Ruuka 3:1 - Imuuma Eehya

¹ No-mooka ughwa ikömi na kataano ghwaarë, ughwa öbhötöngi ubhwa Kaisaari Tibhërio. Pontio Piraato nö-mötöngi uwa Yudea yaarë. Herode Antipa, we yaatonganga omokowa ughwa Ghariraaya. Firipö mura uwaabho Herode, we yaatonganga omokowa ughwa Iturea na ughwa Tiraköniti. Risania umwene yaatonganga omokowa ughwa Abhirene.

Ruuka 3:1 ပူးပေါင်းရင်းမြစ်များ

Mataayo 14:1

Mbe, enkaagha eno omokama Herode Antipa yaatonganga omokowa ughwa Ghariraaya, yaaighuurë abhantö bharaghamba amangʼana ghano Yëësu yaakoranga. Hano yaaighuurë amangʼana ghayö,

Mataayo 14:3

Herode yaaghambirë igho, ko bhoora yaaghöötirë Yohana, akamotoora mo-kebhohe. Yaamöbhöhirë ko okoghera iya amangʼana ghano Yohana yaaghambirë, agha Herode okoteta Herodia, na mbe kare hayö, Herodia m-mokwe uwa Herode yaarë, ko bhoora yaarenga atëtirwë na Firipö mura uwaabho Herode uyö.

Mataayo 14:6

Enkaagha iya inyangi iya ukwebhorwa ukwa Herode, mohara uwa Herodia akabhina akatëghërya Herode na abhaghëni abhaaye bhayö yaaraarëkirë.

Mataayo 22:17

Bhoono mbe tötëëbhi, bhono uwe okomaaha, amaraghërryö aghëëtö gharaikërrya igha tohakenga Kaisaari righööti, kasi nkwanga gharë?”

Mataayo 27:2

Bhakamobhoha, bhakamuhira kö-mötöngi uwa Ikiruumi ono yaabherekerwanga igha Piraato.

Maariko 6:17

Herode Antipa, yaarenga aitëtëri Herodia mokaa mumura uwaabho ono yaabherekerwanga igha, Firipö. Yohana Omobhatiisya uyö, yaatëëbhyanga Herode igha, “M-mughiro ukuruusya mura uwëënyu mokaaye, na ambe mura uwëënyu taraakwa hë.” Amangʼana ghayö ghakaghera Herodia akarererra Yohana Omobhatiisya, kora akatuna enshera iya ukumwita, kasi tiyaaghinyöörrë hë. Ku bhuyö Herode Antipa akatoma abhasirikare bhaghoote Yohana bhamotoore mo-kebhohe. Yaamorendanga okore Herodia atakaamwita, ko bhoora yoobhohanga Yohana Omobhatiisya igha, m-möntö uwa heene kora m-möhörëëru. Herode Antipa yaahanshirë bhököngʼu ukwitegherra Yohana, kasi hano yaamaranga ukumwitegherra, yaaighwanga bhoghogho bhököngʼu mo-nkoro iyaaye.

Maariko 6:21

Mbe, urusikö rokatooka rono Herodia yaanyöörëëyë-ho umweya, ughwa okokora bhono yaatunanga. Urusikö ruyö, n-doora urwa inyangi iya eheetoko iya ukwebhorwa ukwa Herode Antipa. Herode uyö, yaarenga araarëkirë abhanene abha mo-bhokama ubhwaye, abhanene abha abhasirikare, na abhatangati abha mo-mokowa ughwa Ghariraaya.

Ruuka 13:31

Ko-nkaagha iyöiyö, Abhafarisaayo nyabhorebhe, bhaaghëëyë ku-Yëësu, bhakamötëëbhya igha, “Tanora urwe hano, oghende ahasë ahandë, ko bhoora, omokama Herode Antipa, nkutuna arë akwite.”

Ruuka 2:1

Ko-nkaagha iyö iya ukwebhorwa ukwa Yohana, Kaisaari Aughusto yaaraghërrëëyi abhantö bhonswe igho abha mu-bhyaro bheno yaatonganga, bhaghende ukwandekwa.

Ruuka 23:24

Ho Piraato yaabhötööyë ikiina ikya Abhayahudi bhayö, igha bhakore kya bhoora bhaatunanga.

Ruuka 3:19

Kasi Yohana yaabhëëhirë Herode ono yaarë ömötöngi uwa omokowa ughwa Ghariraaya. Herode uyö, yaaruusiri mura uwaabho omokari ono yaabherekerwanga igha, Herodia. Yohana akamokaania engʼana iyö, hamwë na amangʼana aghandë amaghogho ghano yaakoranga.

Ruuka 9:7

Hano Herode Antipa ömötöngi uwa Ghariraaya yaaighuurë amangʼana ghonswe igho ghano Yëësu yaakoranga, omotwe ughwaye ghokaroghana. Ngwaaroghaini ko bhoora abhantö abhandë mbaaghambanga igha, “Yëësu we Yohana, hayö naryökirë ukurwa mo-bhaku.”

Amangʼana agha Abhatomwa 23:26

“Nö-öni Kiraudio Risia ono nkökökëërya Fëriki omosookwa uwëëtö, ömötöngi.

Amangʼana agha Abhatomwa 24:27

Hano ghyaahööyë imyoka ëbhërë, Fëriki akateghera Porikio Fesito öbhötöngi. Kasi ko bhono Fëriki yaatunanga ukwihanshania ko-Bhayahudi, akatigha Pauro mo-kebhohe.

Amangʼana agha Abhatomwa 26:30

Mbe, omokama uyö na ömötöngi Fesito, Bherinike, bhaana abhandë bhayö bhonswe igho waanyöörrë bhaikaayë hayö, bhakeemoka.

Amangʼana agha Abhatomwa 4:27

“M-maheene, amangʼana ghayö ngaaikörrë mu-mughi monomono. Omokama Herode Antipa, na Pontio Piraato, bhaasikaini hamwë na Abhakyaro, na Abhaisiraëri, okore bharebherre Yëësu, ömököri uwa emeremo uwaaho, umwahorwa ömöhörëëru.