Ruuka 22:2 - Imuuma Eehya

² Abhanene abha abhasëngëri, hamwë na abhëëghya abha amaraghërryö agha Mosa, bhaatunanga enshera iya ukwita Yëësu. Kasi mboobhohanga igha, abhantö mbakaakörrë riihë.

Ruuka 22:2 ပူးပေါင်းရင်းမြစ်များ

Mataayo 12:14

Kasi Abhafarisaayo bhayö, bhakarishoka, bhakasëëmya ësëëmyö iya ukwita Yëësu.

Mataayo 21:38

Kasi bhuyö bhaarööshë umumura uyö, bhakakora ikiina, bhakaghamba igha, ‘Ono we arerya umwandö ughwa suwaabho. Ku bhuyö ni-igha tumwite, umwandö ghobhe ughwëtö.’

Mataayo 26:2

“Kya bhono bhëënyu bhonswe momanyirë igha, syaatighaayë sinsikö ibhërë igho, inyangi iya Epasaka ebhe. Ho bhoono öni Omoona uwa Ömöntö, ndaatoorwe mu-bhitaano ibhya abhabhisa abhaane, mbarinnyeera inikö, okore nhanekwe ko-mosarabha.”

Maariko 14:1

Mbe, waanyöörrë sitighaayë sinsikö ibhërë igho, ebhe inyangi iya Epasaka bheena inyangi iya okorya emekaate gheno ghetatöörrwë-mo ehamiira. Abhanene abha abhasëngëri abha Waryobha na abhëëghya abha amaraghërryö agha Mosa, bhaatunanga enshera iya okoghoota Yëësu bhughunyi igho, abhantö bhatamanyirë, okore bhamobhotorre ikiina, bhamwite.

Ruuka 20:19

Abhëëghya abha amaraghërryö agha Mosa, na abhanene abha abhasëngëri, bhakamanya igha, m-bo arëngëëyi ëkërëngyö kiyö igha, m-barëmi abhaghogho! Bhakarerra bhököngʼu, bhakatuna bhamoghootere-ho, kasi bhakoobhoha abhantö.

Yohana 11:57

Abhanene abha abhasëngëri na Abhafarisaayo bhaarenga bharaghërrëëyi igha, ömöntö wowonswe igho ono araamanye hano Yëësu arë, abharome ökötwë, okore bhamoghoote.

Amangʼana agha Abhatomwa 4:27

“M-maheene, amangʼana ghayö ngaaikörrë mu-mughi monomono. Omokama Herode Antipa, na Pontio Piraato, bhaasikaini hamwë na Abhakyaro, na Abhaisiraëri, okore bharebherre Yëësu, ömököri uwa emeremo uwaaho, umwahorwa ömöhörëëru.