Ruuka 4:1 - Imuuma Eehya

¹ Yëësu yaakyörrë ukurwa ko-mooro ughwa Yorodani aishööyë Umwika Ömöhörëëru. Akabha aratangatwa na Umwika Ömöhörëëru ku-riköngö iyö.

Ruuka 4:1 ပူးပေါင်းရင်းမြစ်များ

Mataayo 3:16

Ku bhuyö Yohana akabhatiisya Yëësu. Mbe, hano Yëësu yaaibhökirë ukurwa mo-manshë, tamaaha, mu-ryobha hakahonyoka, hayöhayö igho, Yëësu akamaaha Umwika uwa Waryobha araika kya ikighuuti, akamwikarra.

Ruuka 2:27

Simeoni uyö, akaghya mo-bhogho ubhwa risengerro irya Waryobha, atangatirwë na Umwika Ömöhörëëru. Akanyoora-ho abhaibhöri abha Yëësu bharahira omoona mu-risengerro, okore bhakore bhono amaraghërryö ghaaraghërryanga.

Ruuka 3:3

Yohana akainaaranaara ikyaro kyonswe igho ikya ëngëghëni iya omooro ughwa Yorodani. Akabha araraarekera abhantö igha, bhahongore ëbhëbhë ibhyabho, bhabhitighe, bhabhatiisibhwi, okore Waryobha abhaabhere ëbhëbhë ibhyabho.

Ruuka 3:38

Kainani uwa Enoshi. Enoshi uwa Sëëti. Sëëti uwa Adamu. Adamu ono yaabhömbirwë na Waryobha.

Ruuka 4:14

Mbe, Yëësu akakyora mo-mokowa ughwa Ghariraaya aana obhotoro ubhwa Umwika Ömöhörëëru, na amangʼana aghaaye ghakaromaana bhököngʼu, mo-mokowa ughwa Ghariraaya yonswe igho.

Ruuka 4:18

“Umwika uwa Omonene Waryobha, hamwë arë na öni. Anyahööyë ndaarekere abhatöbhu Amangʼana Amaiya. Antömirë ndaarekere abhabhohe igha, mbaraahaaterwe ukurwa mo-kebhohe, ntëëbhi na abhahukuru igha, mbaraamaahe, nhaane öbhötöönööni bhano bhakunyankibhwa.

Yohana 1:32

Mbe, Yohana akabhatëëbhya igha, “Naarööshë Umwika Ömöhörëëru aramwitoomera kya ikighuuti ukurwa mu-ryobha na akamwikarra.

Yohana 3:34

Ko bhoora Waryobha yaamötömirë, okore aghambe amangʼana agha Waryobha. Waryobha amohaayë Umwika Ömöhörëëru ono ataana ekerengere.

Amangʼana agha Abhatomwa 1:2

okohekera urusikö rono yaaghëghirwë ukughya mu-ryobha. Hano waanyöörrë ataraagheghwa, yaaraghërrëëyi abhatomwa abhaaye bhano yaashaaghööyë, okohetera Umwika Ömöhörëëru kya bhono bharaakore emeremo gheno yaabhatëghëëyë.

Amangʼana agha Abhatomwa 10:38

Waryobha yaahööyë Yëësu uwa Nazarëëti, ko okomohaana Umwika Ömöhörëëru na obhotoro. Yëësu uyö, yaainaarrënaarrë arakora amangʼana amaiya na ukuhwënia bhonswe igho, bhano bhaanyankibhwanga na Oghosambwa, ko bhoora Waryobha, n-hamwë yaarë nawe.

Amangʼana agha Abhatomwa 8:39

Hano bhaaruurë mo-manshë, Umwika uwa Omonene Waryobha, akasakörya Firipö. Omotabhuti uwa umuhyö mo-ketende uyö, tiyaamarrë ghwiki amaahe Firipö röndë hë. Akaghëndërrya na oroghendo urwaye na eno ashömëëywë.