Ruuka 2:4 - Imuuma Eehya

⁴ Yusufu wonswe akatanora ukurwa mu-mughi ughwa Nazarëëti, ughwa mo-mokowa ughwa Ghariraaya, akatiira ukughya mu-mughi ughwa Bhëtërëhëëmu, ughwa mo-mokowa ughwa Yudea. Yaaghëëyë-yo ko bhoora Bhëtërëhëëmu ngwo ghwaarë umughi ughwa Daudi. Na Yusufu uyö, nu-uwa eka iya Daudi yaarë.

Ruuka 2:4 ပူးပေါင်းရင်းမြစ်များ

Mataayo 1:20

Maaha mbe, hano Yusufu yaaitegherranga engʼana iyö, maraika uwa Omonene Waryobha akamobhooshokera mo-kerooto, akamötëëbhya igha, “Yusufu umwebhorwa Daudi, otakoobhoha okoteta Maryamu, ko bhoora igha, enda iyaaye iyö, n-ko obhotoro ubhwa Umwika Ömöhörëëru.

Mataayo 2:23

Bhakamenya mu-mughi ghono ghwaabherekerwanga igha Nazarëëti. Engʼana iyö, yaahekeraini ghaara abharööti bhaaröötëëyë Yëësu igha, “Mbaremobherekera igha, Omonazarëëti.”

Ruuka 2:3

Ku bhuyö abhantö bhonswe igho, bhakaghya ukwandekwa, kera ömöntö akaghya ukwandekwa mu-mughi ughwa waabho.

Ruuka 2:5

Yusufu akaghya ukwandekwa hamwë na Maryamu. Maryamu uyö, no-oora Yusufu yaarenga aghambëëyë öbhökwë. Enkaagha iyö, Maryamu ne-nda yaarë, bhutindi bhökörö.

Ruuka 4:16

Yëësu akaghya mu-mughi ughwa Nazarëëti ghono yaakëënëëyë-mo. Akasoha mu-nyumba iya esango iya Abhayahudi urusikö urwa Obhotooro, kya igho eteemo iyaaye yaarë. Akaimerra asome Amaandeko Amahörëëru.

Yohana 1:46

Kasi Natanaëri akabhöörya Firipö igha, “Ëkëntö ikiiya keratora ukurwera Nazarëëti?” Firipö akamohonshora igha, “Nshö omaahe.”

Yohana 7:42

Kasi, Amaandeko Amahörëëru teghakoghamba igha, Kiristo narirwera mu-rwebhoro urwa omokama Daudi? Ghwiki igha m-Bëtërëhëëmu aryebhorrwa, mu-mughi ghono Daudi yaaibhörëëywë-mo?”