Yohana 1:29 - Imuuma Eehya

²⁹ Urusikö rono rwaarööbhëëyë, Yohana yaarööshë Yëësu araasha ko-we. Akatëëbhya abhantö bhano bhaarenga haara igha, “Maaha, uyö we Omoona Ringʼöndi uwa Waryobha, ono akuruusya-ho ëbhëbhë ibhya ko-kebhara kono!

Yohana 1:29 ပူးပေါင်းရင်းမြစ်များ

Mataayo 1:21

Nareebhore omoona uwa ikishaasha, omoroke igha Yëësu, ko bhoora igha, uyö we araatööri abhantö abhaaye ukurwa mö-bhëbhë ibhyabho.”

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Yohana 1:35

Ghwiki urusikö rono rwaarööbhëëyë, Yohana okanyoora aimërëëyë hayö, hamwë na abhabhërë abha abheegha abhaaye,

Yohana 1:36

akamaaha Yëësu araghenda haangʼë nabho. Akaghamba igha, “Maaha, uyö we Omoona Ringʼöndi uwa Waryobha!”

Yohana 1:43

Urusikö rono rwaarööbhëëyë, Yëësu akamaaha igha aghende mo-mokowa ughwa Ghariraaya. Akamaaha-yo Firipö, akamobherekera igha, “Nshö onsoorane.”

Yohana 2:1

Mbe, hano sinsikö ibhërë syaahëtirë, inyangi iya ubhwenga yaakörrwë mu-mughi ughwa Kana, iya mo-mokowa ughwa Ghariraaya. Mu-nyangi iya ubhwenga muyö, nyakuwaabho Yëësu, yaarenga-mo.

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Yohana 4:42

Abhasamaaria bhayö bhakatëëbhya omokari uyö igha, “Nkukumya törë ömöntö ono, te-ko okoghera iya ghano ötötëëbhëri, kasi n-ko bhono twighuurë bhëëtö abheene ghano akoghamba. Bhoono tomanyirë igha, obhoheene, ono we Ömötöörya uwa ekebhara.”

Yohana 6:51

Öni nö-öni ibhyakorya ibhya öbhöhöru bheno bhyaarwa mu-ryobha. Ömöntö ono araaraaghere ibhyakorya bhiyö, nkobha arë na öbhöhöru ubhwa amakora ghonswe igho. Ibhyakorya bheno ndaahaane abhantö bhonswe igho ko okoghera iya öbhöhöru, nö-möbhërë ughwane.”

Amangʼana agha Abhatomwa 13:39

Ömöntö wowonswe igho ono akumukumya, nkokorwa arë na Waryobha abha ömöntö uwa heene. Engʼana iyö amaraghërryö agha Mosa, teghaaghetoranga hë.

Amangʼana agha Abhatomwa 8:32

Amaandeko Amahörëëru ghano omonene uyö yaasomanga, n-gaara ghandëkirwë igha, “Yaatangatiibhwi kya ringʼöndi reno rikughya ukushinshwa. Akakira kiri, kora tiyaamurri engʼana hë. Akabha kya ekemaanwa ikya ringʼöndi bhono kikukira hano kyakebhwa amashuurëërya.

1 Abhakörintö 15:3

Amëëghyö agha ubhwera obhonene ghano naahaaywë naabhëëghya igha, Kiristo yaakuurë ko okoghera iya ëbhëbhë ibhyëtö, kya bhono Amaandeko Amahörëëru ghakoghamba.

2 Abhakörintö 5:21

Yëësu Kiristo të-mököri uwa ëbhëbhë yaarë hë, kasi Waryobha yaamobharëëyë ëbhëbhë ibhyëtö bhyonswe igho, okore bhëëtö tobhe abhantö abha heene ku-Waryobha ko okohetera ku-uyö.

Abhagharatia 1:4

Kiristo yaairuusiri öbhöhöru ubhwaye, ko okoghera iya ukuruusya-ho ëbhëbhë ibhyëtö. Yaakörrë igho, okore atötööri turwe mo-mangʼana amaghogho ghonswe igho agha ko-kebhara keno ikya bhoono igho. Ghayö ghonswe igho ngaabhaayë igho, ko okorengʼaana na okohansha ukwa Waryobha Taata uwëëtö.

