Yohana 1:42 - Imuuma Eehya

⁴² Mbe, Anderea akareeta Simööni ku-Yëësu. Yëësu akamaaherra Simööni, akamötëëbhya igha, “Iriina iryaho nu-uwe Simööni, omoona uwa Yohana. Kasi bhoono noraabherekerwenga igha, Keefa.” Ensonga iya iriina riyö ni-igha Peetero, handë igha, ritare.

Yohana 1:42 ပူးပေါင်းရင်းမြစ်များ

Mataayo 10:2

Mbe, ghano hano na-mariina agha abhatomwa ikömi na bhabhërë bhayö yaatömirë, Simööni ono yaabherekerwanga igha Peetero, Anderea, mura uwaabho Peetero enda ëmwë, Yaakobho na Yohana bhamura abha Zebhedaayo,

Maariko 3:16

Ghano ngo amariina agha abhantö ikömi na bhabhërë bhano yaashaaghööyë, Simööni, ono Yëësu yaarökirë igha, Peetero,

Ruuka 5:8

Hano Simööni Peetero yaarööshë amangʼana ghayö, akatema hansë ibhiru mbere iya Yëësu, akamötëëbhya igha, “Omonene uwaane, karwe ku-öni hano, ko bhoora öni, nu-uwa ëbhëbhë ndë.”

Ruuka 6:14

Simööni ono Yëësu yaabhërëkëëyë igha Peetero, Anderea mura uwaabho Simööni enda ëmwë, Yaakobho, Yohana, Firipö, Bhatoromaayo,

Yohana 13:18

“Tenkoghamba amangʼana ghayö kö-bhëënyu bhonswe igho hë, ko bhoora nemanyirë bhano naashaaghora bhabhe abheegha abhaane. Kasi bhoono ghano, n-ko okoghera iya okohekerania Amaandeko Amahörëëru ghano ghakoghamba igha, ‘Ömöntö ono yaaryanga ibhyakorya ibhyane, aigharanshööyë, abhaayë umubhisa uwaane.’

Yohana 21:2

Bhano bhaarenga hamwë hayö, m-baabho Simööni Peetero, Toomasi ono yaabherekerwanga igha Ekesare, Natanaëri ono yaarwërëëyë Kana iya mo-mokowa ughwa Ghariraaya, na abhamura abhabhërë abha Zebhedaayo, bheena abheegha abhandë bhabhërë.

Yohana 4:16

Yëësu akamötëëbhya igha, “Kaghi obherekere mushaasha uwaaho, uushe nawe hano.”

1 Abhakörintö 1:12

Mbe, keno nkoghamba ni-igha, kera ömöntö mö-bhëënyu n-gaaye igho akoghamba, uwöndë araghamba igha, “Öni nu-uwa Pauro ndë.” Uwöndë igha, “Öni, nu-uwa Apöörö ndë.” Ghwiki uwöndë aghamba igha, “Öni, nu-uwa Keefa ndë.” Uwöndë igha, “Öni, nu-uwa Kiristo ndë.”

1 Abhakörintö 15:5

Akabhooshokera Keefa, ghwiki akabhooshokera abhatomwa abhaaye ikömi na bhabhërë.

1 Abhakörintö 3:22

nekaabha igha m-Pauro, Apöörö, Keefa, ekebhara, öbhöhöru, uruku, bheno bheeho, handë igha, bheno bherebha-ho, bhyonswe igho ni-bhyënyu.

1 Abhakörintö 9:5

Ntotaana ubhwera ubhwa ukughya na abhakari abhakumya ko-roghendo urwëtö, kya bhono bhakokora abhatomwa abhandë, hamwë na bhamura bhaabho Omonene uwëëtö Yëësu Kiristo bhaana Keefa?

Abhagharatia 1:18

Hano imyoka etatö ghyaahëtirë, nkaghya Yërusarëëmu, okore nsikanere-yo na Peetero. Nkaikara waaye hayö, sinsikö ikömi na isaano.

Abhagharatia 2:11

Mbe, hano Peetero yaaishirë Antiökia, naamöbhëëhirë harabhu igho, ko bhoora yaarenga asarri.

Abhagharatia 2:9

Mbe, Yaakobho bhaana Peetero na Yohana, bhano bhaamanyekaini igha mbo abhatangati abhanene, bhakamanya bhuuya igha, Waryobha we angʼaayë emeremo ghiyö kö örööbhö urwaye. Ku bhuyö bhakatoghoota okobhoko öni na Bharinaabha, ukwörökya igha ntoona öbhömwë nabho. Ntwaaikererraini igha, bhëëtö toghende okokora emeremo ko-Bhakyaro, bho bhatighare ko-Bhayahudi hayö.