Ruuka 2:34 - Imuuma Eehya

³⁴ Simeoni akabhangʼoora, akatëëbhya Maryamu nyakuwaabho Yëësu igha, “Ighwa mbe! Omoona ono, Waryobha yaamösëëmya igha, narighwësya Abhaisiraëri abhaaru, na ghwiki nariinyökya Abhaisiraëri abhandë abhaaru. Narebha ekemanyërryö, ikya abhantö ukunyeerana senkaani.

Ruuka 2:34 ပူးပေါင်းရင်းမြစ်များ

Mataayo 11:19

Mbe, bhoono öni Omoona uwa Ömöntö nishirë, nkorya ndë na ukunywa idivai, kasi nkoghamba bharë igha, ‘Tamaaha uyö, m-mohobhaaru, m-mörëëbhi, na kora m-mosaani uwa abhaghööti abha righööti na abha ëbhëbhë abhandë.’ Kasi obhongʼaini ubhwa Waryobha nkwörökya bhörë igha, m-boheene ko enshera iya öbhömënyi ubhwa abhantö abha Waryobha.”

Mataayo 12:46

Enkaagha eno waanyöörrë Yëësu akishumaasha na rikomo irya abhantö, tamaaha, nyakuwaabho Yëësu aana bhawamwabho Yëësu bhakatora. Bhakeemerra kebhara. Bhaatunanga bhashumaashe nawe.

Mataayo 21:44

Mbe, ömöntö wowonswe ono araaghwere reghena riyö, uyö naraabhonekebhoneke. Na ömöntö ono reghena riyö reraaghwere, nderaamoghoshe anyike.”

Mataayo 27:63

Bhakatëëbhya Piraato igha, “Omonene, torahiita igha, enkaagha eno omongʼaini ono waanyöörrë akërëngë möhöru, yaaghambirë igha, ‘Nindiryoka urusikö urwa katatö.’

Ruuka 2:35

Ku bhuyö, amaitegherro ghano ghabhisirwë mo-senkoro isya abhantö, ngaremanywa aharabhu igho. Na uwe Maryamu, nuriighwa öbhörrö bhököngʼu mo-nkoro iyaaho kya ono öbhëtirwë na umushonge.”

Yohana 3:20

Abhantö bhonswe igho bhano bhakokora amangʼana amaghogho, nkoregha bharë obhorabhu. Tebhakutuna ukuusha ko-bhorabhu, okore amangʼana aghaabho amaghogho ghatakaamanywa.

Yohana 5:18

Ko okoghera iya amangʼana ghayö Yëësu yaaghambirë, abhatangati abha Abhayahudi bhakasimya ukutuna enshera iya ukumwita. Te-ko okoghera iya obhosarya ubhwa urusikö urwa Obhotooro ubhwene igho, kasi na ko bhoora yaaghambanga igha, Waryobha n-Suwaabho. Ku bhuyö bhakamaaha igha, nkwirengʼaania arë na Waryobha.

Amangʼana agha Abhatomwa 13:45

Hano Abhayahudi bhaarööshë igha abhantö m-baaru bhököngʼu bhaaikomaini ukwitegherra abhatomwa bhayö, bhakakorra abhatomwa bhayö rikenge. Ku bhuyö bhakabha bharabhanyeera senkaani ko mangʼana ghonswe igho ghano Pauro yaaghambanga, na okobhatoka.

Amangʼana agha Abhatomwa 17:6

Hano bhaabho Pauro bhaabhabhörrë, bhakaghoota Yasööni na abhakumya abhandë. Bhakabhahira ko-bhanene abha umughi, bharasaayasaaya igha, “Abhantö bhano bhasyörya ekebhara kyonswe igho, m-bano bhaahikirë mu-mughi mono okoreeta-mo riihë.

Amangʼana agha Abhatomwa 24:5

“Törööshë igha ömöntö ono, m-moghogho bhököngʼu. Arasëëghërrya Abhayahudi, na ököghöötya riihë ko-kebhara kyonswe igho. We omotangati uwa rikomo irya idiini iya obhorongo iya Abhanazarëëti.

Amangʼana agha Abhatomwa 28:22

Bhëëtö hano nkutuna törë twighwe amangʼana aghaaho, ko bhoora ntomanyirë igha, idiini eno onayo, nkoghambwa ërë bhoghogho ahasë honswe igho.”

Amangʼana agha Abhatomwa 4:26

Abhakama abha ko-kebhara na abhatöngi, bhaikomaini hamwë, okore bharebherre Omonene Waryobha, na Kiristo uwaaye.’

Amangʼana agha Abhatomwa 6:7

Engʼana iya Waryobha, ekaghëndërrya okoromaana mo-bhantö. Ekerengere ikya abheegha abha Yëësu, kekaaruha bhököngʼu Yërusarëëmu hayö. Kora abhasëngëri abhaaru bhakaighwera Waryobha, na ukwikërrya Omonene Yëësu.

Abharuumi 9:32

N-kwakë bhataabharrwë igha m-ba heene? Tebhakobharwa igha m-ba heene ko bhoora bhaaiseghanga amangʼana aghaabho ghano bhaakoranga, bhakaanga ukukumya Yëësu Kiristo. Yëësu Kiristo we reghena reno bhaaituurrëtuurrë-ko.

1 Abhakörintö 1:23

Kasi bhëëtö, Yëësu Kiristo we tokoraareka, ono yaahanëkirwë ko-mosarabha. Engʼana iyö, yo Abhayahudi bhakwituuratuura-ko, na ko-Bhaghiriki, m-bokangi.

Abhaëbhuraania 7:1

Mërikizëdëki uyö, no-mokama uwa Sarëëmu yaarë, kora m-mösëngëri uwa Waryobha ono arëngë ighörö iyö. Mërikizëdëki, yaasikaini na Ibhurahimu enkaagha eno Ibhurahimu yaarwanga mu-riihë. Ibhurahimu waanyöörrë aitaini na abhakama abhane abhakërrë, Mërikizëdëki akamongʼoora.

Abhaëbhuraania 7:7

M-maheene igha, omonene we akongʼoora omoke.

1 Peetero 4:14

Hano moraatokwe ko okoghera iya iriina irya Yëësu Kiristo, momanye igha mmoraangʼoorwe. Engʼana iyö nköbhöörökya ërë igha, Umwika uwa Waryobha uwa ubhuhika, hamwë arë na bhëënyu.