Abhagharatia 3:13

Kiristo yaatutungurya ukurwa mu-riragha irya amaraghërryö, yaakörrë igho, ko okoghegha riragha riyö ko okoghera iya bhëëtö, ko bhoora Amaandeko Amahörëëru gharaghamba igha, “Ömöntö wowonswe igho ono ahanëkirwë ko-mosarabha, yaihiimwa.”

1 Timoteo 2:6

Yëësu uyö, yaairuusiri umwene igha akwe, okore atunguri abhantö bhonswe igho. Kiyö nkyo ekemanyërryö keno Waryobha yaatohaayë ko-nkaagha eno umwene yaasëëmëri.

Tiito 2:14

Yaairuusiri ko okoghera iya bhëëtö, okore atutunguri ukurwa mo-bhosarya ubhwëtö bhonswe igho. Yaatunirë igha atosaabhuure, okore tobhe abhantö abhaaye abha heene, bhano bhairuusya okokora amangʼana amaiya.

Abhaëbhuraania 1:3

Uyö we emerengaari ighya ubhuhika ubhwa Waryobha. Kora we ituubho iya heene iya bhono Waryobha arë. We akoghera ëbhëntö bhyonswe igho bheraghëndërrya okobha kya igho bhërë, ko okohetera engʼana iyaaye iya obhotoro. Yaatosaabhuura ëbhëbhë ibhyëtö, akaghya mu-ryobha, akaikara bhoryo ubhwa Waryobha uwa obhotoro, ahasë hano hasookwa bhököngʼu.

Abhaëbhuraania 2:17

Ku bhuyö kiyö nkyo kyaaghërrë akabha kya abhahiiri abhaaye, ko amangʼana ghonswe igho, okore abhe Omonene uwa abhasëngëri uwa ikyabhera ono arëngë uwa heene ko okokora emeremo ighya Waryobha. Ömösëngëri uyö, we yaakörrë ikimwenso, okore abhantö bhaabherwe ëbhëbhë ibhyabho.

Abhaëbhuraania 9:28

Amangʼana ni-ighoigho gharë igha, Yëësu Kiristo wonswe, yaakörrwë ikimwenso kamwë igho, okore agheghe ëbhëbhë ibhya abhantö abhaaru. Kasi hano ariisha urwa kabhërë, të-bhëbhë ariisha komara-ho hë, kasi nö-bhöhönia arereeta ko bhano bhaana omotono ughwa okomoghanya.

1 Peetero 1:19

Kasi yaabhatungurya okohetera ko amaanyinga ghano ghaana ubhwera obhonene. Amaanyinga ghayö, na-agha Yëësu Kiristo, uyö we yaarë kya ekemaanwa ikya ringʼöndi keno ketaana ekebheera handë risoro.

1 Peetero 2:24

Yëësu yaaghëghirë ëbhëbhë ibhyëtö kö-möbhërë ughwaye, kora akahanekwa ko-mosarabha. Yaakörrë igho, okore ëbhëbhë bhetakaatobhaaha ghwiki, okore tobhe na öbhömënyi bhono bhökötëghërya Waryobha. Bhëëtö twaahona ko okohetera okotemwa ukwaye.

1 Peetero 3:18

Yëësu Kiristo wonswe n-kamwë igho yaakuurë ko okoghera iya ëbhëbhë ibhyëtö, okore atwighwerrani na Waryobha, kasi tiyaarë na ëbhëbhë bhyobhyonswe igho hë. M-möntö uwa heene yaarë. Yaaitirwë kinyamöbhërë, kasi ko obhotoro ubhwa Umwika Ömöhörëëru, akanyoora ghwiki öbhöhöru.

1 Yohana 2:2

Uyö we ikimwenso ikya ukutwighwerrania na Waryobha ku ukuruusya-ho ëbhëbhë ibhyëtö. Ghwiki të-bhëbhë ibhyëtö ibhyene igho hë, kasi kora na ëbhëbhë ibhya abhantö bhonswe igho abha ko-kebhara kono.

1 Yohana 3:5

Mmomanyirë igha Yëësu Kiristo yaaishirë ko-kebhara kono, okore aruusi-ho ëbhëbhë ibhyëtö. Ghwiki we taana ëkëbhë kyokyonswe keera hë.

