Tiito 2:3 - Imuuma Eehya

³ Abhakungu bhonswe bhakorenga kya igho, obhatëëbhi igha, bhabhe na eteemo eno ëkötöönia Waryobha. Bhatakaabha abhaghambi abha abhantö, bhatakaabha abharëëbhi, kasi bhatönibhwi ukwörökërrya abhantö eteemo inshiiya,

Tiito 2:3 ပူးပေါင်းရင်းမြစ်များ

Abharuumi 1:29

M-baköri abha ëbhëbhë ibhya seteemo syonswe igho, obhoghogho bhwobhwonswe igho, kora m-bahiti abha ëbhëntö bhyonswe igho, mbaana orongʼeera. Bhahanshirë riihë, m-baiti abha abhantö, m-basëëghërrya, m-barongo, m-ba amaitegherro maghogho, m-baghambi abha abhantö.

Abharuumi 16:2

Ndasabha mömösërëëni bhuuya, ko bhoora m-mukumya uwa Omonene Yëësu Kiristo. Ökösërëënia, yo engʼana eno ikutunwa igha ekorwe na abhakumya abha Yëësu Kiristo. Ghwiki nkobhatëëbhya ndë igha, hano oraanyoore aana obhohabhë bhwobhwonswe bhoora, ni-igha mömötöörri, ko bhoora umwene wonswe, yaatöörrya abhantö abhaaru, kora öni wonswe yaantöörrya.

Abhaëfësö 5:3

Kasi motakaakora amangʼana ghano gharaaghere abhantö bhabhaghambe igha, m-basooraare mörë, m-banyanku mörë, handë igha m-bahobhaaru mötë, ko bhoora igha, amangʼana ghayö teghaingʼarëëyë ko-bhantö abha Waryobha abhahörëëru kya bhëënyu.

1 Timoteo 3:11

Bhakaabho bhonswe bhabhe na eteemo inshiiya, bhatakaabha abhaghambi abha abhantö, bhagheerenga ngʼora amangʼana, ghwiki ni-igha bhabhe abhantö abha heene ko amangʼana ghonswe igho.

1 Timoteo 3:8

Abhashemaasi bhonswe, bhabhe na eteemo inshiiya, bhatakaabha abhaihunaania, bhatakaabha abhanywi abha amarwa, bhatakaahansha seehera.

1 Timoteo 5:23

Ukurwa bhoono igho, otakaanywanga amanshë agheene igho hë, kasi ughusanga-ko idivai nke igho, ko okoghera iya öbhörööyë ubhwaho ubhwa enda, na amarööyë aghandë ghano ghakukunyankya.

Tiito 1:7

Ko bhoora igha, omoghaaka omotangati uwa ekanisa, uyö we umwimërërri ono yaaghöötibhwa emeremo ighya Waryobha, ku bhuyö ni-igha, atakaabha ömöntö uwa okotemwa amasoro. Atakaabha na ekeghaaka, atakaabha ömöntö uwa enkoro, atakaabha ömörëëbhi, atakaabha umutindi, kora atakaabha na oronamba urwa seehera.

Tiito 2:4

okore bhëëghinga abhakari abhaana abhake bhahanshe abhashaasha abhaabho na abhaana abhaabho.

Abhaëbhuraania 5:12

Singa bhoono bhëënyu mwabha abhëëghya abha abhantö abhandë, kasi nanyabhoono nkutuna mökërë ömöntö uwa ököbhëëghya amëëghyö agha ukusyora agha engʼana iya Waryobha. Mbe, monga kya ebhengʼerre bheno bhikunywa amabheere agheene igho, bheno bhetakotora okorya ibhyakorya ëbhëköngʼu.

Okohonyora 2:20

Kasi moona engʼana eno ikunnyankya. Bhëënyu nkwikererrania mörë na amangʼana agha omokari oora Yëzëbhëëri. Uyö akwibherekera igha m-mörööti, kasi të-mörööti hë. Nkwikërrya mörë igha angʼaine abhaköri abha emeremo abhaane, ko ököbhëëghya bhakore obhosooraare, na okorya ibhyakorya bheno bhimwënsëywë ëbhëtöndö.