Ruuka 7:21 - Imuuma Eehya

²¹ Enkaagha iyö, Yëësu yaahwënianga abharööyë abhaaru. Yaatanga amasambwa ko-bhantö, kora yaagheranga abhahukuru abhaaru bhamaaha.

Ruuka 7:21 ပူးပေါင်းရင်းမြစ်များ

Mataayo 4:23

Yëësu yaainaarrë ikyaro kyonswe igho ikya mo-mokowa ughwa Ghariraaya, yëëghyanga abhantö mu-sinyumba isya esango iya Abhayahudi. Akabha araraarekera abhantö Amangʼana Amaiya agha Obhokama ubhwa Waryobha, kora akabha arahwënia abharööyë bhonswe igho.

Mataayo 4:24

Amangʼana ghayö Yëësu yaakoranga, ghakaromaana mu-kyaro kyonswe igho keno kekobherekerwa igha Siria. Mbe, bhakamoreetera abharööyë bhonswe igho, bhano bhaarë na amarööyë agha teemo nsharu. Abhandë mbaaighwanga öbhörrö bhököngʼu, kora mbaarenga na amasambwa, abha ëndööri, na abha amasusu, akabhahwënia bhonswe igho.

Maariko 3:10

Abharööyë mbaaruhirë bhakaheghana, bhaatunanga bhamukuni-ko ko bhoora yaarenga ahwënëri abhantö abhaaru.

Maariko 5:29

Hayö na hayö igho, okotemora amaanyinga kokeemerra, akaighwa ahwënirë.

Maariko 5:34

Yëësu akamötëëbhya igha, “Mwisëkë uwaane, keno këghërrë uhwënirë, nu-mukumo ughwaho, ku bhuyö, kaghi na omorembe.”

Ruuka 7:20

Abheegha abha Yohana bhayö, bhakatanora bhakaghya. Hano bhaahikirë ku-Yëësu, bhakamötëëbhya igha, “Yohana Omobhatiisya atötömirë tököbhööri igha, ‘Nu-uwe Mesiya oora abharööti bhaaröötirë igha ariisha? Kasi tu-uwe hë, nu-wöndë toraaghanye?’ ”

Abhaëbhuraania 12:6

Ko bhoora kera ono Omonene Waryobha ahanshirë, nkumuhiinya arë. Nkushibhya arë kera ono akwikërrya igha, Waryobha n-Suwaabho.”