Ruuka 9:11 - Imuuma Eehya

¹¹ Kasi hano rikomo irya abhantö ryaamanyirë igha ni-iyö aghëëyë, rekamosoorana. Akabhasërëënia bhuuya. Akasimya ököbhëëghya amangʼana agha Obhokama ubhwa Waryobha. Akahwënia abharööyë bhano bhaarë na inyonta iya ukuhwënibhwa.

Ruuka 9:11 ပူးပေါင်းရင်းမြစ်များ

Mataayo 12:15

Yëësu yaamanyirë ësëëmyö iya Abhafarisaayo iya ukumwita, ku bhuyö akarwa hayö. Mbe, abhantö abhaaru bhakamosoorana. Akahwënia abharööyë bhonswe igho mo-bhantö bhayö.

Mataayo 14:14

Mbe, hano Yëësu yaaikirë mu-bhwato, akamaaha rikomo irya abhantö remosooraini, akabhaabhera, akahwënia abharööyë bhano bhaarë mu-rikomo muyö.

Mataayo 21:31

Bhoono ko bhonswe igho bhabhërë bhayö, nawë yaakörrë bhono suwaabho yaatunanga?” Bhakamohonshora igha, “Uwa mbere oora.” Ho Yëësu yaamarrë akabhatëëbhya igha, “No-bhoheene nkobhatëëbhya igha, abhaghööti abha righööti na abhasooraare, nkobhatangatera bharë okosoha mo-Bhokama ubhwa Waryobha.

Mataayo 21:43

Yëësu akëngërya-ko igha, “Ku bhuyö ndabhatëëbhya igha, Waryobha naraabharuusi Obhokama ubhwaye, ahaane abhantö bhano bharaamwighwere.

Ruuka 1:53

Aighötëri bhano bhasëngëëyë. Kasi abhaamë, abhakënyëri amabhoko masa.

Ruuka 5:31

Yëësu akabhahonshora igha, “Abharööyë mbo bhakutuna ömörëri abharere, ta-bhahöru hë.

Ruuka 8:1

Hano ghayö ghaahööyë, Yëësu akabha arainaaranaara mu-mighi na mu-bhishishi. Ahasë honswe hano yaahetanga, yaaraarekeranga abhantö Amangʼana Amaiya agha Obhokama ubhwa Waryobha. Yaaraarekanga hamwë na abheegha abhaaye ikömi na bhabhërë.

Ruuka 8:10

Akabhahonshora igha, “Amangʼana agha Obhokama ubhwa Waryobha ngaibhisirë. Nyakara bhëënyu, ko bhoora Waryobha abhahönyörrëëyë amangʼana ghayö, okore moghamanye. Kasi abhandë në-bhërëngyö nkobharëngërya, ko bhoora igha, ‘Hano bhamaaha, n-kya hano bhatarööshë. Nokaanyoora bhaana amatwë bharaighwa, kasi n-kya bhano bhatakwighwa, tebhakomanyërrya hë.’

Ruuka 9:10

Mbe, abhatomwa bhayö, bhakakyora ku-Yëësu, bhakamötëëbhya ghonswe igho ghano bhaakörrë. Hayö ho yaabhatangatirë abheene igho hagharë, ukughya mu-mughi ghono ghwaabherekerwanga igha Bhëtisaida.

Ruuka 9:12

Hano omoghoroobha ghwaahikirë iryobha reraghya okoghwa, abheegha ikömi na bhabhërë bhayö bhakaasha ku-Yëësu bhakamötëëbhya igha, “Bhoono uwe otahaatera abhantö bhano, bhaghende mu-bhishishi na mö-mëghöndö gheno ghërëngë haangʼë hano, okore bhaitonere ibhyakorya na ahasë aha okoraara, ko bhoora hano mwi-sisi törë.”

Ruuka 9:2

Akabhatoma bhaghende okoraarekera abhantö amangʼana agha Obhokama ubhwa Waryobha na ukuhwënia abharööyë.

Yohana 4:34

Yëësu akabhahonshora igha, “Ibhyakorya ibhyane no-kokora bhono ono yaantömirë akutuna igha nkore, kora mmarërri emeremo ighyaye.

Yohana 6:37

Abhantö bhonswe igho bhano Taata akongʼaana, mbaraashe ku-öni. Umukumya ono akuusha ku-öni, tinkumwanga hë.

Amangʼana agha Abhatomwa 28:31

Akëëghya abhantö amangʼana agha Obhokama ubhwa Waryobha, na agha Omonene Yëësu Kiristo ko obhokarë. Tiyarëbhërrëywë na ömöntö hë.

Abharuumi 10:14

Mbe, iyakë ömöntö araatore okosaasaama Waryobha na mbe tiyaakamukumiri hë? Iyakë ömöntö araatore ukumukumya na mbe tiyaakaaighuurë amangʼana aghaaye hë? Ghwiki iyakë ömöntö araatore ukwighwa engʼana eno ataraarëkëëywë?

Abharuumi 10:17

Ku bhuyö abhantö nkobha bharë na umukumo hano bhaighwa amangʼana agha Yëësu Kiristo. Kasi hano bhataraarëkëëywë amangʼana ghayö, iyakë bharaakore bhabhe na umukumo?

Abharuumi 15:3

Ko bhoora kora Yëësu Kiristo umwene, tiyaimaahanga igha, aana ubhwera okokera abhandë. Kasi ghano yaakörrë ngaarë kya bhono Amaandeko Amahörëëru ghakoghamba igha, “Amatöki ghano bhakokotoka Waryobha, nö-öni umwahorwa uwaaho ghaanyöörrë.”

2 Timoteo 4:2

Bhoono oraarekenga engʼana iya Waryobha na eno wisëëmëri okokora emeremo ighya Waryobha, ko-nkaagha eno amangʼana ghakughya bhuuya, na enkaagha eno ukunyoora ghasarëkirë. Okaaninga abhantö, obhahamerenga na okobhatogheka. Okorenga igho, kö ököghömërrya bhököngʼu na örëëghya.

Abhaëbhuraania 4:16

Ku bhuyö ni-igha tokarehe ukusuntarra ikitumbë ikya ekekama ikya Waryobha uwa örööbhö, okore tunyoore ikyabhera ikya Waryobha, tobhe na örööbhö urwa ökötötöörrya enkaagha eno toona obhohabhë.