Yohana 1:12 - Imuuma Eehya

¹² Kasi abhantö bhonswe igho bhano bhaamukumiri, yaabhakörrë bhabhe abhaana abha Waryobha.

Yohana 1:12 ပူးပေါင်းရင်းမြစ်များ

Mataayo 10:40

Yëësu akaghëndërrya okobhatëëbhya igha, “Ömöntö wowonswe ono akobhasërëënia, nö-öni ukunyoora asërëënëri. Ömöntö wowonswe ono akönsërëënia, n-Waryobha ono yaantoma we ukunyoora asërëënëri.

Mataayo 12:21

Ghwiki we Abhakyaro bharyesegha.”

Mataayo 18:5

Ghwiki ni-igha, ömöntö wowonswe ono akösërëënia omoona umutuuya kya ono ku iriina iryane, uyö nö-öni ukunyoora asërëënëri.

Yohana 1:11

Yaaishirë ko-bhantö abhaaye, kasi bho tebhaamwikërëëyi hë.

Yohana 1:7

Yohana uyö, yaaishirë kya umwimërërri, aimererre obhorabhu bhuyö, okore abhantö bhonswe igho, bhakumi ko okohetera ubhwimërërri ubhwaye.

Yohana 11:52

Te-ko okoghera iya Abhayahudi abheene igho, kasi n-ko okoghera iya okokomania abhaana abha Waryobha bhano bhaanyaraghana okore, bhabhe hamwë.

Yohana 2:23

Hano Yëësu yaarenga Yërusarëëmu ku-nyangi iya Epasaka, abhantö abhaaru bhakamukumya, ko bhoora bhaarööshë ebhemanyërryö bheno yaakoranga.

Yohana 20:31

Kasi ebhemanyërryö bheno bhyaandëkirwë, mbyaandëkirwë okore mukumi igha, Yëësu we Kiristo, Omoona uwa Waryobha, na ukukumya kuyö, kobhahaane öbhöhöru ko okohetera ku iriina iryaye.

Yohana 3:18

Ku bhuyö ömöntö ono araakumi Omoona uwa Waryobha, Waryobha tamobhotorre ikiina hë. Kasi ömöntö ono ataakumi, uyö yaamara okobhotorrwa ikiina, ko bhoora atakukumya Omoona umumwëmwë uwa Waryobha.

Amangʼana agha Abhatomwa 3:16

Ömöntö uyö mokomaaha hano, mmomomanyirë bhuuya. Ahwëniibhwi ko bhono akumiri iriina irya Yëësu. Nu-mukumo ughwaye ku-Yëësu ngwo ghökörrë ahwënirë kya igho mokomaaha.

Abharuumi 8:14

Abhantö bhonswe igho bhano bhakotangatwa na Umwika uwa Waryobha, bhayö mbo abhaana abha Waryobha.

Abharuumi 8:16

Umwika Ömöhörëëru uyö, we akokangʼasërrya mo-senkoro isyëtö igha, bhëëtö m-baana abha Waryobha törë.

Abharuumi 8:19

Ëbhëntö bhyonswe igho bheno bhyaabhombwa, nkoghanya bhërë bhököngʼu, enkaagha eno Waryobha arehonyora harabhu igho abhaana abhaaye.

Abhagharatia 3:26

Ku bhuyö bhëënyu bhonswe igho m-baana abha Waryobha mörë okohetera ku umukumo, ko bhoora igha, moghootaini na Kiristo Yëësu.

Abhagharatia 4:6

Ko bhoora bhëëtö bhoono m-baana abha Waryobha törë, Waryobha yaatoma Umwika uwa Omoona uwaaye mo-senkoro isyëtö. Umwika uyö we akoghera torabherekera Waryobha igha, “Abha,” ensonga iyaamo ni-igha, “Taata.”

Abhakorosaai 2:6

Bhoono ko bhoora mwaakumya Kiristo Yëësu igha m-Monene uwëënyu, möghëndërri okobha na öbhömwë nawe.

2 Peetero 1:4

Ko okoghera iya ghayö, yaatohaana imituho emenene ighya ubhwera, kya bhono yaatoraghaini. Imituho ghiyö, nkötötöörrya ghërë ukwibhasha obhoghogho bhono bhokoreetwa na oronamba oroghogho, urwa ko-kebhara kono. Ghwiki nkötötöörrya ghërë, okore tosange eteemo iya Waryobha.

1 Yohana 3:1

Momaahe bhono Taata Waryobha atohanshirë bhököngʼu, igha bhëëtö tobherekerwe igha, m-baana abhaaye törë! Obhoheene ni-igho törë. Kasi keno kekoghera abhantö abha ko-kebhara kono, bhano bhatakwighwera Waryobha bhatamanyirë igha m-baana abhaaye törë, n-ko bhoora bhatamanyirë Waryobha.

1 Yohana 3:10

Kasi ömöntö ono atakokora amangʼana agha heene, handë ono atahanshirë umukumya murikyaye, uyö temoona uwa Waryobha hë. Ni-igho tokomanyërrya abhaana abha Waryobha bhono bharë, bheena abhaana abha Oghosambwa bhono bharë.

1 Yohana 3:2

Abhaghonshe abhaane, ntomanyirë igha, bhoono m-baana abha Waryobha törë, kasi teraamanyekana bhuuya kya bhono torebha hë. Keno tomanyirë ni-igha, hano Yëësu Kiristo arikyora ko-kebhara kono, nturituubhana nawe, ko bhoora ntoremomaaha bhono arë.

1 Yohana 3:23

Umughiro ughwaye ngo ghono igha, totakanga ukukumya Yëësu Kiristo, Omoona uwaaye, kora tohanshane kya bhoora yaatoraghërrëëyi.