Ruuka 4:14 - Imuuma Eehya

¹⁴ Mbe, Yëësu akakyora mo-mokowa ughwa Ghariraaya aana obhotoro ubhwa Umwika Ömöhörëëru, na amangʼana aghaaye ghakaromaana bhököngʼu, mo-mokowa ughwa Ghariraaya yonswe igho.

Ruuka 4:14 ပူးပေါင်းရင်းမြစ်များ

Mataayo 4:12

Mbe, hano Yëësu yaaighuurë igha, Yohana Omobhatiisya arëngë mo-kebhohe, akarwa hayö, akaghya mo-mokowa ughwa Ghariraaya.

Mataayo 9:26

Amangʼana ghayö ghakaromaana ikyaro kiyö kyonswe igho.

Mataayo 9:31

Kasi hano bhaaruurë hayö, bhakaraarekera abhantö bhonswe igho abha ikyaro kiyö.

Maariko 1:14

Sekaheta-ho sinsikö sinsharu, Yohana akahirwa mo-kebhohe. Hano yaarenga mo-kebhohe, Yëësu akaghya mo-mokowa ughwa Ghariraaya. Akabha araraareka Amangʼana Amaiya agha Waryobha.

Maariko 1:28

Ryaahëtirë ibhagha ike igho, abhantö abha mo-mokowa ughwa Ghariraaya ghwonswe igho, okanyoora bhaaighuurë amangʼana agha Yëësu.

Ruuka 4:13

Hano Oghosambwa ghwaamarrë ukushaashya Yëësu, ghokamutigha, ghokaghya ukutuna umweya ughwöndë ughwa ukumushaashya ghwiki.

Ruuka 4:37

Ku bhuyö, amangʼana agha Yëësu ghakaromaana bhököngʼu, mu-kyaro kiyö kyonswe igho.

Yohana 4:43

Hano sinsikö ibhërë syaahëtirë, Yëësu akarwa mu-mughi ughwa Sikaari na abheegha abhaaye, akaghëndërrya na oroghendo urwaye urwa ukughya mo-mokowa ughwa Ghariraaya.

Amangʼana agha Abhatomwa 10:37

Mmomanyirë keno kyaabhaayë mo-mokowa ughwa Yudea ghwonswe igho, ukusimirya mo-mokowa ughwa Ghariraaya, hano Yohana yaamarrë okoraarekera abhantö amangʼana igha, bhabhatiisibhwi.