Ruuka 10:41 - Imuuma Eehya

⁴¹ Kasi Omonene akamohonshora igha, “Maarita, n-kë ukunyankera?

Ruuka 10:41 ပူးပေါင်းရင်းမြစ်များ

Maariko 4:19

Kasi inyanko iya ko-kebhara kono, iya ubhutuni ubhwa okobha na ëbhëntö, bheena ukwighomba amangʼana aghandë, mbyo bhikutimba engʼana, ekerwa ukwama.

Ruuka 10:38

Hano Yëësu na abheegha abhaaye bhaarenga ko-roghendo urwa ukughya Yërusarëëmu, bhaasöhirë mu-kishishi ikyëndë. Mu-kishishi muyö, yaare-mo omokari uwöndë ono yaabherekerwanga Maarita, akasërëënia Yëësu yeeka waaye hayö.

Ruuka 10:40

Maarita yaatighinkananga na emeremo imyaru, ku bhuyö akabha na sensegheegha, akaasha akatëëbhya Yëësu igha, “Bhoono uwe Omonene uwëëtö, nkomaaha örë igha m-buuya mwisëkë uwëëtö okonteghera emeremo ghyonswe igho öni umwene? Otamötëëbhya mbe antöörri.”

Ruuka 12:22

Ho Yëësu yaatëëbhëri abheegha abhaaye igha, “Ko okoghera iya ghayö, ndabhatëëbhya igha, motakaahaha na ukwibhöörya igha, ‘Hai toraanyoore ibhyakorya, handë igha nkë toraatoorenga?’

Ruuka 21:34

“Mwiyangarre motakaasha kuritoherwa na obhoraaghëri, na öbhörëëbhi, na ehaho iya öbhöhöru ubhwa ko-kebhara kono. Hano mutiyangarre, urusikö urwa umuhiko ndorebhabhasha motamanyirë.

Ruuka 8:14

“Simbusiro seera syaatöönyirë mo-maanyamahwa, siyö na-bhantö bhano bhakwitegherra engʼana iya Waryobha bhaghikërrya. Kasi hano enkaagha yaaheta-ho, bhanyankibhwa na amangʼana agha ubhutuni, ukwighomba ubhwamë, na obhoraaghëri. Amangʼana ghayö ngo ghakoghera umukumo ughwabho teghokobha ughwa heene hë.

Yohana 11:1

Yaare-ho ömöntö ono yaabherekerwanga igha Raazaaro, m-mörööyë yaarë. Yaamënyirë Bhetania hamwë na Maryamu bhaana Maarita, bhaisëkë bhaabho.

Yohana 11:5

Yëësu yaahanshirë Maarita mohara uwaabho Maryamu, na Raazaaro mura uwaabho.

Yohana 12:2

Mbe, abhantö abha hayö bhakamösërëënia, bhakamohensherra ibhyakorya ibhya omoghoroobha. Maarita akamutighinkanera, na Raazaaro yaarë mo-bhano bhaikaayë okorya hamwë na Yëësu ko-meeza.

Abhafiripi 4:6

Motakaanyankeranga engʼana yoyonswe eera, kasi ko-ghonswe igho, ni-igha mosaasaamenga na okosabha Waryobha keno mukutuna. Hano mwamosaasaama, mosangania ukumukumya.