Ruuka 2:14 - Imuuma Eehya

¹⁴ “Toratöönia Waryobha ono arëngë mu-ryobha. Abhantö bhano ahanshirë ko-kebhara kono, bhabhe na omorembe!”

Ruuka 2:14 ပူးပေါင်းရင်းမြစ်များ

Mataayo 21:9

Rikomo irya abhantö reno ryaarë mbere iya Yëësu, na reno ryaamurwanga nyuma, ghonswe igho ghakakonga bhököngʼu igha, “Ukumibhwi, uwe umwebhorwa Daudi! Waryobha akongʼoore ono ukuusha ko okohetera iriina irya Omonene Waryobha, Waryobha ono arëngë ighörö iyö, akumibhwi.”

Ruuka 1:79

ngeremorekera bhonswe igho bhano bharëngë mu-kisuntë, na bhano bhakoghania uruku. Ghwiki mboretotangata tohete ko-nshera iya omorembe.”

Ruuka 19:38

Bhakatöönia igha, “Waryobha angʼoore omokama ono akuusha ko okohetera iriina irya Omonene Waryobha. Omorembe ghobhe ku-Waryobha na abhantö abhaaye, na atöönibhwi Waryobha ono arëngë kighörö iya ëbhëntö bhyonswe igho.”

Ruuka 2:13

Hake igho, amakomo na amakomo agha abhamaraika ukurwa mu-ryobha ghakatora. Bhakabha bharatöönia Waryobha igha,

Ruuka 2:15

Hano abhamaraika bhayö bhaakyörrë mu-ryobha, abharëësya bhayö bhakatëëbhania igha, “Toghende Bhëtërëhëëmu, tomaahe ghayö Omonene atötëëbhëri.”

Ruuka 3:22

Umwika Ömöhörëëru atuubhaini kya ikighuuti akamwitoomera na ukumwikarra. Engamba ekarwera mu-ryobha muyö, ekaghamba igha, “Uwe, nu-uwe Omoona uwaane omoghonshe ono ököntëghërya bhököngʼu.”

Yohana 14:27

Motame na omorembe, omorembe ughwane ghuyö nkobhahaana, teghonga kya omorembe ughwa ko-kebhara kono hë. Motakaabhaabhayera mo-senkoro isyënyu, kora motakoobhoha kyokyonswe keera.

Yohana 17:4

Öni nöörökya abhantö ubhuhika ubhwaho ko-kebhara kono, ko okomarërrya meremo gheno waantömirë igha ngekore.

Yohana 3:16

Waryobha yaahanshirë bhököngʼu abhantö bhonswe igho abha ko-kebhara kono. Righonshe riyö, ndyo ryaaghërrë akatoma Omoona uwaaye umumwëmwë, aashe ko-kebhara kono, okore ömöntö wowonswe igho ono akumukumya atakaasira, kasi abhe na öbhöhöru ubhwa amakora ghonswe igho.

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

Abharuumi 5:1

Mbe, Waryobha atobharrë igha m-ba heene törë, ko okoghera iya umukumo ughwëtö. Ku bhuyö ntoona omorembe ku-Waryobha ko okohetera ko-Monene uwëëtö Yëësu Kiristo.

Abhaëfësö 1:6

Ku bhuyö ni-igha tumukumi, ko okoghera iya örööbhö urwaye urwa ököröghöörya, rono yaatohaayë bhosa igho okohetera ku-Kiristo Yëësu ono Waryobha ahanshirë.

Abhaëfësö 1:9

Atöhönyörrëëyë ësëëmyö iyaaye eno yaatunanga aghehekerani okohetera ku-Yëësu Kiristo, ko bhoora yaashömëëywë okokora igho.

Abhaëfësö 2:4

Kasi bhoono ko bhoora Waryobha naana amaabhë bhököngʼu, natohanshirë ku righonshe iryaye reno retaana umuhiko.

Abhaëfësö 2:7

Waryobha yaakörrë ghayö, okore aashe ukwörökya ekebhara ubhwamë ubhwa örööbhö urwaye, rono rotakorengʼaanibhwa na kyokyonswe keera ko amaabhë aghaaye, kö-bhëëtö bhano toona öbhömwë na Kiristo Yëësu.

Abhafiripi 2:11

Na kera ömöntö aikërri igha, Yëësu Kiristo we Omonene, ko okokora igho, Waryobha Taata atöönibhwinga.

Abhafiripi 2:13

Mbe, mokorenga igho, ko bhoora Waryobha we akoghera morahansha okokora ghano akutuna mokore, kora nkobhahaana arë obhotoro ubhwa okoghakora.

Abhakorosaai 1:20

Ghwiki Waryobha akaighwerrania ëbhëntö bhyonswe igho nawe, ko okohetera ku-Kiristo, ëbhëntö ibhya ko-kebhara kono, kora na bheno bhërëngë mu-ryobha. Yaakörrë igho, ko okoreeta omorembe okohetera amaanyinga agha Yëësu, ghano ghaitëkirë ko-mosarabha.

2 Abhatësarönikë 2:16

Omonene uwëëtö Yëësu Kiristo na Waryobha Taata uwëëtö ono atohanshirë, na kö örööbhö urwaye, nkötöröörësya arë amakora ghonswe igho, na okotohaana ubhweseghe ubhurito. Nkosaasaama törë igha,

Okohonyora 5:13

Mbe, nkaighwa ëbhëntö bhyonswe igho mu-ryobha iyö, ko-kebhara, mu-kyaro ikya abhaku na mu-nyansha bherarëëtya kwa korengerrania igha, “Uyö aikaayë ku-kitumbë ikya ekekama, na Omoona Ringʼöndi uyö, bhakumibhwi, bhasookwe, bhahaanwe ubhuhika na obhotoro amakora na amakora!”