Ruuka 7:16 - Imuuma Eehya

¹⁶ Abhantö bhayö bhonswe igho bhakabha na entarëki bhököngʼu. Bhakasimya ökötöönia Waryobha bharaghamba igha, “Ömörööti omonene yaibhökëëyë mö-bhëëtö mono!” Bhakaghamba igha, “Waryobha atotaarëëyë na ökökötöörrya abhantö abhaaye!”

Ruuka 7:16 ပူးပေါင်းရင်းမြစ်များ

Mataayo 15:31

Abhantö bhayö, bhakaroghoora bhököngʼu, hano bhaarööshë amamuumu gharashumaasha, amatengʼo gharaghenda, na abhabhëëru bhahwënirë, na abhahukuru bharamaaha. Ku bhuyö bhakatöönia Waryobha uwa Abhaisiraëri.

Mataayo 21:11

Rikomo reera rekabhahonshora igha, “Ono nö-mörööti Yëësu, uwa Nazarëëti iya mo-mokowa ughwa Ghariraaya.”

Mataayo 28:8

Mbe, abhakari bhayö bhakatanora bhöngöbhöngö ukurwa mo-mbeehera hayö, na eno bhashömëëywë bhököngʼu, kasi bhaana entarëki. Bhakakenyera këmwë ukughya ökötëëbhya abheegha abha Yëësu ghaara maraika uyö yaabhatëëbhëri.

Mataayo 9:8

Hano rikomo irya abhantö ryaarööshë ghayö, rekaroghoora bhököngʼu kora rekoobhoha. Rekatöönia Waryobha ono yaahaayë abhantö ubhwera kya bhuyö.

Ruuka 1:65

Abhamenyani abhaaye bhonswe igho, bhakaroghoora bhököngʼu. Engʼana iyö, ekaromaana bhököngʼu mu-mighi ghyonswe igho, ighya mu-singuku isya ikyaro ikya Yudea.

Ruuka 1:68

“Akumibhwi Omonene uwëëtö, Waryobha uwa Abhaisiraëri, ko bhoora atotaarëëyë bhëëtö abhantö abhaaye, atutunguuyi.

Ruuka 19:44

Hayö ho bhëënyu murisikibhwa, hamwë na abhaana bhëënyu bhonswe igho. Tereeho reghena reno riritighara ku-ryëndë hë. Umughi ghono ngoretemorwa, ko bhoora enkaagha eno Waryobha yaaishirë okobhatöörya, temwamanyirë hë.”

Ruuka 2:20

Ho bhoono abharëësya bhayö bhaakyörrë, bharatöönia Waryobha na ukumukumya ko-ghonswe igho, ghano bhaaighuurë, na ghano bhaarööshë. Ko bhoora, bhuyö bhaatëëbhiibhwi, mbo ghaarë.

Ruuka 24:19

Wonswe akamöbhöörya igha, “N-ghaahë ghayö?” Bhakamohonshora igha, “Amangʼana agha Yëësu uwa Nazarëëti. Yëësu uyö, yaarë ömörööti uwa obhotoro ko obhoghambi ubhwaye, na ko-mangʼana aghaaye ku-Waryobha na ko-bhantö bhonswe igho.

Ruuka 5:26

Abhantö bhonswe igho bhano bhaarenga hayö, bhakaroghoora bhököngʼu! Bhakatöönia Waryobha. Bhakabha na entarëki, bhakaghamba igha, “Reero törööshë amakono agha ököröghöörya!”

Ruuka 5:8

Hano Simööni Peetero yaarööshë amangʼana ghayö, akatema hansë ibhiru mbere iya Yëësu, akamötëëbhya igha, “Omonene uwaane, karwe ku-öni hano, ko bhoora öni, nu-uwa ëbhëbhë ndë.”

Ruuka 7:15

Umumura uyö, akabhooka akaikara, akasimya ukushumaasha. Yëësu akahërrya umusinö uyö mura uwaaye.

Ruuka 7:39

Omofarisaayo uyö hano yaarööshë amangʼana ghayö, akaitegherra mo-motwe ughwaye igha, “Singa m-maheene igha Yëësu ono m-mörööti, nakaamanyirë igha, omokari uyö akumukunia n-wa teemo kë, nakaamomanyirë igha, n-wa ëbhëbhë.”

Ruuka 8:37

Abhantö bhonswe igho bhayö, bhano bhaaruurë mu-kyaro ikya Abhagherasi, bhakoobhoha bhököngʼu. Bhakasaasaama Yëësu igha, arwe waabho hayö. Yëësu akariina mu-bhwato, akakyora.

Ruuka 9:19

Bhakamohonshora igha, “Abhandë nkoghamba bharë igha, nu-uwe Yohana Omobhatiisya. Abhandë igha, nu-uwe Ëriya. Kora bhaaho abhandë bhano bhakoghamba igha, uwe nö-mörööti uwa kare, we yaryökirë.”

Yohana 1:21

Mbe, bhakamöbhöörya ghwiki igha, “Bhoono nu-uwe wë? Nu-uwe ömörööti Ëriya?” Akabhahonshora igha, “A a, tö-öni Ëriya hë.” Bho bhakabhöörya ghwiki igha, “Nu-uwe ömörööti oora tokoghanya ukurwa ku-Waryobha?” Yohana akabhahonshora igha, “A a, tö-öni hë.”

Yohana 1:25

Mbe, bhakabhöörya Yohana igha, “Nyoore otarëngë Kiristo, handë ömörööti Ëriya, handë ömörööti oora tokoghanya ukurwa ku-Waryobha, n-kwakë okobhatiisya?”

Yohana 4:19

Omokari uyö akahonshora Yëësu igha, “Omonene, ndööshë igha uwe, m-mörööti örë.

Yohana 6:14

Hano abhantö bhayö bhaarööshë rikono irya ekemanyërryö kiyö Yëësu yaakörrë, bhakaghamba igha, “Obhoheene ömöntö ono, nö-mörööti uwa Waryobha, ono twaitengʼeranga igha, naraashe ko-kebhara kono.”

Yohana 9:17

Mbe, Abhafarisaayo bhakamöbhöörya ghwiki igha, “Ömöntö ono akuhwënëri amaiso aghaaho, iyakë okoghamba ko amangʼana agha ömöntö uyö?” We akabhahonshora igha, “Öni ndamaaha igha ömöntö uyö, nö-mörööti uwa Waryobha.”

Amangʼana agha Abhatomwa 5:5

Ni-igho Anania yaaighuurë amangʼana ghayö Peetero yaaghambirë, akaghwa hansë, akakwa. Bhonswe igho bhano bhaaighuurë amangʼana ghayö mu-nyumba muyö, bhakoobhoha bhököngʼu.

Amangʼana agha Abhatomwa 7:37

Mosa uyö, we yaatëëbhëri Abhaisiraëri bhayö igha, ‘Omonene Waryobha uwëëtö, arebhaahorra ömörööti kya öni mö-bhëënyu muyö.’

Abhagharatia 1:24

Mbe, bhakatöönia Waryobha ko okoghera iya ghano yaankorra.