Ruuka 2:11 - Imuuma Eehya

¹¹ Engʼana iyö ni-igha, Ömötöörya uwëënyu aibhööywë reero mu-mughi ughwa Daudi. Ömötöörya uyö, we Kiristo Omonene.

Ruuka 2:11 ပူးပေါင်းရင်းမြစ်များ

Mataayo 1:16

Yaakobho akeebhora Yusufu, mushaasha uwa Maryamu. Maryamu uyö, we yaaibhööyë Yëësu ono akobherekerwa igha, Kiristo.

Mataayo 1:21

Nareebhore omoona uwa ikishaasha, omoroke igha Yëësu, ko bhoora igha, uyö we araatööri abhantö abhaaye ukurwa mö-bhëbhë ibhyabho.”

Mataayo 16:16

Simööni Peetero akamohonshora igha, “Nu-uwe Kiristo, Omoona uwa Waryobha ömöhöru.”

Mataayo 16:20

Ho bhoono Yëësu yaakaanëri abheegha abhaaye bhayö igha, bhatakaatobhora kö-möntö wowonswe oora igha, we Kiristo.

Ruuka 1:43

Öni n-kë neenakyo! Kora nyakuwaabho Omonene uwëëtö aishirë ökönkëërya?

Ruuka 1:69

Atohaayë Ömötöörya uwa obhotoro, ukurwa mo-eka iya Daudi ömököri uwaaye uwa emeremo.

Ruuka 2:26

Okanyoora Umwika Ömöhörëëru amötëëbhëri igha, tarikwa igho atarööshë Kiristo uwa Omonene Waryobha.

Ruuka 2:4

Yusufu wonswe akatanora ukurwa mu-mughi ughwa Nazarëëti, ughwa mo-mokowa ughwa Ghariraaya, akatiira ukughya mu-mughi ughwa Bhëtërëhëëmu, ughwa mo-mokowa ughwa Yudea. Yaaghëëyë-yo ko bhoora Bhëtërëhëëmu ngwo ghwaarë umughi ughwa Daudi. Na Yusufu uyö, nu-uwa eka iya Daudi yaarë.

Yohana 1:41

Kamwë igho, akaghya ukutuna Simööni, mura uwaabho. Hano yaamunyöörrë, akamötëëbhya igha, “Törööshë Mesiya!” Ensonga iyaamo ni-igha, Kiristo.

Yohana 1:45

Mbe, Firipö akamaaha Natanaëri, akamötëëbhya igha, “Törööshë ömöntö ono Mosa yaandëkirë amangʼana aghaaye mo-ketabho ikya Amaraghërryö, kora ömöntö uyö, we abharööti bhonswe bhaandëkirë amangʼana aghaaye. Iriina iryaye ni-igha Yëësu uwa Nazarëëti, omoona uwa Yusufu.”

Yohana 11:27

Maarita akamohonshora igha, “Obhoheene Omonene, nkukumya ndë igha, nu-uwe Kiristo, Omoona uwa Waryobha, ono akuusha ko-kebhara kono.”

Yohana 20:31

Kasi ebhemanyërryö bheno bhyaandëkirwë, mbyaandëkirwë okore mukumi igha, Yëësu we Kiristo, Omoona uwa Waryobha, na ukukumya kuyö, kobhahaane öbhöhöru ko okohetera ku iriina iryaye.

Yohana 4:25

Omokari uyö akatëëbhya Yëësu igha, “Nemanyirë igha Mesiya nariisha, ono okobherekerwa igha Kiristo. Ghwiki nemanyirë igha, hano ariisha, narëtötëëbhya amangʼana ghonswe igho.”

Yohana 4:42

Abhasamaaria bhayö bhakatëëbhya omokari uyö igha, “Nkukumya törë ömöntö ono, te-ko okoghera iya ghano ötötëëbhëri, kasi n-ko bhono twighuurë bhëëtö abheene ghano akoghamba. Bhoono tomanyirë igha, obhoheene, ono we Ömötöörya uwa ekebhara.”

