Yohana 1:21 - Imuuma Eehya

²¹ Mbe, bhakamöbhöörya ghwiki igha, “Bhoono nu-uwe wë? Nu-uwe ömörööti Ëriya?” Akabhahonshora igha, “A a, tö-öni Ëriya hë.” Bho bhakabhöörya ghwiki igha, “Nu-uwe ömörööti oora tokoghanya ukurwa ku-Waryobha?” Yohana akabhahonshora igha, “A a, tö-öni hë.”

Yohana 1:21 ပူးပေါင်းရင်းမြစ်များ

Mataayo 11:14

Mbe, nyoore nkutuna mörë mwikërri, momanye igha, Yohana Omobhatiisya, we Ëriya ono Waryobha yaaghambirë igha, nakaamötömirë.

Mataayo 16:14

Bho bhakamohonshora igha, “Abhandë bharaghamba igha, nu-uwe Yohana Omobhatiisya, abhandë igha, ömörööti Ëriya, abhandë igha, ömörööti Yeremia, handë igha, nö-mörööti nyabhorebhe mo-bharööti abha Waryobha abha kare.”

Mataayo 21:11

Rikomo reera rekabhahonshora igha, “Ono nö-mörööti Yëësu, uwa Nazarëëti iya mo-mokowa ughwa Ghariraaya.”

Ruuka 1:17

Enkoro iyaaye na obhotoro ubhwaye, mberebha kya ibhya Ëriya. Naretangatera Omonene, okore amösëëmëri abhantö. Ko bhoora nareghera senkoro isya abhaibhöri sighwerrane na isya abhaana abhaabho. Narekora abhamangarru bhakyore ko-bhongʼaini ubhwa abhantö abha heene ko-Monene Waryobha.”

Yohana 1:22

Bhakamöbhöörya ghwiki igha, “Kana nu-uwe wë? Tötëëbhi okore toherre amangʼana bhano bhatötömirë igha nu-uwe wë. Bhoono uwe umwene, iyakë ukwishumaashera?”

Yohana 1:25

Mbe, bhakabhöörya Yohana igha, “Nyoore otarëngë Kiristo, handë ömörööti Ëriya, handë ömörööti oora tokoghanya ukurwa ku-Waryobha, n-kwakë okobhatiisya?”

Yohana 6:14

Hano abhantö bhayö bhaarööshë rikono irya ekemanyërryö kiyö Yëësu yaakörrë, bhakaghamba igha, “Obhoheene ömöntö ono, nö-mörööti uwa Waryobha, ono twaitengʼeranga igha, naraashe ko-kebhara kono.”

Yohana 7:40

Hano abhantö abhandë mu-rikomo riyö bhaaighuurë amangʼana ghayö, bhakaghamba igha, “M-maheene, ömöntö ono nö-mörööti ono tokoghanya ukurwa ku-Waryobha.”