Ruuka 8:18 - Imuuma Eehya

¹⁸ Ku bhuyö amëëghyö aghaane ghano mukwighwa, moghaitegherre bhuuya. Ömöntö ono amanyirë ëkëntö, Waryobha nkumwëngërya arë ko-bhomanyi ubhwaye bhuyö. Kasi ono atamanyirë ëkëntö, nkuruusibhwa arë kora keera akokanya igha naanakyo.”

Ruuka 8:18 ပူးပေါင်းရင်းမြစ်များ

Mataayo 13:12

Waryobha nareghera bhamanye bhököngʼu abhantö bhaara bhamanyirë engʼana nyabhorebhe, ko amangʼana agha Obhokama ubhwa Waryobha. Kasi ono atamanyërrëëyi bhuuya, Waryobha narimuruusya kora keera akokanya igha namanyirë.

Mataayo 25:29

Ko bhoora ömöntö ono akokora omoremo ghono mmohaayë, nkumwëngërya ndë ughwöndë. Kasi ömöntö ono atakokora omoremo omoke ghono ukunyoora mmohaayë, kora ekeke keera ukunyoora aanakyo, nkumuruusya ndë.

Maariko 13:14

Ömöntö ono akosoma amaandeko ghano, amanyërri ensonga iyaako. Yëësu akaghëndërrya okoghamba igha, “Hano moremaaha omosarya ono akoreeta amanyënyëëri, aimërëëyë Ahasë Ahahörëëru, ahasë hano ataingʼarëëyi okobha-ho, hayö ho bhoono abhantö abha Yudea, bhangʼosere mu-singuku!

Ruuka 19:26

“Akabhatëëbhya igha, ‘Kera ömöntö ono akokora bhuuya emeremo gheno aanaghyo, nkumwëngërya ndë ughwöndë. Kasi ömöntö ono atakokora bhuuya omoremo ghono aanagho, keno aanakyo nkuruusibhwa arë.

Ruuka 9:44

“Engʼana eno ndaabhatëëbhi bhoono igho, mughitegherre bhuuya. Öni Omoona uwa Ömöntö nendaanyeerwe inikö, ntoorwe mu-bhitaano ibhya abhabhisa abhaane.”

Yohana 15:2

Kera risagharya reno retakwama sehagho na mbe nku-öni rërë, Taata nkuriruusya arë ku-öni. Kasi kera risagharya reno rikwama sehagho, Taata nkoreharörrya arë, okore ryame bhököngʼu.

Amangʼana agha Abhatomwa 10:33

Kiyö nkyo kyaaghërrë nkatoma abhantö bhakobherekere. Na uwe wonswe, ökörrë bhuuya wishirë, okore ötötëëbhi bhano bhonswe igho törëngë mbere iya Waryobha hano. Twighwe amangʼana ghonswe igho, ghano Omonene yaakoraghërrëëyi.”

Amangʼana agha Abhatomwa 17:11

Abhabheerooya bhayö, m-bantö abha heene bhaarë okokera Abhatësarönikë. Ko bhoora bhaaghöötirë engʼana iya Waryobha ko motono, bhakabha bharitaaha mo-Maandeko Amahörëëru sinsikö syonswe igho, okore bhamaahe nyoore amangʼana ghayö Pauro akoghamba m-maheene!

Abharuumi 12:3

Ko bhoora Yëësu Kiristo angʼaayë örööbhö igha mbe omotomwa uwaaye, ku bhuyö nkobhatëëbhya ndë igha, kera ömöntö mö-bhëënyu muyö, atakaimaaha igha, naingʼarëëyë okokera bhuyö arë, kasi abhe na obhongʼaini. Kera ömöntö yaahaanwa na Waryobha ekerengere ikyaye ikya umukumo.

1 Abhakörintö 14:37

Hano ömöntö araaimaahe igha m-mörööti, handë igha të-möntö uwa kinyamöbhërë hë, amanye igha ghayö nkobhandekera, na-maraghërryö agha Omonene.

1 Abhakörintö 3:18

Ömöntö atakaingʼaina umwene. Hano ömöntö araaimaahe igha m-mongʼaini mö-bhëënyu ko-kebhara kono, aikore igha mokangi, okore abhe omongʼaini uwa heene.

1 Abhakörintö 8:2

Nyoore aaho ömöntö ono akokanya igha, namanyirë engʼana nyabhorebhe, amanye igha, taghemanyirë kya bhono ikutunwa igha aghemanye.

Abhafiripi 3:4

kora öni umwene, neena engʼana iya ukwesegha kinyamöbhërë. Kasi nyoore aaho ömöntö ono akwimaaha igha aana amangʼana agha kinyamöbhërë, ghano ghaingʼarëëyi ukweseghwa, öni nenagho amaaru agha ukwesegha okomokera.

Abhaëbhuraania 2:1

Mbe, ku bhuyö ni-igha twiyangarre bhököngʼu, ko amangʼana ghayö twaighwa, okore totakaaghatigha.