Ruuka 7:25 - Imuuma Eehya

²⁵ Nyoore motaarë möghëëyë okomaaha ömöntö ono anga kya umunyaamunsi, bhoono n-kë mwaarë möghëëyë okomaaha? Tö-möntö ono atöörrë singibho sinshiiya hë. Ko bhoora abhantö bhano bhakotoora singibho sinshiiya, na ukwihansha ku ubhwaru ubhwa ëbhëntö bheno bhaanabhyo, bhayö mmo-manyumba agha ekekama bharë.

Ruuka 7:25 ပူးပေါင်းရင်းမြစ်များ

Mataayo 11:8

Nyoore motaarë möghëëyë okomaaha ömöntö ono anga kya umunyaamunsi, bhoono nkë mwaarë möghëëyë okomaaha? Mwaarë kwitengʼera okomaaha ömöntö ono aibhöhirë singibho isya öbhöghöri? Ti-igho hë. Abhantö bhano bhakwibhoha singibho isya öbhöghöri, bhayö mmu-sinyumba isya ekekama bharë.

Mataayo 3:4

Yohana yaatooranga singibho isya amabhuri agha ityënyi eno ekobherekerwa igha, engamia. Yaaibhohanga orokobha urwa riseero mo-bhokende. Ibhyakorya ibhyaye bheno yaaryanga n-singighë na öbhöökë.

Mataayo 6:29

Kasi ndatuna momanye igha, kora omokama Seremaani ko obhonene na ubhwamë ubhwaye, tiyaarë na singibho sinshiiya, kya ëkëmörë ëkëmwë ikya ëbhëmörë ibhya mwi-sisi.

Ruuka 16:19

Yëësu akarëngya igha, “Yaare-ho umwamë uwöndë, ono yaaryanga ëbhëntö ibhiiya sinsikö syonswe igho. Yaatooranga singibho sinshiiya isya erangë këësërö isya öbhöghöri öbhököngʼu.

Ruuka 7:24

Hano abheegha abha Yohana abhabhërë bhayö bhaatanööyë, Yëësu akasimya ököbhöörya rikomo irya abhantö bhayö amangʼana agha Yohana igha, “Hano mwaaghëëyë ku-riköngö okomaaha Yohana, m-möntö kë mwaaitengʼeranga okomaaha? Mwaaitengʼeranga okomaaha ömöntö ono akwikërrya amangʼana ghonswe igho, kya umunyaamunsi ghono ghukuhuushwa na rikama hasë honswe igho hano rikama rekobhata? Ti-igho hë.

Ruuka 7:26

Bhoono n-kë mwaarë möghëëyë okomaaha? Nö-mörööti? M-maheene, tigha mbatëëbhi! Yohana uyö, nakërrë ömörööti.