Ruuka 7:14 - Imuuma Eehya

¹⁴ Ho Yëësu yaasuntarëëyë amasheera ghano bhaaghëghëëyë-ko umuku, akaghakunia. Abhantö bhayö bhaarenga bhaghëghirë umuku bhakaimerra. Yëësu akatëëbhya umuku uyö igha, “Uwe mora, ndakötëëbhya igha, bhooka!”

Ruuka 7:14 ပူးပေါင်းရင်းမြစ်များ

Maariko 5:41

Akamoghoota okobhoko, akamötëëbhya igha, “Tarita, koumu!” Ensonga ya amangʼana ghayö ni-igha, “Nu-uwe nkötëëbhya örë mwisëkë, bhooka!”

Ruuka 7:13

Hano Omonene Yëësu yaarööshë umusinö uyö, akamwabhera. Akamötëëbhya igha, “Kira, otakaakuura.”

Ruuka 7:15

Umumura uyö, akabhooka akaikara, akasimya ukushumaasha. Yëësu akahërrya umusinö uyö mura uwaaye.

Ruuka 7:17

Amangʼana ghayö ghakaromaana bhököngʼu mo-mokowa ughwa Yudea yonswe igho, na mo-mekowa ighyëndë ighya haangʼë hayö.

Yohana 11:25

Yëësu akamohonshora igha, “Öni nö-öni ukuryoka kuyö, ghwiki nö-öni öbhöhöru. Ömöntö ono akunkumya, nakaakwa, naraaghëndërri okobha ömöhöru.

Yohana 5:21

Kya bhono Taata akuryökya abhaku, na okobhahaana öbhöhöru, ni-ighoigho Omoona wonswe akohaana öbhöhöru ömöntö wowonswe ono akutuna igha ahaane.

Yohana 5:25

No-bhoheene nkobhatëëbhya igha, enkaagha eraasha, kora bhoono ihikirë, eno abhaku bharaaighwe engamba iya Omoona uwa Waryobha. Abhaku bhano bharaaighwe engamba iyö, mbaraabhe na öbhöhöru.

Abharuumi 4:17

Amangʼana ghayö, n-kya bhono Amaandeko Amahörëëru ghakoghamba igha, “Nkötöörrë-ho, obhe ömökörö uwa abhantö abha ibhyaro ibhyaru.” Ku bhuyö ni-igha, hano waanyöörrë Ibhurahimu arëngë mbere iya Waryobha, yaaighuurë amangʼana ghayö Waryobha yaaraghaini. Akakumya Waryobha ono akohaana öbhöhöru abhantö bhano bhaakwa. Uyö we akoghamba, ëbhëntö bheno bhetaaho, bhebhaho.

Abhaëfësö 5:12

Amangʼana ghano ghakokorwa bhubhise mo-bhatëëyu bhayö, nkösöökya gharë, në-nsöni okoghaghamba.