Ruuka 12:1 - Imuuma Eehya

¹ Enkaagha iyö, abhantö ëbhëkwë na ëbhëkwë, mbaaikomanianga, kora abhantö bhakatashana. Yëësu akasimya ukushumaasha na abheegha abhaaye, akabhatëëbhya igha, “Mwiyangarre na ehamiira iya Abhafarisaayo, kuyö kwo okoghamba igha, ubhwiköri ubhwabho. Bhuyö, nkoromaana bhörë kya ehamiira eno ikubhimbya obhose ubhwa engano.

Ruuka 12:1 ပူးပေါင်းရင်းမြစ်များ

Ruuka 11:44

Haahö bhëënyu bhano mokobha kya sembeehera, seno setaana ekemanyërryö igha ne-mbeehera seehano, kora abhantö nkosetasha bharë bhatamanyirë.”

Ruuka 12:56

Bhëënyu m-baihunaania mörë. N-kwakë mokomanya bhuuya senkaagha isya omooka, kasi temokotora okomanyërrya ensonga iya amangʼana ghano ghakwikora reero eno hë?

Ruuka 5:1

Urusikö nyabhorebhe, Yëësu yëëghyanga engʼana iya Waryobha, aimërëëyë ko-morambo ughwa inyansha iya Ghariraaya. Abhantö abhaaru bhakamusuntarra haangʼë bhamwinaarrë, okore bhamwitegherre.

Ruuka 5:15

Nokaanyoora Yëësu yaamokaanëri igha atakaatëëbhya abhantö, kasi amangʼana agha Yëësu ghakaromaana bhököngʼu. Abhantö abhaaru bhakabha bharaikomania ku-Yëësu, okore bhaitegherre amëëghyö aghaaye, na ukuhwënibhwa amarööyë aghaabho.

Ruuka 6:17

Yëësu akangʼaaraara ukurwa ku-nguku kuyö hamwë na abhatomwa abhaaye. Hano yaahikirë ko-kebharabhanshë, akaimerra. Hayö bhaare-ho abheegha abhaaye abhaaru, na rikomo rinene irya abhantö abhandë resangëraini-ho. Bhaarwërëëyë mo-mokowa ughwa Yudea ghonswe igho, abhandë bhaarwërëëyë mu-mughi ughwa Yërusarëëmu, na abhandë bhaarwërëëyë ko-sembaara isya ko-morambo ughwa Tiiro na ughwa Siidööni. Abhantö bhayö mbaaishirë hayö, okore bhaitegherre Yëësu, na ukuhwënibhwa.

Amangʼana agha Abhatomwa 21:20

Hano bhaaighuurë ghayö, bhakatöönia Waryobha, bhakatëëbhya Pauro igha, “Uwe umukumya murikyëtö, nomanyirë kya igho ëbhëkwë na ëbhëkwë ibhya Abhayahudi bhakumiri Yëësu. Bhonswe igho bhayö, mbaana omotono bhököngʼu, ughwa okosooka amaraghërryö agha Mosa.

1 Abhakörintö 15:3

Amëëghyö agha ubhwera obhonene ghano naahaaywë naabhëëghya igha, Kiristo yaakuurë ko okoghera iya ëbhëbhë ibhyëtö, kya bhono Amaandeko Amahörëëru ghakoghamba.

Abhaëbhuraania 12:22

Kasi bhëënyu, muhikirë ku-nguku iya Sayuuni, mu-mughi ughwa Waryobha ömöhöru, Yërusarëëmu iya mu-ryobha, ahasë hano abhamaraika ëbhëkwë na ëbhëkwë bhaikomaini.

Yaakobho 3:17

Kasi, obhongʼaini bhono bhukurwa ku-Waryobha, m-buuya, mboona omorembe, na obhohaabhu, nkwitegherra bhörë bhuuya amangʼana agha abhantö. Obhongʼaini bhuyö, nkokora bhörë amangʼana amaiya, kora mboona ikyabhera, tebhoona ekeroterro, handë ubhwahöri ubhwa abhantö, handë ubhwihunaania.

1 Peetero 2:1

Mbe, mutighe obhoghogho bhonswe igho, seteemo syonswe igho isya okongʼaina abhantö, ubhwiköri, na rikenge, kora motakaaghambanga bhoghogho abhantö.