Ruuka 4:20 - Imuuma Eehya

²⁰ Hano yaahëkëëyë hayö, akakundikirya eketabho, akakikyörya kö-mököri uwa emeremo, akaikara, okore abhëëghi. Abhantö bhonswe igho bhano bhaarë mu-nyumba iya esango iya Abhayahudi, bhakamomaaherra.

Ruuka 4:20 ပူးပေါင်းရင်းမြစ်များ

Mataayo 26:55

Mbe, Yëësu akatëëbhya rikomo irya abhantö riyö igha, “Bhoono mwishirë okongoota moona imishonge na sirungu okanya igha m-mogharanshöri uwa eserekaare ndë? Ndarra sinsikö syonswe igho naaikaranga hamwë na bhëënyu, ndëëghya abhantö mo-bhogho ubhwa risengerro irya Waryobha temwakaangöötirë hë.

Mataayo 27:60

Akabheeka umuku uyö mo-mbeehera eehya, iya mu-risana, eno yaabhaashirwë ku-ritare. Akamara akahingira reghena rinene, akaribha-ho, akatanora.

Ruuka 19:48

Kasi tebhaanyöörrë umweya hë, ko bhoora abhantö bhonswe igho, mbaamosoorananga, bharamwitegherra.

Ruuka 4:17

Akahaanwa eketabho ikya ömörööti Isaaya. Akahonyora ahasë hano handëkirwë igha,

Ruuka 4:21

Ho yaasimiri okobhatëëbhya igha, “Amaandeko Amahörëëru ghayö mwighuurë ndasoma, ghahekeraini reero, kö-bhëënyu hano.”

Ruuka 5:3

Amaato ghano ghaarë hayö, ubhwöndë nu-bhwa Simööni bhwaarë, mbwo Yëësu yaariinirë-mo. Akatëëbhya Simööni igha, abhuhuni ukurwa ko-morambo hayö, bhoghende bhuribha hake igho. Mbe, Yëësu akëëghya abhantö, aikaayë mu-bhwato muyö.

Yohana 8:2

Hano bhwaakëëyë, Yëësu akaghya ghwiki akasoha kö-bhööri ubhwa risengerro. Abhantö bhonswe igho bhakaghya ko-we, mbe akaikara, akasimya ököbhëëghya.

Amangʼana agha Abhatomwa 16:13

Mbe, urusikö urwa Obhotooro tokaghya kebhara iya umughi ghuyö, tokaghya haangʼë na omooro, ko bhoora ntwaakanyanga igha, hayö ho tokaanyöörrë-ho abhantö bharasaasaama Waryobha. Hano twaahikirë-ho, tokaanyoora abhakari bhaasangeraini-ho. Bhëëtö bhonswe tokaikara hamwë nabho, tokabhatëëbhya Amangʼana agha Yëësu.

Amangʼana agha Abhatomwa 3:12

Hano Peetero yaarööshë abhantö bhayö, akabhatëëbhya igha, “Bhare Abhaisiraëri bharikyane, n-kwakë mokoroghorra engʼana iyö? Moratotongʼaarra, nkokanya mörë igha no-bhotoro ubhwëtö mbwo bhuhwënëri ömöntö ono? Handë igha, öbhöntö ubhwa heene ubhwëtö mbwo bhöghërrë aghëndirë?