Ruuka 8:12 - Imuuma Eehya

¹² Simbusiro seno syaaghööyë ko-nshera, siyö na-bhantö bhano bhakwitegherra engʼana iya Waryobha, kasi Oghosambwa ghuusha ghuruusya engʼana iyö mo-senkoro isyabho, okore bhatakaakumya, bhatööribhwi.

Ruuka 8:12 ပူးပေါင်းရင်းမြစ်များ

Mataayo 13:19

Hano ömöntö yaighwa engʼana iya Obhokama ubhwa Waryobha, ange okomanyërrya ensonga yaamo, nkunyoora örë Oghosambwa ghwishirë, ghomosakirë ghaara Waryobha yëëmya mo-nkoro iya ömöntö uyö. Uyö we eheke iya imbusiro eera yaaghööyë ko-nshera.

Mataayo 13:4

Hano yaabhusuranga, seheke isyëndë isya imbusiro, sekaghwa ko-nshera. Ibhinyönyi bhekaasha bhekaserya.

Maariko 4:15

Abhantö abhandë, mbatuubhaini na rirobha irya ko-nshera. Abhantö bhayö, hano bhaighwa engʼana iyö, Oghosambwa nkuusha ghörë kamwë igho, ghuruusya engʼana iyö mo-senkoro isyabho.

Ruuka 8:11

“Ensonga iya ëkërëngyö kiyö ni-igha, Amangʼana Amaiya agha Waryobha, ngo imbusiro.

Ruuka 8:13

“Na simbusiro seno syaatöönyirë ku-rirobha irya ku-ritare, siyö na-bhantö bhano bhakwitegherra engʼana iya Waryobha, bhashomerwa, bhakumya enkaagha enke igho. Kasi hano bhashaashibhwa bhaghitigha, mbatuubhaini kya ëmëröngö gheno ghetahirrë imiri mu-rirobha.

Ruuka 8:5

“Yaare-ho umubhusuri ono yaaghëëyë ukubhusura kö-möghöndö ughwaye. Enkaagha eno yaabhusuranga, seheke isyëndë isya imbusiro sekaghwa ko-nshera, sekatashwatashwa, na ibhinyönyi bhekaasha bhekaserya.

Okohonyora 12:9

Ughushoka oghonene ghuyö, ghokarekerwa ko-kebhara hamwë na abhamaraika abhaagho. Ghuyö, ngwo ughushoka ughwa kare ghoora ghokobherekerwa igha, Nyangasheka handë igha Oghosambwa. Ghuyö, ngo ghwaangʼainirë abhantö bhonswe igho ko-kebhara kono, okore bhakore ëbhëbhë.