Ruuka 5:2 - Imuuma Eehya

² Akamaaha amaato abhërë, ko-morambo hayö. Abheene amaato ghayö, bhaarenga bhaghatighirë-ho, bhaghëëyë ukwöghya emetegho ighyabho.

Ruuka 5:2 ပူးပေါင်းရင်းမြစ်များ

Mataayo 4:18

Hano Yëësu yaaghendanga ko-morambo ughwa inyansha iya Ghariraaya, akamaaha abhantö abhabhërë, ömöntö na mura uwaabho enda ëmwë. Uwöndë yaabherekerwanga igha Simööni, iriina iryaye iryëndë ni-igha Peetero, na mura uwaabho enda ëmwë uyö, yaabherekerwanga igha Anderea. Bhaarekeranga omotegho mu-nyansha, ko bhoora m-batëghi bhaarë.

Mataayo 4:21

Yëësu akaghëndërrya na oroghendo urwaye, hake igho akamaaha ghwiki abhantö bhabhërë, ömöntö na mura uwaabho. Uwöndë yaabherekerwanga igha Yaakobho na mura uwaabho yaabherekerwanga igha, Yohana, m-bamura abha Zebhedaayo bhaarë. Bhaarenga bhaikaayë mu-bhwato na suwaabho, bharatuma emetegho ighyabho. Bhonswe Yëësu akabhabherekera.

Maariko 1:16

Urusikö urwöndë hano Yëësu yaahetanga mbareka iya inyansha iya Ghariraaya, akamaaha Simööni bhaana mura uwaabho enda ëmwë, ono yaabherekerwanga igha Anderea. Bhaarenga na emetegho ighyabho bharategha sinswë, ko bhoora m-batëghi bhaarë.

Maariko 1:19

Hano yaaghëëyë mbere hake igho, hamwë na abheegha abhaaye abhabhërë bhayö, akamaaha Yaakobho bhaana mura uwaabho omoke ono yaabherekerwanga igha Yohana, bhayö m-bamura abha Zebhedaayo bhaarë. Bhaarenga mu-bhwato bharasobhoora emetegho ighyabho.

Ruuka 5:1

Urusikö nyabhorebhe, Yëësu yëëghyanga engʼana iya Waryobha, aimërëëyë ko-morambo ughwa inyansha iya Ghariraaya. Abhantö abhaaru bhakamusuntarra haangʼë bhamwinaarrë, okore bhamwitegherre.

Ruuka 5:3

Amaato ghano ghaarë hayö, ubhwöndë nu-bhwa Simööni bhwaarë, mbwo Yëësu yaariinirë-mo. Akatëëbhya Simööni igha, abhuhuni ukurwa ko-morambo hayö, bhoghende bhuribha hake igho. Mbe, Yëësu akëëghya abhantö, aikaayë mu-bhwato muyö.

Yohana 1:40

Mo-bheegha abhabhërë bhano bhaaighuurë ghano Yohana yaaghambirë bhakasoorana Yëësu, yaabherekerwanga igha Anderea, mura uwaabho Simööni Peetero enda ëmwë.