Ruuka 7:47 - Imuuma Eehya

⁴⁷ Ku bhuyö ndakötëëbhya igha, ëbhëbhë ibhya omokari uyö, m-byaru, kasi abhëëywë bhyonswe igho. Kiyö nkyo kekoghera arabha na righonshe rinene. Kasi ömöntö ono akwabherwa ëbhëbhë bheke igho, wonswe righonshe iryaye ni-ike igho rekobha.”

Ruuka 7:47 ပူးပေါင်းရင်းမြစ်များ

Mataayo 10:37

Ömöntö wowonswe ono araahanshe suwaabho, handë nyakuwaabho konkera, uyö taingʼarëëyë okobha umwegha uwaane hë. Ömöntö wowonswe ono araahanshe mura uwaaye, handë mohara uwaaye konkera öni, uyö taingʼarëëyë okobha umwegha uwaane hë.

Ruuka 7:39

Omofarisaayo uyö hano yaarööshë amangʼana ghayö, akaitegherra mo-motwe ughwaye igha, “Singa m-maheene igha Yëësu ono m-mörööti, nakaamanyirë igha, omokari uyö akumukunia n-wa teemo kë, nakaamomanyirë igha, n-wa ëbhëbhë.”

Ruuka 7:46

Tonhakirë amaghuta ko-motwe ughwane ukwörökya igha nönsöökirë, kya igho eteemo iyëëtö ërë. Kasi umwene anhakirë amaghuta ghano ghakurumbaasa bhuuya ko-maghörö aghaane!

Ruuka 7:48

Ho bhoono Yëësu yaatëëbhëri omokari uyö igha, “Wabhëëywë ëbhëbhë ibhyaho.”

Amangʼana agha Abhatomwa 5:31

Akamuriinia, akamohaana obhonene ko okomotoora orobhareka urwaye urwa bhoryo, ahasë aha okosookwa, abhe Ömötöngi na Ömöhönia uwa abhantö. Waryobha yaakörrë igho, okore Abhaisiraëri, bhahongore ëbhëbhë ibhyaho, bhaabherwe.

Abharuumi 5:20

Amaraghërryö agha Mosa ngaaghërrë ëbhëbhë bhekaaruha. Hano ëbhëbhë bhyaaruhirë, örööbhö urwa Waryobha rwonswe rokaaruha.

2 Abhakörintö 5:14

Righonshe irya Yëësu Kiristo, nkototangata rërë, ko bhoora ntomanyirë igha, ömöntö ömwë yaakuurë ko okoghera iya abhantö bhonswe igho, ensonga yaamo ni-igha, abhantö bhonswe igho mbaakuurë.

Abhagharatia 5:6

Mbe hano oraanyoore igha ntoghootaini na Kiristo Yëësu, okosaarwa, handë ukwanga okosaarwa, tekoona omoremo ghoghonswe igho hë, ekenene, nu-mukumo ghono ghokokora emeremo ku righonshe.

Abhaëfësö 6:24

Örööbhö urwa Waryobha robhe kö-bhëënyu bhonswe igho, bhano mohanshirë Omonene uwëëtö Yëësu Kiristo, ku righonshe reno retakohwa röndë.

Abhafiripi 1:9

Nkobhasabhera ndë ku-Waryobha igha, righonshe iryënyu rëghëndërri ukwaruha bhököngʼu, kora mobhe na obhongʼaini na okomanya amangʼana,

1 Timoteo 1:14

Omonene Kiristo Yëësu yaansakërya örööbhö oronene, kora akangʼaana umukumo na righonshe ko okobha hamwë nawe.

1 Yohana 1:7

Kasi hano oraanyoore mo-bhorabhu tömënyirë, kya bhono Waryobha amënyirë-mo, hayö ntoraabhe na öbhömwë bhëëtö abheene ko bheene. Kora hayö ho ukunyoora amaanyinga agha Omoona uwaaye Yëësu Kiristo gharatosaabhuura ëbhëbhë ibhyëtö bhyonswe igho.

1 Yohana 3:18

Bhëënyu abhaana abhaane abhaghonshe, totakaahanshana ko mangʼana agheene igho hë, kasi tohanshane këmwëkëmwë ko okokorrana ubhwa heene.

1 Yohana 4:19

Bhëëtö ntohanshirë Waryobha, kora bharikyëtö bhonswe ntobhahanshirë, ko bhoora Waryobha, we yaatangatirë okotohansha.

1 Yohana 5:3

Ko bhoora hano ömöntö yahansha Waryobha, nkoghoota arë imighiro ighyaye. Kora imighiro ighyaye të-mëköngʼu ighya okoghoota hë.