Ruuka 2:1 - Imuuma Eehya

¹ Ko-nkaagha iyö iya ukwebhorwa ukwa Yohana, Kaisaari Aughusto yaaraghërrëëyi abhantö bhonswe igho abha mu-bhyaro bheno yaatonganga, bhaghende ukwandekwa.

Ruuka 2:1 ပူးပေါင်းရင်းမြစ်များ

Mataayo 22:17

Bhoono mbe tötëëbhi, bhono uwe okomaaha, amaraghërryö aghëëtö gharaikërrya igha tohakenga Kaisaari righööti, kasi nkwanga gharë?”

Mataayo 24:14

Kora ghwiki ni-igha, Amangʼana Amaiya agha Obhokama ubhwa Waryobha, ngareraarekwa ko-kebhara kyonswe igho, okore ghabhe kya ubhwimërërri ku-bhyaro bhyonswe igho. Hayö bhoono, ho urusikö urwa umuhiko rurihika.

Maariko 14:9

No-bhoheene nkobhatëëbhya igha, ahasë honswe igho, hano Amangʼana Amaiya ghararaarekwenga ko-kebhara kono, engʼana eno omokari ono ankörëëyë, yonswe neraghambwenga, ko okomoheetoka.”

Maariko 16:15

Akabhatëëbhya igha, “Moghende ko-kebhara kyonswe igho, moraarekere abhantö bhonswe igho Amangʼana Amaiya.

Ruuka 2:3

Ku bhuyö abhantö bhonswe igho, bhakaghya ukwandekwa, kera ömöntö akaghya ukwandekwa mu-mughi ughwa waabho.

Ruuka 2:5

Yusufu akaghya ukwandekwa hamwë na Maryamu. Maryamu uyö, no-oora Yusufu yaarenga aghambëëyë öbhökwë. Enkaagha iyö, Maryamu ne-nda yaarë, bhutindi bhökörö.

Ruuka 3:1

No-mooka ughwa ikömi na kataano ghwaarë, ughwa öbhötöngi ubhwa Kaisaari Tibhërio. Pontio Piraato nö-mötöngi uwa Yudea yaarë. Herode Antipa, we yaatonganga omokowa ughwa Ghariraaya. Firipö mura uwaabho Herode, we yaatonganga omokowa ughwa Iturea na ughwa Tiraköniti. Risania umwene yaatonganga omokowa ughwa Abhirene.

Amangʼana agha Abhatomwa 11:28

Ömwë uwa abharööti bhayö, yaabherekerwanga igha Aghaabho, akaimerra mo-sango iya abhakumya abha Antiökia hayö. Akaruusya öbhörööti ubhwaye okohetera Umwika Ömöhörëëru igha, inshara ëndörö kai, neraabhe ko-kebhara kyonswe igho. Inshara iyö, yo eera yaaibhökirë enkaagha eno Kaisaari Kiraudio yaarenga ömötöngi uwa obhokama ubhwa Abharuumi bhwonswe igho.

Amangʼana agha Abhatomwa 25:11

Nyoore naasarya engʼana yoyonswe eno eraaghere niitwe, tinkwanga hë. Kasi nyoore amangʼana ghayö ghonswe igho bhakoghamba ghataana obhoheene, taaho ömöntö ono araatore ukunhira ko-bhantö bhayö. Keno nkosabha ni-igha, ikiina ikyane kihirwe ko-Kaisaari!”

Amangʼana agha Abhatomwa 25:21

Kasi Pauro akasabha igha arendwe okohekera hano ikiina ikyaye kerebhotorwa na Kaisaari. Ku bhuyö nkaraghërrya igha, arendwe okohekera hano ndimuhira ko-Kaisaari.”

Abharuumi 1:8

Engʼana enene ni-igha, nkukumya ndë Waryobha okohetera ku-Yëësu Kiristo, ko okoghera iya bhëënyu bhonswe igho, ko bhoora umukumo ughwënyu, ngomanyekaini ko-kebhara kyonswe igho.

Abhafiripi 4:22

Kora abhantö abha Waryobha bhonswe igho bhano bhamënyirë mu-mughi ghono, bharabhakëërya, ekenene m-baara abha yeeka wa Kaisaari.