Ruuka 4:16 - Imuuma Eehya

¹⁶ Yëësu akaghya mu-mughi ughwa Nazarëëti ghono yaakëënëëyë-mo. Akasoha mu-nyumba iya esango iya Abhayahudi urusikö urwa Obhotooro, kya igho eteemo iyaaye yaarë. Akaimerra asome Amaandeko Amahörëëru.

Ruuka 4:16 ပူးပေါင်းရင်းမြစ်များ

Mataayo 2:23

Bhakamenya mu-mughi ghono ghwaabherekerwanga igha Nazarëëti. Engʼana iyö, yaahekeraini ghaara abharööti bhaaröötëëyë Yëësu igha, “Mbaremobherekera igha, Omonazarëëti.”

Ruuka 2:39

Hano Yusufu na Maryamu bhaamarrë okokora ghonswe igho ghano amaraghërryö agha Omonene Waryobha ghaaraghërryanga, bhakakyora waabho mo-mokowa ughwa Ghariraaya, mu-mughi ughwa Nazarëëti.

Ruuka 2:42

Hano Yëësu yaahikiri imyoka ikömi na ibhërë, bhakatiira nawe ukughya ku-nyangi, kya igho eteemo iyaabho yaarë.

Ruuka 2:51

Mbe, akangʼaaraara na abhaibhöri abhaaye ukughya Nazarëëti, yaabhasookanga. Nyakuwaabho akaitegherra amangʼana ghayö ghonswe igho, akakira nagho mo-nkoro iyaaye.

Ruuka 4:15

Akabha arëëghya abhantö mu-sinyumba isya esango iya Abhayahudi, abhantö bhonswe igho, mbaamötöönianga.

Ruuka 4:17

Akahaanwa eketabho ikya ömörööti Isaaya. Akahonyora ahasë hano handëkirwë igha,

Ruuka 4:21

Ho yaasimiri okobhatëëbhya igha, “Amaandeko Amahörëëru ghayö mwighuurë ndasoma, ghahekeraini reero, kö-bhëënyu hano.”

Ruuka 4:23

Mbe, Yëësu akabhahonshora igha, “Nemanyirë mörëndëngërya ëkërëngyö keno igha, ‘Ore mörëri, otairera umwene.’ Ghwiki mörëntëëbhya igha, ‘Kora amakono mu-kishishi ikya wëënyu keno, kya ghano tukwighwa igha, waakora mu-mughi ughwa Kaperenaumu.’ ”

Yohana 18:20

Yëësu akamohonshora igha, “Enkaagha yonswe igho naaghambanga ko-bhantö bhonswe igho harabhurabhu igho, nëëghyanga abhantö mu-sinyumba isya esango iya Abhayahudi, na mo-bhogho ubhwa risengerro mono Abhayahudi bhonswe igho bhakwikomanërya, tenakëëghëri amëëghyö aghaane bhubhise hë.

Amangʼana agha Abhatomwa 17:2

Pauro akabha arasoha mu-nyumba iya esango iya Abhayahudi iyö, kya bhono eteemo iyaaye yaarë. Mbe, Pauro uyö, akabha arashumaasha na abhantö amangʼana agha Amaandeko Amahörëëru ku-sinsikö isatö isya Obhotooro seno syaaroobheraini.