Ruuka 2:47 - Imuuma Eehya

⁴⁷ Abhantö bhonswe igho bhano bhaaighuurë kya igho yaaghambanga, bhakaroghoora bhököngʼu, ko okoghera iya obhomanyi ubhwaye ubhwa amangʼana, na okohonshora ukwaye.

Ruuka 2:47 ပူးပေါင်းရင်းမြစ်များ

Mataayo 13:54

Hano yaahikirë Nazarëëti mu-mughi ughwa waabho, akasoha ukwëghya abhantö mu-nyumba iya esango iya Abhayahudi. Abhantö bhakaroghoora bhököngʼu, bhakabhoorania igha, “Ömöntö ono hai yeeghera obhongʼaini bhono? Hai yaaruusya obhotoro ubhwa okokora amakono ghano?

Mataayo 22:33

Hano amakomo agha abhantö ghaaighuurë amëëghyö ghayö, ghakaroghoora bhököngʼu.

Mataayo 7:28

Hano Yëësu yaamarrë okobharëngërya ëkërëngyö kiyö, abhantö abhaaru bhano bhaamwitegherranga, bhakaroghoora kya bhono yëëghyanga.

Maariko 1:22

Abhantö bhonswe igho bhano bhaamwitegherranga, bhakaroghoora kya bhono yëëghyanga. Keno kyaaghërrë bhakaroghoora, m-boora Yëësu atëëghyanga kya abhëëghya abha amaraghërryö agha Mosa. We yëëghyanga kya ömöntö ono aana obhotoro ukurwa ku-Waryobha.

Maariko 11:18

Hano abhanene abha abhasëngëri abha Waryobha na abhëëghya abha amaraghërryö agha Mosa bhaaighuurë amangʼana ghayö, bhakasimya ukutuna enshera iya ukumwita, ko bhoora mbaamwöbhöhirë. Abhantö bhonswe igho, mbaaröghööribhwanga na amëëghyö agha Yëësu.

Maariko 6:2

Hano urusikö urwa Obhotooro rwaahikirë, akasimya ukwëghya abhantö mu-nyumba iya esango iya Abhayahudi. Abhaaru mo-bhano bhaamwighuurë bhakaroghoora, kora bhakamosera. Bhaabhööranianga igha, “Mbe! Ömöntö ono hai agharuusiri amangʼana ghano ghonswe igho? Kana hai yaaruusya obhongʼaini bhonswe igho bhono na obhotoro ubhwa okokora amakono ghayö akokora?

Ruuka 2:18

Abhantö bhonswe igho bhano bhaaighuurë ghayö abharëësya bhaaghambirë, bhakaroghoora bhököngʼu.

Ruuka 2:46

Urusikö urwa katatö, bhakamunyoora arëngë mo-bhogho ubhwa risengerro irya Waryobha. Yaarenga aikaayë ghatëghatë iya abhëëghya abha amaraghërryö agha Mosa arabhaitegherra, na okobhabhöörya amangʼana.

Ruuka 4:22

Hano Yëësu yaamarrë ukwëghya, abhantö bhonswe igho bhakasimya okomoghamba bhuuya. Amëëghyö aghaaye agha örööbhö ghayö, ghaaghërrë abhantö bhakamoroghoora bhököngʼu. Kora abhandë bhakabhoorania igha, “Kana! Ono ti-mumura uwa Yusufu?”

Ruuka 4:32

Amëëghyö aghaaye, ghakabharöghöörya bhököngʼu, ko bhoora ngaarë na ubhwera.

Yohana 7:15

Hayö ho abhatangati abha Abhayahudi bhaaröghöörrë, kora bhakaghamba igha, “Ömöntö ono hai yaamanyera amangʼana ghano ghonswe igho, na mbe tiyasoma hë?”

Yohana 7:46

Abhasirikare bhayö bhakahonshora igha, “Tetwakaighuurë ömöntö araghamba kya bhono Yëësu akoghamba.”