Ruuka 8:54 - Imuuma Eehya

⁵⁴ Yëësu akaghoota okobhoko ukwa umwisëkë uyö, akamutura bhököngʼu igha, “Bhooka ore mwisëkë.”

Ruuka 8:54 ပူးပေါင်းရင်းမြစ်များ

Mataayo 9:25

Hano rikomo irya abhantö ryaaruusiibhwi mu-nyumba, Yëësu akasoha mu-kinyumba ikya omohara uyö. Akaghoota okobhoko omohara uyö, akeemoka ahwënirë.

Maariko 1:31

Mbe, Yëësu akamusuntarra, akamoghoota okobhoko, akamöghörrökya. Enkaagha iyöiyö nyakubhyara uwaabho Simööni akahwena ehooma, akasimya okobhatighinkanera.

Maariko 8:23

Yëësu akaghoota umuhukuru uyö okobhoko, akaghya nawe okoheteera ikishishi kiyö. Akamutwera amate ko-maiso, akamotoorra amabhoko ko-maiso, akamöbhöörya igha, “N-kë okomaaha?”

Maariko 9:27

Kasi, Yëësu akamoghoota okobhoko, akamöghörrökya, akemerra.

Ruuka 8:51

Hano Yëësu yaahikirë wa Yairo, tiyaikërëëyi ömöntö wowonswe igho asohe hamwë nawe. Kasi yaaghëghirë Peetero, Yohana, Yaakobho, na abhaibhöri abha umwisëkë uyö yaarenga akuurë, mbo yaasöhirë nabho muyö.

Ruuka 8:53

Abhantö bhayö bhakasimya okomosekerra, ko bhoora mbaamanyirë igha, umwisëkë uyö, amarrë ukukwa.

Ruuka 8:55

Kamwë igho, umwisëkë uyö akaheeshera, akemerra. Yëësu akabharaghërrya igha, bhamohaane ibhyakorya.

Yohana 11:43

Hano Yëësu yaamarrë okoghamba amangʼana ghayö, akabherekera bhököngʼu igha, “Raazaaro, rishoka kebhara eno!”

Yohana 5:21

Kya bhono Taata akuryökya abhaku, na okobhahaana öbhöhöru, ni-ighoigho Omoona wonswe akohaana öbhöhöru ömöntö wowonswe ono akutuna igha ahaane.

Amangʼana agha Abhatomwa 9:40

Peetero akabharishökya kebhara bhonswe igho. Akatema hansë ibhiru, akasaasaama Waryobha. Akaisyörrya ikihundughu kiyö, akakëtëëbhya igha, “Tabhita, bhooka!” Hano Tabhita yaaramökëri amaiso akamaaha Peetero, akaikara.

Abharuumi 4:17

Amangʼana ghayö, n-kya bhono Amaandeko Amahörëëru ghakoghamba igha, “Nkötöörrë-ho, obhe ömökörö uwa abhantö abha ibhyaro ibhyaru.” Ku bhuyö ni-igha, hano waanyöörrë Ibhurahimu arëngë mbere iya Waryobha, yaaighuurë amangʼana ghayö Waryobha yaaraghaini. Akakumya Waryobha ono akohaana öbhöhöru abhantö bhano bhaakwa. Uyö we akoghamba, ëbhëntö bheno bhetaaho, bhebhaho.