1 Yohana 4:10

Righonshe rërëngë igha, ti-igha m-bëëtö twaatangatirë okohansha Waryobha, kasi we yaatangatirë okotohansha. Righonshe riyö, ndyo ryaaghërrë akatoma Omoona uwaaye, okore abhe ikimwenso ikya ukutwighwerrania na Waryobha, ku ukuruusya-ho ëbhëbhë ibhyëtö.

Okohonyora 1:5

na ukurwa ku-Yëësu Kiristo umwimërërri uwa heene. Uyö we yaaryökiibhwi mbere, okore abhe omokama uwa abhakama bhonswe igho ko-kebhara. Yëësu Kiristo natohanshirë, kora yatotashora ukurwa mö-bhëbhë ibhyëtö ku ukutukwera.

Okohonyora 12:11

Abhakumya bharikyëtö, bhaanyöörrë singuru isya okobhaaha Oghosambwa okohetera ko amaanyinga agha Omoona Ringʼöndi, na ko okoghera iya ubhwimërërri bhono bhaamwimërërrëëyë, ko bhoora tebhaatöniibhwi na öbhöhöru ubhwabho hë. Mbaaikërëëyi ukukwa, ko okoghera iya ukukumya Omoona Ringʼöndi.

Okohonyora 13:8

Abhantö bhonswe igho abha ko-kebhara kono, bhano amariina aghaabho ghatandëkirwë mo-ketabho ikya Öbhöhöru, mbareghosengerra. Eketabho kiyö, ni-ikya Omoona Ringʼöndi ono yaanshinshirwë, nkyaandëkirwë ukurwa okosemoka ukwa ekebhara.

Okohonyora 14:1

Mbe, hano naarëkëëyë amaiso, nkamaaha Omoona Ringʼöndi aimërëëyë ku-nguku iya Sayuuni, hamwë na abhantö eraaki ëmwë ëbhëkwë merongo ene na bhine. Abhantö bhayö bhaarenga bhandëkirwë iriina irya Omoona Ringʼöndi na irya Suwaabho, ku-bhusyö.

Okohonyora 14:10

ömöntö uyö wonswe naraanywe idivai iya okorerra ukwa Waryobha. Idivai iyö, në-ndörö kya amarwa ghano ghataghörröywë na amanshë. Waryobha umwene naraamotoorre mo-kekombe ikya okorerra ukwaye anywe. Ömöntö uyö naraateeswe mo-morro ömörörö kai, na ubhurutu ubhwa ikibhiriiti, bhöröngë ubhwa abhamaraika abhahörëëru na bhöröngë ubhwa Omoona Ringʼöndi.

Okohonyora 14:4

Abhantö bhayö, nkosoorana bharë Omoona Ringʼöndi ahasë hohonswe igho hano akughya. Tebhaarenga bhainyankuhiri ko okotaara na abhakari, ku bhuyö, nsi-ntindë bhaarë. Bhaatunguriibhwi ukurwa mo-bhantö abhandë, bhakakorwa ikimwenso ikya obhotongore ku-Waryobha bhaana Omoona Ringʼöndi.

Okohonyora 15:3

Bhaarëëtyanga rirëëtyö reera irya Omoona Ringʼöndi na Mosa ömököri uwa emeremo uwa Waryobha, bharaghamba igha, “Omonene Waryobha uwa obhotoro bhwonswe igho, amangʼana aghaaho m-marito, nköröghöörya gharë. Uwe nu-uwe Omokama uwa ibhyaro bhyonswe igho, senshera isyaho, ne-heene, kora n-sya obhoheene.

Okohonyora 17:14

Mbareghootana na ughutyënyi ghuyö, okore bhaitane na Omoona Ringʼöndi. Kasi Omoona Ringʼöndi hamwë na abhantö abhaaye, narebhabhaaha, ko bhoora we Omonene uwa abhanene na Omokama uwa abhakama. Abhantö abhaaye bhayö, m-baara Waryobha yaabhërëkëëyë, akabhashaaghora, abhantö bhayö, m-ba heene.”

