Ruuka 7:6 - Imuuma Eehya

⁶ Mbe, Yëësu akatanora hamwë na abhaghaaka bhayö, ukughya wa omonene uyö. Hano bhaahikirë haangʼë, omonene uyö akatoma abhasaani abhaaye bhaherre Yëësu amangʼana igha, “Uwe ore Omonene tigha otakaanyanka, ko bhoora, tiningʼarëëyi osohe mu-nyumba iyaane hë.

Ruuka 7:6 ပူးပေါင်းရင်းမြစ်များ

Mataayo 20:28

N-kya bhoora öni Omoona uwa Ömöntö, tenaasha igha abhantö bhantighinkanere hë, kasi naasha igha, ntighinkanere abhantö, na ukwiruusya öbhöhöru ubhwane, okore ntunguri abhantö abhaaru.”

Mataayo 3:11

Ghwiki Yohana akabhatëëbhya igha, “Öni na amanshë nkobhabhatiisirya, ukwörökya igha, möhöngööyë ëbhëbhë ibhyënyu. Kasi aaho ömöntö ono akuusha nyuma iyaane, ono arebhabhatiisirya Umwika Ömöhörëëru na omorro. Ömöntö uyö, naana obhotoro konkera, kora tiningʼarëëyë okotashora siinuugha, isya ebheraatö ibhyaye hë.

Maariko 5:24

Yëësu akahinana nawe waaye ka. Rikomo rinene irya abhantö rekamosoorana, reramwisangerra.

Ruuka 5:8

Hano Simööni Peetero yaarööshë amangʼana ghayö, akatema hansë ibhiru mbere iya Yëësu, akamötëëbhya igha, “Omonene uwaane, karwe ku-öni hano, ko bhoora öni, nu-uwa ëbhëbhë ndë.”

Ruuka 7:4

Hano abhaghaaka bhayö bhahikirë ku-Yëësu, bhakamokangʼasërrya bhököngʼu, kö ökömötëëbhya igha, “Naingʼarëëyi omokorre engʼana iyö,

Ruuka 7:5

ko bhoora nahanshirë ikyaro ikyëtö. Uyö we yaatohaghaashera inyumba iya esango iyëëtö.”

Ruuka 7:7

Nkyo ndööshë igha, tiningʼarëëyi ukuusha ku-uwe hë. Kasi ghamba engʼana ëmwë iyeene igho, omoghorwa uwaane naraahwene.

Ruuka 8:49

Enkaagha iyö waanyöörrë Yëësu akishumaasha, akaasha-ho ömöntö ukurwa wa Yairo omonene uwa inyumba iya esango iya Abhayahudi. Ömöntö uyö akatëëbhya Yairo igha, “Otakaanyankya umwëghya, ko bhoora umwisëkë uwaaho, amarrë ukukwa.”

Amangʼana agha Abhatomwa 10:38

Waryobha yaahööyë Yëësu uwa Nazarëëti, ko okomohaana Umwika Ömöhörëëru na obhotoro. Yëësu uyö, yaainaarrënaarrë arakora amangʼana amaiya na ukuhwënia bhonswe igho, bhano bhaanyankibhwanga na Oghosambwa, ko bhoora Waryobha, n-hamwë yaarë nawe.

Yaakobho 4:10

Ömöntö ono akwisuuhya ko-monene Waryobha, nkömönënëhya arë.

Yaakobho 4:6

Hamwë na ghayö ghonswe igho, kasi nkutwëngërya arë örööbhö, nkyo kekoghera Amaandeko Amahörëëru gharaghamba igha, “Waryobha nkwanga arë abhantö bhano bhakwiheema, kasi örööbhö urwaye na-bhahaabhu akohaana.”