igho, na agha abharööti.

Ruuka 24:44

Akabhatëëbhya igha, “Ghano na-mangʼana ghaara naabhatëëbhyanga hano twaarë hamwë. Naabhatëëbhëri igha, ghonswe ghano naandekerwa ngarikora, ngakaabha amangʼana agha amaraghërryö ighya Mosa, amaandeko agha abharööti, hamwë na agha mo-Zabhuri.”

Ruuka 3:23

Hano Yëësu yaasimiri emeremo, yaarenga na imyoka kya merongo etatö. Abhantö mbaakanyanga igha, m-moona uwa Yusufu yaarë. Yusufu uwa Ëri.

Ruuka 4:22

Hano Yëësu yaamarrë ukwëghya, abhantö bhonswe igho bhakasimya okomoghamba bhuuya. Amëëghyö aghaaye agha örööbhö ghayö, ghaaghërrë abhantö bhakamoroghoora bhököngʼu. Kora abhandë bhakabhoorania igha, “Kana! Ono ti-mumura uwa Yusufu?”

Yohana 1:44

Firipö yaarenga ömöntö uwa umughi ughwa Bhëtisaida, mono Anderea na Peetero bhaamënyirë.

Yohana 12:21

Mbe, abhantö bhayö bhakaghya ku-Firipö ono yaaruurë Bhëtisaida, mo-mokowa ughwa Ghariraaya, bhakamötëëbhya igha, “Omosookwa, torasabha tomaahane na Yëësu.”

Yohana 14:8

Firipö akamötëëbhya igha, “Omonene, twöröki Taata, iyö yo engʼana eno tukutuna.”

Yohana 18:5

Bhakamohonshora igha, “Toratuna Yëësu uwa Nazarëëti.” Yëësu akabhahonshora igha, “Nö-öni.” Yuuda oora yaanyëërëëyë Yëësu inikö, yaarenga aimërëëyë hamwë na abhasirikare bhayö.

Yohana 18:7

Yëësu akabhabhöörya ghwiki igha, “Kana, nawë mukutuna?” Bhakamohonshora igha, “Toratuna Yëësu uwa Nazarëëti.”

Yohana 19:19

Piraato yaarenga araghërrëëyi igha, amangʼana ghaandekwe igha, ono n-yëësu uwa nazarëëti, omokama uwa abhayahudi ghatoorwe ighörö ko-mosarabha ughwa Yëësu.

Yohana 21:2

Bhano bhaarenga hamwë hayö, m-baabho Simööni Peetero, Toomasi ono yaabherekerwanga igha Ekesare, Natanaëri ono yaarwërëëyë Kana iya mo-mokowa ughwa Ghariraaya, na abhamura abhabhërë abha Zebhedaayo, bheena abheegha abhandë bhabhërë.

Yohana 6:42

Bhakabhoorania igha, “Kanaa, ono ti-Yëësu omoona uwa Yusufu, kora abhaibhöri abhaaye bhonswe igho ntobhamanyirë? Bhoono n-kwakë akoghamba igha, ‘Naarwa mu-ryobha?’”

Yohana 6:5

Hano Yëësu yaarööshë rikomo rinene irya abhantö reraasha ko-we, akabhöörya Firipö igha, “Hai tokaaghora ibhyakorya tohaane abhantö bhano bharaaghere?”

Yohana 6:7

Firipö akamohonshora igha, “Kora emekaate ighya sidinaari amaghana abhërë, tighikwisa hë, nokatwenera ömöntö kakekake igho.”

Amangʼana agha Abhatomwa 10:38

Waryobha yaahööyë Yëësu uwa Nazarëëti, ko okomohaana Umwika Ömöhörëëru na obhotoro. Yëësu uyö, yaainaarrënaarrë arakora amangʼana amaiya na ukuhwënia bhonswe igho, bhano bhaanyankibhwanga na Oghosambwa, ko bhoora Waryobha, n-hamwë yaarë nawe.

Amangʼana agha Abhatomwa 2:22

Peetero akaghëndërrya okoghamba igha, “Bhëënyu bhare Abhaisiraëri, munyitegherre bhuuya! Waryobha yaatöörrë Yëësu uwa Nazarëëti harabhu igho bhöröngë bhwënyu, ko enshera iya amakono, na ebhemanyërryö ibhyaru mö-bhëënyu mono, ghayö mmoghamanyirë bhuuya.

Amangʼana agha Abhatomwa 22:8

“Mbe, nkabhöörya igha, ‘Kana Omonene, nu-uwe wë?’ Ekahonshora igha, ‘Nö-öni Yëësu uwa Nazarëëti, ono ukunyankya.’

Amangʼana agha Abhatomwa 26:9

“Kora öni wonswe naakanyanga igha, ni-igha nkore omotono ughwa okorebherra iriina irya Yëësu uwa Nazarëëti.

Amangʼana agha Abhatomwa 3:6

Kasi Peetero akamötëëbhya igha, “Teneena ehera handë esahaabhu hë, kasi keno neenakyo, nkyo ndaakohaane. Ku iriina irya Yëësu Kiristo uwa Nazarëëti, ni-igha wemerre oghende!”