Ruuka 8:34 - Imuuma Eehya

³⁴ Hano abharëësya abha sëmbëëshë siyö bhaarööshë ghayö ghaaikörrë, bhakakenya ukughya mu-mughi na mu-bhishishi bhakaraareka amangʼana ghayö ko-bhantö.

Ruuka 8:34 ပူးပေါင်းရင်းမြစ်များ

Mataayo 28:11

Mbe, hano abhakari bhayö bhaaghendanga ko-nshera, abhasirikare nyabhorebhe bhano bhaarendanga embeehera iya Yëësu, bhakarwa ko-mbeehera haara, bhakaghya Yërusarëëmu. Hano bhaahikirë, bhakatëëbhya abhanene abha abhasëngëri keno kyaabhaayë.

Mataayo 8:33

Hano abharëësya abha sëmbëëshë bhaarööshë ghayö, bhakakenya ukughya ka. Bhakatëëbhya abhantö keno kyaabhaayë. Kora bhakabhatëëbhya kya igho abha amasambwa bhaahwëniibhwi.

Maariko 5:14

Abharëësya abha sëmbëëshë siyö bhakakenya, bhakaghya mu-mughi na mu-bhishishi ibhya haangʼë hayö, bhakaraarekera abhantö amangʼana ghayö. Abhantö bhakaasha, okore bhaimaahere abheene ghayö ghabhaayë.

Ruuka 8:33

Amasambwa ghakarwa kö-möntö uyö, ghakaghya ghakasoherra sëmbëëshë siyö kwa nguru. Sëmbëëshë syonswe igho, sekatirimana ukurwa ku-nguku, ku-kihiringityö ëkërörö, sekaghya mu-nyansha, sekakwera-mo.

Ruuka 8:35

Ho abhantö bhaaimökirë ukughya okomaaha amangʼana ghayö kya igho gharë, bhakahika ku-Yëësu. Hano bhaamöhëkërëëyë, bhakamaaha ömöntö uyö yaatirwe-ko amasambwa, aikaayë haangʼë na amaghörö agha Yëësu. Atöörrë singibho na ikyamotwe kyamökirë, abhaayë ömöhöru. Abhantö bhayö bhakoobhoha.