Ruuka 10:3 - Imuuma Eehya

³ “Bhoono bhëënyu mughi. Kasi momanye igha, okobhatoma kono nkobhatoma mo-bhantö, n-kya hano ebhemaanwa ibhya amangʼöndi, bhyahirwa mu-sishuushë ghatë.

Ruuka 10:3 ပူးပေါင်းရင်းမြစ်များ

Mataayo 10:16

Yëësu akaghëndërrya ukushumaasha na abheegha abhaaye, akabhatëëbhya igha, “Mwangarre, okobhatoma kono nkobhatoma mo-bhantö, n-kya hano amangʼöndi ghaahirwa mu-sishuushë ghatë. Ku bhuyö ni-igha mongʼainihe kya inshoka. Ghwiki ni-igha mobhe abhahaabhu kya ibhighuuti.

Mataayo 10:22

Abhantö mbarebharegha hasë honswe igho, ko bhoora igha, m-beegha abhaane mörë. Kasi ono arëghömërrya okohekera ku-muhiko, Waryobha narëmötöörya.

Mataayo 7:15

Yëësu akaghamba igha, “Mwiyangarre ko-mangʼana agha abharööti abha obhorongo. Nkuusha bharë kö-bhëënyu bhahaabhuhirë kya amangʼöndi. Kasi obhoheene ni-igha, mbanga sishuushë sëmbë.

Ruuka 10:4

Motakaamanora ensaho, ikighushi ikya seehera, handë rifwara iryëndë irya ebheraatö. Motakaitëbhërrya ko-nshera, kö ökökëëryakëërya abhantö.

Yohana 10:12

Ömököri uwa emeremo ono atarëngë omokaraabhërri uwa amangʼöndi, ono amangʼöndi ghatarëngë aghaaye, hano yamaaha ishuushë eraasha, nkongʼosa arë, atigha hayö amangʼöndi agheene igho. Mbe ityënyi nkoghoota ërë amangʼöndi aghandë, ghaara ghatamirë, ghanyaraghana.

Yohana 15:20

Motakeebha ghano naabhatëëbhëri igha, ‘Omoghorwa, taatore okobha omonene kokera omonene uwaaye hë.’ Mbe, nyoore bhaannyankëri, na bhëënyu bhonswe mbaraabhanyanki. Nyoore bhaghöötirë amangʼana aghaane, aghëënyu ghonswe mbaraaghaghoote.

Yohana 16:2

Abhantö mbaraabharughi murwe mu-sinyumba isya esango iya Abhayahudi. Kora enkaagha irihika-ho, eno kera ömöntö ono arebhaita, arekanyanga igha m-buuya akokora ku-Waryobha.

Amangʼana agha Abhatomwa 20:29

Nemanyirë igha, hano ndaaihëëni-ho, abhëëghya abharongo mbariisha kö-bhëënyu. Abhëëghya bhayö, bhareebha kya sishuushë sëmbë seno setakwabhera rihisho.

Amangʼana agha Abhatomwa 9:16

Nendaamwöröki kya igho araatundësibhwi bhököngʼu, ko okoghera iya iriina iryane.”

Amangʼana agha Abhatomwa 9:2

akamosabha amohaane amatashandighi, agha ukuhira ku-sinyumba isya esango iya Abhayahudi mu-mughi ughwa Damasiko. Yaakörrë igho okore hano araanyoore-yo abhasoorani abha Yëësu, mbakaabha abhakari handë abhashaasha, abhareete Yërusarëëmu bhabhöhirwë.