Ruuka 6:3 - Imuuma Eehya

³ Yëësu akabhahonshora igha, “Temwakasömirë kya bhono Daudi yaakörrë hano yaarë na umweko hamwë na bharikyaye?

Ruuka 6:3 ပူးပေါင်းရင်းမြစ်များ

Mataayo 19:4

Yëësu akabhahonshora igha, “Kana, temwakasömirë kya bhono Amaandeko Amahörëëru ghakoghamba igha, ukurwa kare ‘Waryobha yaabhömbirë omokari na umushaasha’?

Mataayo 21:16

Bhakabhöörya Yëësu igha, “Oraighwa kiyö abhaana bhayö bhakoghamba?” Yëësu akabhahonshora igha, “Nkwighwa ndë. Kanaa, temwakasömirë amangʼana ghano gharëngë mo-Maandeko Amahörëëru igha, ‘Wisëëmëëyi ukukumibhwa ukwaho okohetera mu-minywa ighya abhaana abhake, na ebhengʼerre’?”

Mataayo 21:42

Ho Yëësu yaamarrë akabhatëëbhya igha, “Temwakasömirë kya bhono Amaandeko Amahörëëru ghandëkirwë hë? Ghandëkirwë igha, ‘Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba. Omonene Waryobha we akörrë engʼana iyö, engʼana iyö, nkötöröghöörya ërë.’”

Mataayo 22:31

Kasi ko engʼana iya ukuryoka mo-bhaku, temwakasömirë mo-Maandeko Amahörëëru kya bhono Waryobha yaabhatëëbhëri? Yaabhatëëri igha,

Mataayo 4:2

Yëësu akaisasa ibhyakorya ku-sinsikö merongo ene, ubhutikö na omobhasö, ku bhuyö akaighwa umweko bhököngʼu.

Maariko 12:10

Kasi, temwakasömirë Amaandeko Amahörëëru igha, ‘Reghena reno abhahaghaashi bhaangirë, ndyo rebhaayë reghena rinene irya ko-koona iya umusingi ughwa inyumba.

Maariko 12:26

M-maheene igha abhaku nkuryoka bharë, kasi temwakasömirë mo-ketabho ikya Mosa, kya bhono Waryobha yaaghambirë hano ekesaka kyookanga omorro? Waryobha yaatëëbhëri Mosa igha, ‘Nö-öni Waryobha uwa Ibhurahimu, Isaaka na Yaakobho.’