Ruuka 10:2 - Imuuma Eehya

² Yëësu akabhatëëbhya igha, “Ibhyakorya m-byaru kö-möghöndö, kasi abhaghësi m-bake igho. Ku bhuyö mosaasaame mwene ömöghöndö, ahire abhaghësi kö-möghöndö bhaghese.

Ruuka 10:2 ပူးပေါင်းရင်းမြစ်များ

Mataayo 20:1

Yëësu yaarëngëri ëkërëngyö keno igha, “Obhokama ubhwa Waryobha, mbonga kya ömöntö ono yaarë na ömöghöndö, akamuta nyinkyo shiri, ukughya kutuna abhantö abha okomokorra emeremo kö-möghöndö ughwaye ughwa emezabhibhu.

Maariko 13:34

“Ukuusha ukwane öni Omoona uwa Ömöntö, nkutuubhaini kya ëkërëngyö keno hano. Igha, n-kya hano ömöntö areemoke ukughya oroghendo, umughi ughwaye ateghere abhaghorwa abhaaye bhamonaghëri. Abhatwenani emeremo ighya okokora. Amare atëëbhi ömörëndi uwa mu-kihiita igha, angarre.”

Maariko 16:15

Akabhatëëbhya igha, “Moghende ko-kebhara kyonswe igho, moraarekere abhantö bhonswe igho Amangʼana Amaiya.

Maariko 16:20

Abheegha abhaaye bhakatanora ukurwa hayö. Bhakaghya okoraareka Amangʼana Amaiya kera hasë. Omonene Yëësu yaabhahaananga obhotoro ubhwa ebhemanyërryö, ku bhuyö ni-igho yöörökëri igha, amangʼana ghayö n-ga obhoheene.]

Ruuka 9:1

Yëësu yaabhërëkëëyë abhatomwa abhaaye ikömi na bhabhërë. Akabhahaana ubhwera na obhotoro ubhwa ukwata amasambwa ghonswe igho ko-bhantö, na ukuhwënia abharööyë.

Amangʼana agha Abhatomwa 11:19

Mbe, abhakumya bhano bhaanyaraghaini ku kibhuno ikya inyaanyi iya ukwitwa ukwa Sitefaano, mbaangʼösëëyë mu-bhyaro ibhya Föinikë, abhandë Kiipuro, na mu-mughi ughwa Antiökia. Hano bhaahikirë iyö, bhakabha bharëëghya amangʼana agha Yëësu ko-Bhayahudi abheene igho.

Amangʼana agha Abhatomwa 13:2

Enkaagha eno bhaaisasanga ibhyakorya bharasaasaama Omonene Waryobha, Umwika Ömöhörëëru akaghamba igha, “Munyahorre Bharinaabha bhaana Sauri, bhankorre emeremo gheno naabhabherekerra.”

Amangʼana agha Abhatomwa 13:4

Ho Bharinaabha na Sauri bhaatömirwë na Umwika Ömöhörëëru, bhakangʼaaraara ukughya mu-mughi ghono ghwaabherekerwanga igha, Serukia. Bhakatanora ukurwa hayö, bhakariina mu-ryato, bhakaghya kwi-ghinga irya Kiipuro.

Amangʼana agha Abhatomwa 20:28

“Bhëënyu mwiraarerrenga abheene, na okonaghya bhuuya abhakumya. Umwika Ömöhörëëru we yaabhakora mobhe abhaimërërri abhaabho. Ko bhoora Yëësu, we yaabhatungurya okohetera ko-maanyinga aghaaye.

Amangʼana agha Abhatomwa 22:21

“Kasi wonswe akanhonshora igha, ‘Uwe kaghi! Ko bhoora nendaakotome oghende hare iyö ko-Bhakyaro.’ ”

Amangʼana agha Abhatomwa 8:4

Abhakumya bhayö bhaanyaraghaini, ahasë honswe igho hano bhaaghyanga, mbëëghyanga-yo abhantö Amangʼana Amaiya agha Yëësu.

1 Abhakörintö 12:28

Abhatomwa mbo Waryobha yaatoora mo-kanisa abha mbere, abha kabhërë abharööti, abha katatö abhëëghya. Ghwiki yaatoora-mo bhano bhakokora amakono, na abha ituho iya ukuhwënia abharööyë, na abha ökötöörrya abhandë, na bhano bhakotangata bharikyabho, na abha ituho iya okoghamba ebheghambo ebhehya.

1 Abhakörintö 15:10

Kasi bhono ndëngë bhoono igho, n-ko okoghera ukwa örööbhö urwa Waryobha. Örööbhö urwaye ruyö ku-öni, te-rwa bhosa hë, ko bhoora rwaaghera naakora emeremo okokera abhandë bhonswe igho, te-ko obhotoro ubhwane umwene hë, kasi nö-rööbhö urwa Waryobha ruyö rörëngë hamwë na öni.

