Ruuka 2:9 - Imuuma Eehya

⁹ Kamwë igho, bhakabhooshokerwa na maraika uwa Omonene Waryobha na emerengaari ighya Omonene Waryobha, ghekabhamërëkya mbaara syonswe igho. Bhakoobhoha bhököngʼu.

Ruuka 2:9 ပူးပေါင်းရင်းမြစ်များ

Mataayo 1:20

Maaha mbe, hano Yusufu yaaitegherranga engʼana iyö, maraika uwa Omonene Waryobha akamobhooshokera mo-kerooto, akamötëëbhya igha, “Yusufu umwebhorwa Daudi, otakoobhoha okoteta Maryamu, ko bhoora igha, enda iyaaye iyö, n-ko obhotoro ubhwa Umwika Ömöhörëëru.

Ruuka 1:28

Mbe, maraika akaghya ko-Maryamu, akamötëëbhya igha, “Ndakökëërya uwe ono wangʼoorwa. Omonene Waryobha hamwë arë na uwe.”

Ruuka 2:8

Bhaare-ho abharëësya bhano bhaarenga bhaghëëyë rishanshu, bhararaarerra situgho isyabho ubhutikö.

Ruuka 24:4

Hano waanyöörrë bhakeeroghoorra engʼana iyö, hake igho, abhashaasha bhabhërë bhakaimerra haangʼë nabho. Abhashaasha bhayö, bhaarenga bhatöörrë singibho seno sekomekameka, sendabhu shaa!

Yohana 12:41

Isaaya yaaghambirë amangʼana ghayö, ko bhoora yaarööshë ubhuhika ubhwa Yëësu, ku bhuyö akaghamba amangʼana agha Yëësu.

Amangʼana agha Abhatomwa 12:7

Kamwë igho, maraika uwa Omonene Waryobha akaasha akaimerra haangʼë na Peetero. Obhorabhu bhokaromaana mu-kinyumba kiyö. Maraika uyö, akakunia Peetero mo-sembaru, akamutura, aramötëëbhya igha, “Bhookera këmwë!” Këmwë iminyorro gheno bhaabhöhirë Peetero ko-mabhoko, ghekatanshoka, ghekaghwa hansë.

Amangʼana agha Abhatomwa 27:23

“Nkobhatëëbhya ndë igho, ko bhoora Waryobha uwaane ono nkokorra emeremo, yaarë atömirë maraika uwaaye, akambooshokera ubhutikö ubhwa reero.

Amangʼana agha Abhatomwa 5:19

Kasi maraika uwa Omonene Waryobha, akaasha ubhutikö, akeeghora ebhesaku ibhya inyumba iyö, akabharishökya kebhara. Hano yaamarrë akabhatëëbhya igha,

2 Abhakörintö 3:18

Bhëëtö bhonswe igho bhano totakundikiiyi ubhusyö, m-bëëtö emerengaari ighya Omonene ghekohetera-mo kya ikyowa. Omonene ono ërëngë igha we Umwika, nkutusyörya arë, tutuubhane nawe, ukurwa ko-merengaari okohekera ko-merengaari ëmërörö bhököngʼu.

2 Abhakörintö 4:6

Waryobha ono yaaghambirë igha, “Obhorabhu bhömërëki ukurwa mu-kisuntë,” we uyöuyö akömërëkya mo-senkoro isyëtö, okore atohaane obhorabhu ubhwa obhomanyi ubhwa emerengaari ighya Waryobha gheno ghëkömërëkya ku-bhusyö ubhwa Yëësu Kiristo.

1 Timoteo 3:16

Obhoheene bhono Waryobha öörökëri nu-bhwa ököröghöörya. Obhoheene bhuyö ni-igha, Kiristo yaaiyörökëri aana ömöbhërë kya bhëëtö, akaimererrwa na Umwika Ömöhörëëru igha mwihöötu. Akamaahwa na abhamaraika, amangʼana aghaaye ghakaraarekwa mu-bhyaro bhyonswe igho, akakumibhwa na abhantö abha ko-kebhara kono, akagheghwa ukughya mu-bhuhika ighörö iyö.

Abhaëbhuraania 12:21

Amangʼana ghayö bhaarööshë, n-ga kyöbhöhërryö ghaarë, kora ghakaghera Mosa akaghamba igha, “Mbaayë na entarëki, kora ndighitirë.”

Okohonyora 18:1

Hano ghayö ghaahööyë, nkamaaha maraika uwöndë ono yaarë na ubhwera obhonene, araika ukurwa mu-ryobha. Yaarenga na emerengaari gheno ghyaamërëkëri ekebhara.

Okohonyora 20:11

Mbe, nkamaaha Waryobha aikaayë ku-kitumbë ekenene ekerabhu ikya ekekama. Mu-ryobha na ekebhara, bhekamwihëënërya-ho, kora tibhyamaahekana ghwiki hë.