Ruuka 9:18 - Imuuma Eehya

¹⁸ Urusikö urwöndë, Yëësu na abheegha abhaaye bhaarenga bhaiyahööyë. Yëësu yaasaasaamanga Waryobha. Akabhabhöörya igha, “Abhantö bharaghamba igha nö-öni wë?”

Ruuka 9:18 ပူးပေါင်းရင်းမြစ်များ

Mataayo 14:23

Hano Yëësu yaamarrë okoraghana na rikomo riyö, akaghya umwene igho ku-nguku asaasaame Waryobha. Ikisuntë kekakura akërëngë ku-nguku kuyö umwene igho.

Mataayo 26:36

Ho Yëësu yaamarrë, akaghya ahasë hano haabherekerwanga igha, Ghetisemane. Akatëëbhya abheegha abhaaye igha, “Mwikare hano, öni nsuntare haara nsaasaame Waryobha.”

Ruuka 11:1

Urusikö nyabhorebhe, Yëësu yaasaasaamanga Waryobha. Hano yaamarrë, ömwë uwa abheegha abhaaye akamötëëbhya igha, “Uwe Omonene uwëëtö, utwëghi bhono toraasaasaamenga Waryobha, kya bhoora Yohana Omobhatiisya yëëghya abheegha abhaaye.”

Ruuka 3:21

Urusikö urwöndë, hano waanyöörrë Yohana ataraaghootwa na Herode, abhantö m-baaru yaabhatiisyanga. Yëësu wonswe yaaishirë-ho akabhatiisibhwa. Hano yaarenga akesaasaama Waryobha, mu-ryobha hakahonyoka.

Ruuka 6:12

Urusikö nyabhorebhe mu-sinsikö siyösiyö, Yëësu yaaghëëyë mu-nguku okosaasaama Waryobha. Akasaasaama igho bhokakya kyö.

Ruuka 9:19

Bhakamohonshora igha, “Abhandë nkoghamba bharë igha, nu-uwe Yohana Omobhatiisya. Abhandë igha, nu-uwe Ëriya. Kora bhaaho abhandë bhano bhakoghamba igha, uwe nö-mörööti uwa kare, we yaryökirë.”

Ruuka 9:28

Hano syaahööyë sinsikö monaane ukurwa haara Yëësu yaaghambirë amangʼana ghayö, Yëësu akaghegha Peetero, Yohana na Yaakobho, akariina nabho ku-nguku, okore asaasaame Waryobha.

Ruuka 9:29

Hano yaahikirë iyö, akasimya okosaasaama Waryobha. Enkaagha eno yaasaasaamanga, ituubho iyaaye ekaisyörya. Singibho isyaye sekarabherra shaa, sekamekameka bhököngʼu.