Okohonyora 19:7

Ni-igha tushomerwe, tukirirri na ökömötöönia. Ko bhoora inyangi iya obhoghabhöri ubhwa Omoona Ringʼöndi ihikirë, na umwenga uwaaye amarrë ukwisëëmya.

Okohonyora 19:9

Mbe, maraika uyö, akantëëbhya igha, “Andeka igha, nyakara bhano bharaarekwa ku-nyangi iya obhoghabhöri ubhwa Omoona Ringʼöndi.” Ghwiki akantëëbhya igha, “Amangʼana ghayö ngambirë, na-mangʼana amaheene agha Waryobha.”

Okohonyora 21:14

Obhogho ubhwa umughi ghuyö, mbwaarenga bhohaghaashirwë ko-maghena ikömi na abhërë, agha umusingi. Na kera reghena, ndyaandëkirwë-ko iriina irya omotomwa ömwë, mo-bhatomwa ikömi na bhabhërë bhaara abha Omoona Ringʼöndi.

Okohonyora 21:27

Kasi ikinyanku kyokyonswe keera, tekeresoha mu-mughi muyö hë. Ömöntö wowonswe uwa amanyënyëëri handë omorongo, uyö taresoha-mo hë. Kasi abhantö bhano bharesoha mu-mughi ghuyö, m-baara urinyoora amariina aghaabho ghaandekwa mo-Ketabho ikya Öbhöhöru ikya Omoona Ringʼöndi.

Okohonyora 21:9

Ho ömwë uwa abhamaraika muhungatë bhaara bhaarë na amabhaköri muhungatë ghano ghaishööyë ibhyateko muhungatë ibhya umuhiko, akaasha akantëëbhya igha, “Nshö hano nkwöröki umwenga, ono araabhe mokaa Omoona Ringʼöndi.”

Okohonyora 5:6

Mbe, nkamaaha ghatëghatë haara haarenga na ikitumbë ikya ekekama, Omoona Ringʼöndi aimërëëyë. Yaarenga ainaarwë na ëbhëntö ibhine bheera na abhaghaaka merongo ëbhërë na abhane bhaara. Hano wamaaha Omoona Ringʼöndi uyö, yaarenga kya ono ashinshirwë. Yaarenga na amatera muhungatë na amaiso muhungatë. Amaiso ghayö, ni-Miika muhungatë abha Waryobha bhano bhaarenga bhatömirwë kera ahasë ko-kebhara kyonswe igho.

Okohonyora 5:8

Hano yaamarrë okoghegha eketabho kiyö, ëbhëntö ibhine bhiyö bhekoheeshera na abhaghaaka merongo ëbhërë na abhane bhaara, bhakaghwa bhubhuumaayë bhöröngë ubhwa Omoona Ringʼöndi. Kera ömwë uwaabho yaarenga na ritungu na amabhaköri agha esahaabhu ghaishööyë ëkörösö. Ëkörösö iyö yo amasabhi agha abhantö abha Waryobha.

Okohonyora 6:1

Mbe, nkamaaha Omoona Ringʼöndi uyö, aranaanora ubhurimbo ku-muhuri ughwa mbere, mu-mihuri muhungatë gheera. Nkaighwa ëkëmwë ikya ibhine bheera bhekoheeshera, kerabhaghatya kya enkobha, kekaghamba igha, “Nshö!”

Okohonyora 6:16

Bhakatëëbhya singuku siyö na amarengo ghayö igha, “Mutughwere! Mutubhise, okore oora ikaayë ku-kitumbë ikya ekekama, atakaatörëghërrya. Mutubhise, totakaasha okomaaha amangʼana ghayö agha okorerra ukwa Omoona Ringʼöndi.

Okohonyora 7:14

Nkamohonshora igha, “Omonene, uwe nu-uwe omanyirë.” Akantëëbhya igha, “Abhantö bhayö, m-baara bhaaghömërrëëyi inyanko enene eera. Bhaafura sengansho isyabho ko amaanyinga agha Omoona Ringʼöndi, sekarabha shaa.

Okohonyora 7:17

Ko bhoora Omoona Ringʼöndi ono arëngë haangʼë na ikitumbë ikya ekekama, narebha omokaraabhërri uwaabho. Narebhatangata ukughya mo-seseeka isya amanshë agha öbhöhöru, na Waryobha narebheeya amaisöri.”