2 Abhakörintö 6:1

Mbe, ko bhono tokokora emeremo hamwë na Waryobha, ku bhuyö nkobhasaasaama törë igha, örööbhö urwa Waryobha rono mwanyoora, rotakaaheta bhosa.

Abhafiripi 2:21

Ngambirë igho, ko bhoora abhandë bho na-mangʼana aghaabho agheene ghabhatönëri, kasi amangʼana ghano Yëësu Kiristo akutuna ghakorwe, teghabhatönëri hë.

Abhafiripi 2:25

Bhoono nkomaaha ndë igha, m-buuya ntome Epafurodito kö-bhëënyu, we nu-mukumya murikyane, nkokora arë emeremo ighya Waryobha hamwë na öni. Ntoona omotono kya abhasirikare ku ukwitanera Amangʼana Amaiya. Ghwiki uyö, we mwaatömirë ku-öni, aashe ukuntighinkanera, na ököntöörrya ëbhëntö bheno bhikunsuuha.

Abhafiripi 2:30

Ngambirë igho ko bhoora hake yaarë akwe, ko okoghera iya emeremo ighya Kiristo. Ghwiki yaairëëyë ebheraasi öbhöhöru ubhwaye, okore anhikiri öni ekehaheeno keno bhëënyu mwaakërrwë ukukinhikirya ko bhoora hare naarë.

Abhakorosaai 1:29

Ko okoghera iya engʼana iyö, neena omotono ughwa okokora emeremo bhököngʼu, ku singuru seno Kiristo akongʼaana.

Abhakorosaai 4:12

Epafura Omokorosaai murikyënyu wonswe nkobhakëërya arë, wonswe m-mököri uwa emeremo uwa Kiristo Yëësu. Epafura uyö, naana omotono ughwa okobhasabhera nkaagha syonswe igho, nkobhasabhera arë igha, monaghe ku-mukumo ughwënyu, na mohangarre ko amangʼana ghano Waryobha akutuna igha mokore.

1 Abhatësarönikë 2:9

Abhakumya bharikyëtö, ndamanya nkuhiita mörë omotono ughwëtö na ukunyanka ukwëtö, kono twaarë nako ko okokora emeremo ubhutikö na omobhasö. Ntwaakoranga igho, okore totakaanyankya ömöntö wowonswe mö-bhëënyu, hano twaraareka Amangʼana Amaiya agha Waryobha.

1 Abhatësarönikë 5:12

Bhoono abhakumya bharikyëtö, torabhasabha igha, mosookenga bhaara bhakobhatöörrya, na eno bharabhatangata na okobhaghambera ku ubhwera ubhwa Omonene Yëësu.

2 Abhatësarönikë 3:1

Bhoono abhakumya bharikyëtö, motosabheraninga, okore amangʼana agha Omonene Yëësu gharomaane bhöngö. Motosabherenga, okore abhantö bhaghaikërri na bhaghasooke, kya bhoora yaarë kö-bhëënyu.

1 Timoteo 4:10

Engʼana iyö, yo ekoghera toranyanka na torakora omotono ko-meremo, ko bhoora igha, Waryobha ömöhöru we tukwitengʼera. Uyö we Ömötöörya uwa abhantö bhonswe igho, ekenene m-Mötöörya uwa bhano bhakumukumya.

2 Timoteo 4:5

Kasi uwe Timoteo, wangarre ko amangʼana ghayö ghonswe igho. Öghömërri inyaanyi, okore emeremo ighya okoraareka Amangʼana Amaiya, okore bhuuya kö-bhököri ubhwaho bhonswe igho, ubhwa emeremo ighya Waryobha.

Firimoni 1:1

Ritashandighi reno Firimoni, nö-öni Pauro nkwandëkëëyë. Öni mo-kebhohe ndë, ko okoghera iya okoraareka Amangʼana Amaiya agha Kiristo Yëësu. Öni toona umukumya murikyane Timoteo, torakökëërya uwe omoghonshe uwëëtö, ömököri uwa emeremo murikyëtö.

Abhaëbhuraania 3:6

Kasi Yëësu Kiristo, we n-kya Omoona uwa heene ono aana ubhwera ko-mangʼana agha inyumba iya Waryobha. Inyumba iyö, m-bëëtö, hano toraaghëndërri okobha abhakarë na okonagha bhuuya ko-keno tukwesegha.

Okohonyora 2:1

Ömöntö uyö arëngë kya m-Moona uwa Ömöntö akaghëndërrya ököntëëbhya igha, “Andekera maraika uwa ekanisa iya Ëfësö, ömötëëbhi igha, Ghano ngo nkoghamba öni ono ngötërrëëyë sinyota muhungatë mo-kobhoko ukwane ukwa bhoryo. Öni nö-öni nkoghenda ghatëghatë iya ebhetangora muhungatë ibhya esahaabhu bheera ibhya okotoora-ko setara. Mwitegherre ghano nkobhatëëbhya.