Ruuka 11:41 - Imuuma Eehya

⁴¹ Mötöörringa abhatöbhu kwa enkoro nshiiya, hayö ho moraabhe abhantö abha heene.

Ruuka 11:41 ပူးပေါင်းရင်းမြစ်များ

Mataayo 26:11

Ko bhoora abhatöbhu, mmoonabho sinsikö syonswe igho, kasi öni tëngëndërri okobha na bhëënyu nsikö syonswe igho hë.

Mataayo 5:42

Hano ömöntö omohabhë akosabhirë ëkëntö, mohaane. Hano ömöntö araashe igha omohaane isiirë, otakaamwima.”

Maariko 7:19

Ibhyakorya tibhikughya mo-nkoro iya ömöntö hë, kasi mo-nda bhikughya, bhemara bhirwa-mo.” Hano Yëësu yaaghambirë igho, yöörökëri igha, ibhyakorya bhyonswe igho bhyaikërribhwa igha, bhereebhwe.

Ruuka 12:33

Möghöri ëbhëntö ibhyënyu, musumi abhatöbhu. Ko okokora igho, moraaibhekere emongo mu-bhighushi bheno bhetakosareka mu-ryobha iyö. Mu-ryobha iyö, umwibhi takwibha-yo hë, kora omoswa teghokosarya hë.

Ruuka 16:9

Öni ndabhatëëbhya igha, mwikorre obhosaani kö-bhëntö bheno moonabhyo ko-kebhara kono, okore hano bherehwa, mösërëënibhwi mö-bhöhöru ubhwa amakora ghonswe igho.

Ruuka 18:22

Hano Yëësu yaaighuurë amangʼana ghayö, akamötëëbhya igha, “Eeho engʼana ëmwë, eno ukutunwa okore. Kaghi öghöri ëbhëntö bhyonswe igho bheno onabhyo, seehera syonswe igho seno oraanyoore-mo, utwenani abhatöbhu. Hayö ho oraabhe na emongo iyaaho mu-ryobha. Hano oraamare, uushe onsoorane.”

Ruuka 19:8

Kasi Zakaayo akemerra, akatëëbhya Omonene igha, “Ighwa Omonene uwëëtö nkötëëbhi. Ukurwa bhoono igho, ritënë irya ëbhëntö ibhyane, nendaahaane abhatöbhu. Na nyoore naaruusya ömöntö wowonswe ëkëntö ikyaye, n-kane ndaamukyörri, ko-kerengere keno naamuruusya.”

Amangʼana agha Abhatomwa 10:15

Engamba iyö akamweshera urwa kabhërë, ekamötëëbhya igha, “Otakaabherekera ëkëntö keno Waryobha yaasendoora igha n-kinyanku.”

Amangʼana agha Abhatomwa 11:29

Engʼana iyö, yaaghërrë abheegha bhakahëtya omosorro, ko okorengʼaana na ubhurito ubhwa ömöntö, okore bhaherre abhakumya bharikyabho bhano bhaamënyirë Yudea.

Amangʼana agha Abhatomwa 24:17

“Mbe, hano imyoka imyaru ghyaahëtirë ntaraakyora Yërusarëëmu, nkaghya-ho na ëbhëntö ibhya ekehaheeno ökötöörya Abhayahudi abhahabhë mu-kyaro ikyëtö, hamwë na ikimwenso ikya ukumwensera Waryobha.

2 Abhakörintö 8:12

Hano wanyoora ömöntö aana omotono ughwa ökötöörrya, Waryobha nkwikërrya arë ko okorengʼaana na ekerengere kiyö aanakyo. Waryobha tamutune aruusi keno aataanakyo.

Abhaëfësö 4:28

Umwibhi atakaghëndërrya ukwibha ghwiki, kasi nyakara akore omotono ughwa okokora emeremo imiiya na amabhoko aghaaye umwene, okore anyoore ëkëntö ikya ukutwenera ono aana obhohabhë.

Tiito 1:15

Mbe, abhantö bhayö nkwëghya bharë igha, bheeho ëbhëntö ibhinyanku. Kasi öni ndaghamba igha, ëbhëntö bhyonswe igho bhyasendoorwa, ku bhuyö m-biiya, ko bhano bhaana eteemo inshiiya ku-Waryobha. Kasi ko abhanyanku na bhano bhatakukumya, ëbhëntö bhyonswe igho m-binyanku, ko bhoora igha, amaitegherro aghaabho na senkoro isyabho, nsishööyë ubhunyanku.

Abhaëbhuraania 13:16

Motakeebha okokora amangʼana amaiya na okoghootana tobhe këntö këmwë, ko bhoora ikimwenso kya kiyö, nkyo këkötëghërya Waryobha.

Abhaëbhuraania 6:10

Ko bhoora Waryobha wa heene, taatore ukwebha emeremo ighyënyu gheno mwaakora, na righonshe reno mwöörökya ko okoghera iya we, ku ukutighinkanera abhahörëëru, na kora bhoono nköghëndërrya mörë okobhatighinkanera.

Yaakobho 1:27

Amangʼana amaiya agha idiini ghano ghakushomera Taata uwëëtö Waryobha, ghano akomaaha igha teghaana isoro hë, nö-kötöörrya sentakaana na abhasinö mu-sinyanko isyabho, na ukwibhasha ëbhëbhë ibhya ko-kebhara kono.