Yohana 6:69

Bhëëtö nkukumya törë, kora ntomanyirë igha, uwe m-Möhörëëru uwa Waryobha örë.”

Yohana 7:41

Abhantö abhandë bhakaghamba igha, “Ömöntö ono n-Kiristo.” Kasi abhandë bhakaghamba igha, “Ti-igho hë, Kiristo taatore ukurwera mo-mokowa ughwa Ghariraaya hë.

Amangʼana agha Abhatomwa 10:36

Waryobha yaatomaini amangʼana ko-Bhaisiraëri agha okoraareka Amangʼana Amaiya agha omorembe, okohetera ku-Yëësu Kiristo, Omonene uwa bhonswe igho.

Amangʼana agha Abhatomwa 13:23

“Ukurwera mu-bhuhiiri Daudi muyö, mo Waryobha yaarëëtëëyë Abhaisiraëri Ömötöörya Yëësu kya bhoora yaaraghaini.

Amangʼana agha Abhatomwa 17:3

Akatona amangʼana, arabharahorra kya igho ghaarë igha Yëësu nakaatëësirwë, aitwe, hano akomara, aryoke ukurwa mo-bhaku. Pauro akabhatëëbhya igha, “Yëësu uyö nkobhatëëbhya amangʼana aghaaye, we Kiristo.”

Amangʼana agha Abhatomwa 2:36

Peetero akamarërrya ko okoghamba igha, “Ku bhuyö, Abhaisiraëri bhonswe igho, ni-igha momanye bhuuya igha, Waryobha, akörrë Yëësu uyö, okobha Omonene na Kiristo. Na Kiristo uyöuyö, we mwaahanëkirë ko-mosarabha haara, mokamwita!”

Amangʼana agha Abhatomwa 5:31

Akamuriinia, akamohaana obhonene ko okomotoora orobhareka urwaye urwa bhoryo, ahasë aha okosookwa, abhe Ömötöngi na Ömöhönia uwa abhantö. Waryobha yaakörrë igho, okore Abhaisiraëri, bhahongore ëbhëbhë ibhyaho, bhaabherwe.

1 Abhakörintö 15:47

Ömöntö uwa mbere, yaabhömbirwë ukurwa ku-rirobha. Kasi ömöntö uwa kabhërë we mu-ryobha yaaruurë.

Abhafiripi 2:11

Na kera ömöntö aikërri igha, Yëësu Kiristo we Omonene, ko okokora igho, Waryobha Taata atöönibhwinga.

Abhafiripi 3:8

Kora te-ghayö agheene igho hë, kasi nkomaaha ndë igha, kera ëkëntö tekeena ubhwera hë, hano nakerengʼania na ehoorohooro iya okomanya Kiristo Yëësu, Omonene uwaane. Ko bhoora naahaatera ghonswe igho ghayö, ko okoghera iyaaye. Nkoghamaaha ndë igha, ghayö n-kya amatokoore, okore mbe ömöntö uwa Kiristo.

Abhakorosaai 2:6

Bhoono ko bhoora mwaakumya Kiristo Yëësu igha m-Monene uwëënyu, möghëndërri okobha na öbhömwë nawe.

1 Yohana 4:14

Bhëëtö twaamaaha Omoona uwa Waryobha, kora nkötëëbhya törë abhantö abhandë obhoheene igha, Taata Waryobha yaatömirë Omoona uwaaye ko-kebhara kono, okore abhe Ömötöörya uwa abhantö bhonswe igho.

1 Yohana 5:1

Ömöntö wowonswe igho ono akukumya Yëësu igha n-Kiristo, uyö we omoona uwa Waryobha. Ömöntö wowonswe igho ono ahanshirë umwibhöri, nkohansha arë kora na omoona uwa umwibhöri uyö.