Ruuka 9:5 - Imuuma Eehya

⁵ Na umughi ghoghonswe ghono abhantö abha muyö bhataabhasërëëni, murwe-mo na okokongʼonta urutu urwa ko-maghörö aghëënyu, okore robhe ekemanyërryö ikya ukwanga ukwabho.”

Ruuka 9:5 ပူးပေါင်းရင်းမြစ်များ

Mataayo 10:18

Mbarebhahiranga ko-bhatöngi na ko-bhakama ko bhoora igha m-bantö abhaane mörë. Na hayö ho morebhatëëbhyanga amangʼana aghaane agha ukunyimererra ko-Bhayahudi na ko-Bhakyaro.

Maariko 6:11

Ghwiki, ahasë hohonswe igho hano bharaange kobhasërëënia handë okobhaitegherra, motanore ukurwa hayö. Hano mwatanora, mokongʼonte urutu urwa ko-maghörö aghëënyu, ko ököbhöörökya igha, Waryobha we bhangirë.”

Maariko 9:37

“Ömöntö wowonswe igho ono akösërëënia omoona kya ono ku iriina iryane, uyö nö-öni ukunyoora aikërëëyi. Ghwiki ömöntö ono akunyikërrya, tö-öni umwene igho ukunyoora aikërëëyi hë, kasi obhoheene nkunyoora örë aikërëëyi Waryobha ono yaantoma.”

Ruuka 10:16

Ho Yëësu yaamarrë akatëëbhya abheegha abhaaye igha, “Ömöntö wowonswe ono araabhaitegherre, noraanyoore nö-öni aitëghërrëëyë. Na ono araange okobhaitegherra, nkunyoora arë nö-öni angirë ukwitegherra. Na ömöntö ono akwanga ukunyitegherra, uyö nkunyoora arë yangirë Waryobha ono yaantoma.”

Ruuka 5:14

Yëësu akamokaania, akamötëëbhya igha, “Otakaatëëbhya ömöntö wowonswe oora kya igho uhwënirë. Kasi kaghi okore kya bhono amaraghërryö agha Mosa ghakoraghërrya. Kaghi kö-mösëngëri, okore amaahe igha, m-maheene osaabhuurrwë. Hano oraamare, okore ikimwenso ikya okosaabhuurwa ukwa abhaghenge. Ikimwenso kiyö kebhe ekemanyërryö ko-bhantö, okore bhamanye igha uhwënirë.”

Ruuka 9:4

Na mu-nyumba yoyonswe igho eno bharaabhasërëëni mosohe, mwikare-mo, kohekera urusikö rono murirwa mu-kishishi kiyö.

Ruuka 9:48

Akabhatëëbhya igha, “Ömöntö ono araasërëëni ömöntö omoke kya omoona ono, ko okoghera iya öni, noraanyoore nö-öni asërëënëri. Na ömöntö ono araansërëëni, nkunyoora arë asërëënëri Waryobha ono yaantoma, ko bhoora ömöntö omoke bhököngʼu, mö-bhëënyu muyö bhonswe igho, uyö we omonene okokera bhonswe igho.”

Amangʼana agha Abhatomwa 13:51

Mbe, Pauro bhaana Bharinaabha, bhakakongʼonta urutu ko-maghörö aghaabho, ukwörökya igha, Waryobha abhaangirë. Bhakaheta ukughya mu-mughi ghono ghwaabherekerwanga igha, Iköniö.

Amangʼana agha Abhatomwa 18:6

Kasi Abhayahudi bhayö, bhakamunyeera senkaani na okomotoka, ku bhuyö akaghankamora singibho isyaye, na okobhatëëbhya igha, “Hano moraasire m-bëënyu abheene, taaho ömöntö ono amaanyinga aghaaye gharaanyiromberre hë! Tigha öni bhoono ngende okoraarekera Abhakyaro.”