Ruuka 7:41 - Imuuma Eehya

⁴¹ “Bhaare-ho abhantö bhabhërë, bhano bhaarë na isiirë iya ömöntö nyabhorebhe. Uwa mbere yaarë, na isiirë iya sidinaari maghana ataano. Uwa kabhërë, we yaarë na isiirë iya sidinaari merongo etaano.

Ruuka 7:41 ပူးပေါင်းရင်းမြစ်များ

Mataayo 18:28

“Hano ömököri uwa emeremo uyö yaarishökirë kebhara haara, akasikana-ho na ömököri uwa emeremo murikyaye, ono yaarenga na isiirë iyaaye iya sidinaari ighana imwë. Akamoghoota mö-bhëghöti, akamötëëbhya igha, ‘Nhaka isiirë iyaane!’

Mataayo 6:12

Utwabhere obhosarya ubhwëtö, kya bhono bhëëtö tukwabhera bhano bhakotosarrya.

Maariko 6:37

Kasi, Yëësu akabhahonshora igha, “Bhëënyu mobhahaane ibhyakorya.” Bhakamöbhöörya igha, “Nkutuna örë toghende tobhaghorre emekaate ighya sidinaari maghana abhërë okore tobhahaane ibhyakorya?”

Ruuka 11:4

Utwabhere ëbhëbhë ibhyëtö, kya bhono tukwabhera bhano bhakotosarrya. Otakaatohatërrya mo-mashaashyo, [kasi ötötöörri ko-mashaashyo agha Omoghogho oora].’ ”

Ruuka 12:48

Kasi omoghorwa ono atamanyirë bhono omonene uwaaye akutuna, hano araakore engʼana eno yingʼarëëyë ubhushibhu, uyö n-hake igho araatemwe. Ömöntö ono yaahaanwa ëbhëntö ibhyaru, m-byaru aresabhwa. Ömöntö ono yaasagharibhwa ibhyaru, omonene uwaaye m-byaru bhököngʼu araamosabhe.

Ruuka 13:4

Kasi morahiita-ko abhantö ikömi na monaane bhaara, bhano bhaaghwërëëywë na omonara Sirowamu eera, bhakakwa? Kasi nkokanya mörë igha në-bhëbhë bhaarë nabhyo okokera abhamënyi bhonswe igho abha Yërusarëëmu?

Ruuka 7:40

Yëësu akatëëbhya Omofarisaayo uyö igha, “Simööni, ndatuna nköbhööri-ko engʼana.” Simööni akamohonshora igha, “Uwe otamböörya umwëghya uwaane.” Mbe, Yëësu akamöbhöörya igha,

Ruuka 7:47

Ku bhuyö ndakötëëbhya igha, ëbhëbhë ibhya omokari uyö, m-byaru, kasi abhëëywë bhyonswe igho. Kiyö nkyo kekoghera arabha na righonshe rinene. Kasi ömöntö ono akwabherwa ëbhëbhë bheke igho, wonswe righonshe iryaye ni-ike igho rekobha.”

Abharuumi 3:23

Ko bhoora abhantö bhonswe igho bhaakora ëbhëbhë, ku bhuyö amangʼana ghano bhakokora teghakötöönia Waryobha hë.

Abharuumi 5:20

Amaraghërryö agha Mosa ngaaghërrë ëbhëbhë bhekaaruha. Hano ëbhëbhë bhyaaruhirë, örööbhö urwa Waryobha rwonswe rokaaruha.