Ruuka 15:8 - Imuuma Eehya

⁸ “Mwitegherre ghwiki ëkërëngyö ikyëndë. Hano oraanyoore omokari nyabhorebhe aana seehera ikömi, ëmwë isire, taaghööti etara kora eeye inyumba yonswe igho, akore omotono ughwa ukughituna bhuuya, okohekera hano araaghinyoore?

Ruuka 15:8 ပူးပေါင်းရင်းမြစ်များ

Mataayo 5:15

Kora abhantö tebhaköghöötya etara, bhamare bhaghikundikiri na ribhaköri, kasi nkoghetoora bharë ko-katangora, okore ëmërëkëri abhantö bhonswe igho mu-nyumba.

Ruuka 15:7

“Ndabhatëëbhya igha, ni-igho ërë mu-ryobha, hano ömöntö ömwë uwa ëbhëbhë, yaahongora ëbhëbhë ibhyaye. Ukushomerwa kuyö, n-konene okokera ukwa abhantö abha heene merongo kenda na kenda, bhano bhatatöniibhwi na okohongora ëbhëbhë ibhyaho.

Ruuka 15:9

Na hano yaghinyoora, nkobherekera arë abhamenyani abhaaye na abhasaani abhaaye, abhatëëbhya igha, ‘Tushomerwe hamwë, ko bhoora nyöörrë ehera iyaane eno yaarë isirrë.’

Ruuka 19:10

Omoona uwa Ömöntö nnaasha ukutuna, na ökötöörya abhantö bhano bhaasira.”

Yohana 10:16

Öni neena amangʼöndi aghandë ghano ghatarëngë agha mu-riigho mono, ghonswe ghayö ni-igha ngareete. Amangʼöndi ghayö ghonswe ngaraamanye engamba iyaane. Ku bhuyö nderaabha rihisho imwë, na omokaraabhërri ömwë igho.

Yohana 11:52

Te-ko okoghera iya Abhayahudi abheene igho, kasi n-ko okoghera iya okokomania abhaana abha Waryobha bhano bhaanyaraghana okore, bhabhe hamwë.

Amangʼana agha Abhatomwa 19:19

Abhantö abhaaru bhano bhaaraghoranga, bhakareeta ebhetabho ibhyabho ibhya obhoraghöri, bhakabhesamba harabhu igho. Bhakakora risaabhu irya öbhöghöri ubhwa ebhetabho bhiyö, bhakamaaha igha bhyahikyanga ëbhëkwë na ëbhëkwë ibhya seehera.

Abhaëfësö 2:17

Mbe, Kiristo akaasha, akaraareka amangʼana agha omorembe kö-bhëënyu bhano mwaarë hare na Waryobha, na ko bhano bhaarë haangʼë na Waryobha.