Ruuka 15:2 - Imuuma Eehya

² Urusikö urwöndë, Abhafarisaayo na abhëëghya abha amaraghërryö agha Mosa, bhakaibhëmbëërya, bhakaghamba igha, “Ömöntö ono, ndarra m-mösërëënia uwa abha ëbhëbhë? Kora nkosanga arë nabho!”

Ruuka 15:2 ပူးပေါင်းရင်းမြစ်များ

Mataayo 11:19

Mbe, bhoono öni Omoona uwa Ömöntö nishirë, nkorya ndë na ukunywa idivai, kasi nkoghamba bharë igha, ‘Tamaaha uyö, m-mohobhaaru, m-mörëëbhi, na kora m-mosaani uwa abhaghööti abha righööti na abha ëbhëbhë abhandë.’ Kasi obhongʼaini ubhwa Waryobha nkwörökya bhörë igha, m-boheene ko enshera iya öbhömënyi ubhwa abhantö abha Waryobha.”

Mataayo 9:11

Hano Abhafarisaayo bhaarööshë amangʼana ghayö, bhakatëëbhya abheegha abha Yëësu igha, “Umwëghya uwëënyu uyö, taingʼarëëyë okorya hamwë na abhaghööti abha righööti na abha ëbhëbhë abhandë!”

Ruuka 15:3

Mbe, ku bhuyö Yëësu akabharëngëngya ëkërëngyö igha,

Ruuka 19:7

Hano abhantö bhonswe igho bhaarööshë ghayö, bhakasimya ukwibhëmbëërya bharaghamba igha, “Aghëëyë okokora öbhöghëni uwa ömöntö uwa ëbhëbhë!”

Ruuka 5:30

Abhafarisaayo na abhëëghya abha amaraghërryö agha Mosa, bhakaibhëmbëërya ko-bheegha abha Yëësu igha, “N-kwakë mokosanga hamwë ibhyakorya na abhaghööti abha righööti na abha ëbhëbhë abhandë?”

Ruuka 7:34

Bhoono mbe, öni Omoona uwa Ömöntö nishirë, nkorya ndë emekaate na ukunywa idivai, bhëënyu moraghamba igha, ‘Motamaaha mbe omohoobhaaru ono, kora m-mörëëbhi, na omosaani uwa abhaghööti abha righööti na abha ëbhëbhë abhandë.’

Ruuka 7:39

Omofarisaayo uyö hano yaarööshë amangʼana ghayö, akaitegherra mo-motwe ughwaye igha, “Singa m-maheene igha Yëësu ono m-mörööti, nakaamanyirë igha, omokari uyö akumukunia n-wa teemo kë, nakaamomanyirë igha, n-wa ëbhëbhë.”

Amangʼana agha Abhatomwa 11:3

Bhakamötëëbhya igha, “Uwe waasöhirë wa ömörëësya (ömöntö ono atakosaarwa) kora okasanga nabho ibhyakorya!”

Abhagharatia 2:12

Peetero yaasanganga ibhyakorya hamwë na abhakumya Abhakyaro. Urusikö urwöndë, abhantö nyabhorebhe ukurwa ku-Yaakobho bhakaasha. Hano abhantö bhayö bhaahikirë, akaiyahora ukurwa mo-bhakumya Abhakyaro, akakyora nyuma. Yaakörrë igho ko bhoora yööbhöhirë abhantö bhaara bhaakangʼasërryanga igha, abhakumya bhonswe igho, ni-igha bhasaarwe tangata.

1 Timoteo 1:15

Engʼana eno nemanyekaini igha, “Kiristo Yëësu yaaishirë ko-kebhara kono, okore atööri abha ëbhëbhë.” Obhoheene, ni-igho amangʼana gharë, ku bhuyö ni-igha abhantö bhaikërri. Mo-bhantö abha ëbhëbhë, öni wa ëbhëbhë ndë okokera bhonswe igho.