Ruuka 4:7 - Imuuma Eehya

⁷ Ku bhuyö hano oraanyaghamere onsaasaame, nendaakohaane ghonswe igho ghayö.”

Ruuka 4:7 ပူးပေါင်းရင်းမြစ်များ

Mataayo 2:11

Mbe, abhamanyi abha sinyota bhayö bhakasoha mu-nyumba, bhakamaaha omoona na Maryamu nyakuwaabho omoona uyö. Bhakatema hansë ibhiru, bhakasengerra omoona uyö. Bhakatashora imirigho ighyabho, bhakatuha omoona uyö esahaabhu, ëkörösö na amaghuta ghano ghakurumbaasa.

Ruuka 17:16

Hano yaahikirë ku-Yëësu, akairekera hansë bhubhuumaayë, ko-maghörö aghaaye hayö, aramukumya. Na ömöntö uyö, m-Mosamaaria yaarë.

Ruuka 4:6

Ghokamötëëbhya igha, “Nendaakohaane ubhwera ubhwa okotonga ibhyaro bhiyö bhyonswe igho, na ubhwamë ubhwamo. Ko bhoora ghonswe ghano nö-öni naahaanwa, ndatora okohaana ömöntö wowonswe igho, kya bhono nkutuna.

Ruuka 4:8

Yëësu akaghohonshora igha, “Mo-Maandeko Amahörëëru yandëkirwë igha, ‘Ni-igha osaasaame Omonene uwaaho Waryobha, na ukumwighwera umwene igho.’  ”

Ruuka 8:28

Risambwa riyö, m-mara kaaru ryaamoghootanga. Abhantö bhaashaashyanga okomorenda ko okomobhoha ebheraangʼani na sipingu, kasi yaabhebhotoranga. Risambwa riyö ndyaamuhiranga ku-riköngö. Hano ömöntö uwa risambwa uyö yaahomeraini na Yëësu, akakora ikituri. Mbe, Yëësu akahamera risambwa riyö rirwe kö-möntö uyö. Ömöntö uyö akairekera hansë bhubhuumaayë mbere iya Yëësu hayö, arakonga bhököngʼu igha, “Uwe Yëësu Omoona uwa Waryobha ono ökërrë bhyonswe igho, ne-ngʼana kë ukuntuna-ko? Ndakosaasaama, otakaanteesa!”

Okohonyora 22:8

Öni Yohana, nö-öni naaighuurë na ukwimaahera amangʼana ghayö bhuuya. Na hano naaghaighuurë na okoghamaaha, naaghööyë bhubhuumaayë, bhöröngë ubhwa maraika uyö yaanyörökyanga amangʼana ghayö, nkatuna igha mosengerre.

Okohonyora 4:10

Enkaagha eno Waryobha yaakumibhwanga na ëbhëntö bheno bhekoheeshera bheera, abhaghaaka merongo ëbhërë na abhane bhakaighwësya hansë bhubhuumaayë ko-maghörö aghaaye, bhakasaasaama Waryobha ono aaho amakora ghonswe igho. Kora mbyaaruusyanga ibhirighi ibhyabho ibhya ekekama bherabhetoora mbere iya ikitumbë ikya ekekama keera na eno bheraghamba igha,

Okohonyora 5:8

Hano yaamarrë okoghegha eketabho kiyö, ëbhëntö ibhine bhiyö bhekoheeshera na abhaghaaka merongo ëbhërë na abhane bhaara, bhakaghwa bhubhuumaayë bhöröngë ubhwa Omoona Ringʼöndi. Kera ömwë uwaabho yaarenga na ritungu na amabhaköri agha esahaabhu ghaishööyë ëkörösö. Ëkörösö iyö yo amasabhi agha abhantö abha Waryobha.